Kurdî  ■  كوردی  ■  عربي
THU, 21 JUN 2018 09:35 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

حەیدەر شەشۆ: هەموومان پێویستیمان بە سەرۆک بارزانی هەیە؛ پشتگیری ریفراندۆم و سەربەخۆیی دەکەین
| KDP.info


شنگال-KDP.info-  (حەیدەر شەشۆ) فەرماندەی هێزی پاراستنی ئێزدیخان و سەرۆکی پارتی دیموکراتی ئێزدی دەڵێ، هەموومان پێویستیمان بە (سەرۆک بارزانی) هەیە، وەک هێزی پاراستنی ئیزدیخان و پارتی دیموکراتی ئێزدییش پشتگیری تەواو لە ریفراندۆم و سەربەخۆیی کوردستان دەکەین.

"پشتگیری لە ریفراندۆم و سەربەخۆیی کوردستان دەکەین"
(حەیدەر شەشۆ)، بە ماڵپەڕی فەرمیی پارتی دیموکراتی کوردستان گوت، پێویستە حکوومەتی هەرێمی کوردستان و سەرکردایەتیی سیاسی کوردستان بۆ دوای قۆناغی ریفراندۆمیش لە ئامادەباشی دابن بۆ ئەوەی داخوازییەکانی گەلی کورد و کوردستان بە تەواوی جێبەجێ بکرێ و وەک وڵاتانی دیکەی جیهان کوردستان سەربەخۆیی وەربگرێ و، وەک دەوڵەت خۆی بەڕێوەببات. دەشڵێ، پارتەکەیان بەتەواوەتی پشتگیری لە ریفراندۆم و سەربەخۆیی کوردستان دەکات، هەڵبەت تەواوی خەڵکی کوردستانیش پشتگیری لە سەربەخۆیی کوردستان دەکەن، لە داهاتوویەکی نزیکدا ریفراندۆم دەکرێ و ئێمەیەش وەک هەموو وڵاتانی دیکەی جیهان دەبینە دەوڵەتێکی سەربەخۆ.

"دەبێ شنگال و ناوچەکانی دیکەی کوردستانی بەشداری لە ریفراندۆم بکەن"
لەبارەی دەڤەری شنگالیشەوە بۆ ریفراندۆم، (حەیدەر شەشۆ) رایگەیاند کە دەبێ شنگال و ناوچە کوردستانییەکانی دیکەی دەرەوەی ئیدارەی هەرێم بەشداری لە ریفراندۆم بکەن، وەک چۆن خەڵکی شارەکانی  هەولێر، سلێمانی، دهۆک و هەڵەبجە مافی بەشداریان لە ریفراندۆم هەیە دەبێ خەڵکی شنگال و خانەقین و ناوچەکانی دیکەیش وەها مافی بەشداریان لە ریفراندۆمدا هەبێ.

"پشتگیری لە سەرۆک بارزانی دەکەین"
(حەیدەر شەشۆ) رایگەیاند، گەلی کورد و هەموومان پێویستیمان بە (سەرۆک بارزانی) هەیە بۆ راگەیاندنی سەربەخۆیی، کەسێکی شیاو کە ئەمرۆ بتوانێت هەموو ئەم پلان و کارانە بەڕیوەببات بۆ سەربەخۆیی (سەرۆک بارزانی) یە کە دەتوانیت ئەم قۆناغە بەڕێوەببات و هەموومان پاڵپشتی دەکەین، بۆ ئەوەی مافی گەلی کورد وەک هەموو گەلانی دونیا دیاری بکات.
لەبارەی هێزی پاراستنی ئێزدیخانیشەوە (شەشۆ) روونی کردەوە، بە شیوەیەکی فەرمیی و بە بەڵگە بڕیاردراوە  هێزی پارستنی ئێزدیخان بکەوێتە سەر وەزارەتی پێشمەرگە، بەڵام تا ئێستا نەکەووتوەتە سەر وەزارەتی پێشمەرگە و دواخراوە، بەڵام لەلایەن (سەرۆک بارزانی) پەسەند کراوە بکەوێتە سەر وەزارەتی پێشمەرگە، هۆکاری دواخرانیشی بۆ پڕچەککردن و مەشقدان دەگەڕێتەوە.

"شانبەشانی پێشمەرگە بەشداری لە رزگارکردنی شوێنەکان دەکەین"
سەبارەت بە رزگارکردنی ئەو شوێنانەی کە ماون لە دەڤەری شنگالدا، (حەیدەر شەشۆ) گوتی، هێزی پاراستنی ئێزدیخان شانبەشانی هێزەکانی پێشمەرگە بەشداری لە رزگارکردنی ئەو شوێنانە دەکات کە هێشتا رزگار نەکراون و رزگارکردنی ئەو شوێنانەیش چەند حەفتەیەک دەخایەنێ.

"حەشدی شەعبی سەرپێچی کرد"
لە بارەی هاتنی حەشدی شەعبی بۆ باشووری شنگال فەرماندی هێزی پاراستنی ئێزدیخان گوتی، بەداخەوە حەشدی شەعبی سەرپێچی کرد لەو رێککەوتنەی کە هەبوو.

کاروان باعەدری
 




دوایین هەواڵەکان

وەزارەتى خوێندنى باڵا، لیستى زانکۆ باوەڕپێکراوەکانى تورکیا و ئێرانی بڵاو كرده‌وه‌

THURSDAY, 21 JUNE 2018 00:06:18

هه‌ولێر-KDP.info-  وەزارەتى خوێندنى باڵا و توێژینەوەى زانستیى حکوومەتى هەرێمى کوردستان پێداچوونەوەى بە لیستى زانکۆ باوەڕپێکراوەکانى وڵاتانى (تورکیا – ئێران) کرد و لیستێکى نوێی بڵاو كرده‌وه‌.

 
مه‌كته‌بی سه‌رۆك سه‌رخۆشی له‌ شاخەوان غەریب ده‌كات

THURSDAY, 21 JUNE 2018 00:06:05

بەناوی خودای گەورە و میهرەبان

به‌ڕێز شاخەوان غەریب

بەبیستنی هه‌واڵی كۆچی دوایی كاكە(شڤان)ـی كوڕت خەمبار بووین.

پارتی سه‌رخۆشی له‌ خانەوادەی مەلا حاجی دێلۆیی ده‌كات

THURSDAY, 21 JUNE 2018 00:06:33

بەڕێزان خانەوادەی مەلا حاجی دێلۆیی

خەمبار بووین بە بیستنی هەواڵی کۆچی دوایی پێشمەرگەی هەدوو شۆڕشی مەزنی ئەیلوول و گوڵان، کادیری تێکۆشەر و دڵسۆزی پارتی و رێبازی بارزانی، ئەندامی مەکتەبی رێکخستن و کەسایەتیی دیاری دەڤەری پشدەر (مەلا حاجی دێلۆیی).

"بۆ گەڕانه‌وه‌ی پێشمه‌رگه‌ بۆ سنووری خانه‌قین سبه‌ی خۆپێشاندان دەکرێ"

WEDNESDAY, 20 JUNE 2018 16:06:14

خانه‌قین-KDP.info-  به ‌هۆی ئه‌وه‌ی مه‌ترسییه‌كی گه‌وره‌ له‌سه‌ر خانه‌قین هه‌یه‌ و به‌رده‌وام كرده‌وه‌ی تیرۆریستی لێ ئه‌نجام ده‌درێت و چه‌ندین گوند به‌و هۆیه‌وه‌ چۆڵ كراون و خه‌ڵكێكی زۆر بوونەته‌ قوربانی. عامر رەفعەت دەڵێ، ئیدی سبه‌ی له‌ خانه‌قین خۆپێشاندان بۆ گەڕانه‌وه‌ی هێزی پێشمه‌رگه‌ بۆ ئه‌و ناوچانه‌ ده‌ست پێ ده‌كات و خه‌ڵكی خانه‌قین مان ده‌گرن و دووكانه‌كانیان داده‌خه‌ن .

 
"زیاتر له ‌20 هه‌زار په‌نابه‌ر گه‌ڕاونه‌ته‌وه‌ عێراق و هه‌رێم"

WEDNESDAY, 20 JUNE 2018 16:06:22

هه‌ولێر-KDP.info- به‌ڕێوەبه‌ری كۆچ و كۆچبه‌ران گوتی، له‌ شه‌ڕی داعش و قه‌یرانی داراییدا شه‌پۆلێكی كۆچكردن له‌ هه‌رێمی كوردستانەوە بۆ ده‌ره‌وه‌ ده‌ستی پێ كرد، به‌ڵام له‌ دوای كۆتاییهاتنی شەڕی داعش كۆچكردن پێچه‌وانه‌ بووەته‌وه‌، به‌ جۆرێك له‌ دوو ساڵی ڕابردوودا زیاتر له‌20 هه‌زار كه‌س گه‌ڕاونه‌ته‌وه‌ بۆ عێراق، كه‌ 39%یان په‌نابه‌ری هه‌رێمی كوردستانن و گه‌ڕاونه‌ته‌وه‌ هه‌رێم و به‌رنامه‌یه‌كیشیان داناوه‌ هه‌ر ئاواره‌یه‌ك بگه‌ڕێته‌وه‌ هاوكاریی دارایی پێشكه‌ش ده‌كرێت.

 


 
© 2018 Kurdistan Democratic Party, KDP