Kurdî  ■  كوردی  ■  عربي
SAT, 23 JUN 2018 07:03 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

عەمید ھەڵگورد: ھەیكەلی نوێی وەزارەتی پێشمەرگە، ھاوشێوەی ھەیكەلی وڵاتانی ھاوپەیمانە
| KDP.info


ھەولێر-KDP.info-  وەزارەتی پێشمەرگە ڕایدەگەیێنێت، ھەیكەلێكی نوێ بۆ وەزارەتی پێشمەرگە دروست كراوە، كە چەندین گۆڕانكاری لەو وەزارەتەدا کردووە و ھاوشێوەی وڵاتانی ھاوپەیمانە.

بەڕێوەبەری گشتیی ڕاگەیاندنی وەزارەتی پێشمەرگەی حكوومەتی ھەرێمی كوردستان، عەمید (ھەڵگورد حیكمەت)، بە ماڵپەری فەرمیی پارتی دیموكراتی كوردستانی ڕاگەیاند: ''ھەیكەلێكی نوێ لە لایەن ھاوپەیمانان و لیژنەی ھاوبەشی وەزارەتی پێشمەرگەوە پێشنیاز كراوە، كە گۆڕانكاریی تێدا دەكرێت و ئەمەیش دوای ئەوەی لە لایەن حكوومەت و سەرۆكایەتیی ھەرێمی كوردستانەوە ڕەزامەندیی لەسەر دەدرێت.''

(حیكمەت) گوتی: ''ھاوپەیمانان ئەو ھەیكەلەی وەزارەتی پێشمەرگەیان بە جۆرێك دروست كردووە، كە ھاوشێوەی ھەیكەلی وڵاتانی ھاوپەیمان و بە شێوەی ستانداردی جیھانییە، كە بەمەیش گۆڕانكاریی ھەیكەلەكە لە وەزارەتەوە دەست پێ دەكات و شۆڕ دەبێتەوە بۆ ناو ھەموو ھێزی پێشمەرگە.''

بەڕێوەبەری گشتیی ڕاگەیاندنی وەزارەتی پێشمەرگە ڕوونی كردەوە: ''ھاوپەیمانان و لیژنەی ھاوبەشی وەزارەتی پێشمەرگە لەگەڵ حكوومەتدا دانیشتوون و ئێستا پڕۆژەكە لای ئەنجومەنی وەزیرانە بۆ دەوڵەمەندكردن و پەسەندكردنی، دواتریش ڕەوانەی وەزارەتی ناكەنەوە، بەڵكو ڕەوانەی سەرۆكایەتیی ھەرێمی دەكەن، بۆ ئەوەی ڕەزامەندی لەسەر بدات و فەرمانی پێ دەربكەن.''

سەبارەت بەبڕیاری دروستكردنی یەكەی دژەكیمیایی لە ھەر لیوایەكی ھێزی پێشمەرگەدا گوتی: ''ئەو گۆڕانكارییەی كە دەكرێت، لە ھەیكەلی نوێی وەزارەتی پێشمەرگەدا دەبێت، ئێمەیش ئێستا ئەو یەكەیەمان ھەیە، كە ئەمساڵ دروست كراوە و ھاوپەیمانان ڕاھێنانیان پێ كردوون و لە داهاتوودا و لە ھەیكەلی نوێدا بۆ ھەر لیوایەك یەكەیەك دروست دەكرێت.''

بڵند ئیبراھیم
 




دوایین هەواڵەکان

فەرھاد حەمە عەلی: "مەترسی کەوتنی چەند ناوچەیەکی کەرکووک ھەیە"

FRIDAY, 22 JUNE 2018 14:06:21

کەرکووک-KDP.info-  رۆژانە چەکدارانی داعش لە سنووری کەرکووک و دەورووبەری چالاکی ئەنجامدەدەن و گوتەبێژی ئاسایشی کەرکووکیش دەڵێ، ئەگەر کار وا بڕوات ژمارەیەک ناوچەی دیکەی کەرکووک دەکەوێتە دەست داعش و رەوشەکە ئاڵۆزتر دەبێ.

خەسرۆ گۆران: لە نەینەوا پارتی کورسییەک زیاد دەکات

FRIDAY, 22 JUNE 2018 13:06:41

هەولێر-KDP.info-   بە ھەژماردنەوەی دەنگی ھەڵبژاردنەکانی ١٢ی ئایاری پەرلەمانی عێراق پارتی خۆشحاڵە و بەرپرسی دەزگای ھەڵبژاردنیش دەڵێ، ئەوانەی دەنگیان بۆ فەوتاندنی دەنگی پێشمەرگەدا روویان رەشبێت.

چاودێران: "پیلانگێڕەکان شەرمەزار بوونە"

FRIDAY, 22 JUNE 2018 12:06:03

هه‌ولێر-KDP.info-  چاودێرانی سیاسی دەڵێن، پیلانگێڕانی دژی پێشمەرگە بە لایەنی کوردی و عێراقییەوە شەرمەزاربوونە، چونکە دوێنێ پیلانەکەیان سەرکەوتوو نەبوو و لە بەرانبەر ئیڕادەی بەرزی پێشمەرگە شکستی برد.

پەیامی سەرەخۆشیی سەرۆک بارزانی بۆ کەسوکاری شێخ باییز تاڵەبانی

THURSDAY, 21 JUNE 2018 22:06:44

خانەوادەی بەڕێزی خوالێخۆشبوو شێخ باییز تاڵەبانی

بەداخەوە هەواڵی کۆچی دوایی وەزیری پێشووی ئابووری و دارایی حكوومەتی هەرێمی كوردستان، شێخ باییز تاڵەبانی – مان پێگەییشت.

بەو بۆنە خەمناكەوە پرسە و سەرەخۆشیی خۆم و ئاراستەی خانەوادە بەڕێزەکەتان دەکەم و خۆم بە هاوبەشی خەمتان دەزانم.

پەیامی سەرەخۆشیی سەرۆک بارزانی بۆ کەسوکاری مەلاحاجی دێلۆیی

THURSDAY, 21 JUNE 2018 22:06:01

خانەوادەی بەڕێزی خوا لێخۆشبوو مەلاحاجی دێلۆیی

بەداخەوە هەواڵی کۆچی دوایی پێشمەرگە و کادیری ماندوویینەناسی هەردوو شۆڕشی مەزنی ئەیلوول و گوڵانمان پێ گەیشت.



 
© 2018 Kurdistan Democratic Party, KDP