Kurdî  ■  كوردی  ■  عربي
THU, 22 FEB 2018 19:58 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بۆزانی: 2 هەزار و 963 كوردی ئێزدی لە چنگ داعش ڕزگار كراون
| KDP.info


 

هەولێر-KDP.info- بەڕێوەبەری گشتیی كاروباری كوردانی ئێزدی، دوائاماری رزگاربووانی چنگی تیرۆریستانی داعش و ئەوانەی لە دەستیاندا ماون ئاشكرا دەكات و دەڵێت، ژمارەی ئەوانەی رزگار كراون، 2 هەزار و 963 كەسە و تاوەكو ئێستایش 3 هەزار و ٤٥٤ كەسی دیكەیان لە ژێر چنگدا ماون.

(خەیری بۆزانی)، بەڕێوەبەری گشتیی كاروباری كوردانی ئێزدی لە وەزارەتی ئەوقاف و كاروباری ئایینیی حكوومەتی هەرێمی كوردستان، بە ماڵپەری فەرمیی پارتی دیموكراتی كوردستانی راگەیاند، "ژمارەی كوردانی ئێزدی لە عێراق 550 هەزار كەسە و لەوانە 360 هەزار كەسیان بە هۆی شەڕی داعشەوە ئاوارە بوونە و هەزار و 293 كەسیش شەهید بوون، جگە لەوە، بە هۆی ئەو شەڕەوە هەزار و 759 كەس باوكیان لە دەست داوە و 407 كەسیش دایكیان لە دەست داوە، هەروەها 359 كەسیش دایك و باوكیان لە دەست داوە و تاوەكو ئێستایش 220 منداڵ باوكیان لە دەست داعشدایە، كۆی گشتیی ئەوانەی بێباوك بوونە، ٢ هەزار و 745 كەسن".

 (بۆزانی) گوتیشی، ژمارەی ئەو گۆڕەبەكۆمەڵانەی لە شنگال دۆزراونەتەوە، 30 گۆڕن، جگە لە سەدان گۆڕی تاكەكەسی و، هاوكات 68 مەزار و شوێنی پیرۆزی كوردانی ئێزدی لە لایەن داعشەوە تەقێندراونەتەوە.

بەڕێوەبەری گشتیی كاروباری كوردانی ئێزدی لە وەزارتی ئەوقاف ڕوونیشی كردەوە، داعش 6 هەزار و 417 كوردی ئێزدی رفاندبوو، لەوانە 3 هەزار و 547 كەسیان لە رەگەزی مێ بوونە و 2 هەزار و 870 كەسی دیكەیش لەرەگەزی مێ بوون.

(خەیری بۆزانی)، دەشڵێت، ژمارەی ئەوانەی لە دەستی داعش رزگار كراون، 2 هەزار و 963 كەسە، لەوانە هەزار و ٧٠ـیان ئافرەتن و 331 كەسی دیكەیش پیاون، هەروەها 789 منداڵی ڕەگەزی مێن و 773 منداڵی دیكەیش لە رەگەزی نێرن، جگە لەوەیش تاوەكو ئێستا سێ هەزار و 454 كەسی دیكە لە دەست داعشدا ماون، كە هەزار و 688 كەسیان لە رەگەزی مێن و هەزار و 766 كەسی دیكەیش لە رەگەزی نێرن.

 

بڵند ئیبراهیم




دوایین هەواڵەکان

مه‌سروور بارزانی گه‌یشته‌ ئه‌مریكا

THURSDAY, 22 FEBRUARY 2018 16:02:22

ئەمەریکا-KDP.info-  مه‌سروور بارزانی، راوێژكاری ئه‌نجوومه‌نی ئاسایشی هه‌رێمی كوردستان به‌ سه‌ردانێك گه‌یشته‌ ویلایه‌ته‌ یه‌كگرتووه‌كانی ئه‌مەریكا و بڕیاره‌ له‌و سه‌ردانه‌یدا چاوی به‌ ژماره‌یه‌ك به‌رپرسی باڵای ئه‌مریكا بكه‌وێت.

فەلاح حەسەن باسی ڕیفراندۆم و کەرکووکی بۆ سەرۆکەکانی لاوانیی سیاسیی ئەورووپا کرد

THURSDAY, 22 FEBRUARY 2018 15:02:14

ئیتالیا -KDP.info- جێگری سەرۆکی لاوانی سیاسیی جیهان باسی ڕیفراندۆم و کەرکووکی بۆ سەرجەم سەرۆکەکانی لاوانی سیاسیی وڵاتانی ئەورووپا کرد.

 
بەرزنجی: هاوپەیمانێتیی عەبادی بەرەو لاوازی دەچێ و ناچارە داواکاریی کورد جێبەجێ بکات

THURSDAY, 22 FEBRUARY 2018 15:02:05

هەولێر-KDP.info- سەرۆکی سەنتەری زەھاوی بۆ لێکۆڵینەوە ئاشکرای کرد، زانیاری ھەیە لە مانگی ئاداری داھاتوودا ھەرێمی کوردستان و بەغدا لە ژێر چاودێریی نێودەوڵەتیدا دەگەنە ڕێککەوتن بۆ چارەسەرکردنی کێشەکانیان و دەشڵێ، ھاوپەیمانیی عەبادی بەرەو لاوازی دەچێت و ناچارە داوکاریی کورد جێبەجێ بکات.

 
"بەغدا لە فرۆشتنی نەوتی کەرکووک دەستووری پێشێل کردووە"

THURSDAY, 22 FEBRUARY 2018 15:02:42

کەرکووک -KDP.info- پسپۆڕێکی کەرتی نەوت پێی وایە، فرۆشتنی نەوتی کەرکووک بەبێ ھەماھەنگیی ئەنجومەنی پارێزگا لادانە لە دەستووری عێراق و دەشڵێ، بە پێی ماددەی  ١١٢ی دەستووری عێراق، بەغدا ناتوانێ بە تاکلایەنە و بەبێ ڕێککەوتن و ھەماھەنگی نەوتی ھیچ پارێزگایەک ھەناردە بکات.

 
وەزارەتی گواستنەوە و گەیاندن: نازانین کێ نووسراوی کردنەوەی فڕگەکانی ساختە کردووە

THURSDAY, 22 FEBRUARY 2018 13:02:53

هەولێر-KDP.info-  گوتەبێژی وەزارەتی گواستنەوە و گەیاندنی هەرێمی كوردستان دەڵێ، ئه‌وكاته‌ی نووسراوەکەی به‌غدایان بە دەست گەیشتووه‌، زانیویانه‌ ساختەیە و ده‌ستبه‌جێ بەغدایان لێ ئاگادار کردوه‌تەوە.

 


 
© 2017 Kurdistan Democratic Party, KDP