Kurdî  ■  كوردی  ■  عربي
SUN, 8 DEC 2019 12:59 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serokwezîrê Herêma Kurdistanê zengilê sala nû ya xwendinê lê da
| KDP.info


Duhok-KDP.info- Sala nû ya xwendinê li Herêma Kurdistanê destpê dike û Serokwezîrê Herêma Kurdistanê Mesrûr Barzanî li dibistineke bajarê Duhokê amade bû û zengila sala nû ya xwendinê lê da.

Îro (21 Îlonê) sala nû ya xwendinê, 2019-2020, li seranserî Başûrê Kurdistanê dest pê dike. Bi vê helkeftê merasimek taybet li dibistaneke bajarê Duhokê hat lidarxistin. Di merasimê de ku Wezîrê Perwerdê Alan Heme Seîd jî amade bû, Serokwezîr Mesrûr Barzanî jî amade bû û zengila sala nû ya xwendinê lê da.

Piştî lêdana zengilê, Mesrûr Barzanî di gotarekê de pîrozbahî li xwedekaran kir û ragihand, perwerde gelekî girîng û divê xwendekar bizanin ew hêviya paşeroja vî welatî ne.

Gotara Serokê Hikûmeta Herêma Kuristanê di merasima destpêkirina sala nû ya xwendinê de ev e:

“Kêfxweş im ku îro ez li vir zengilê destpêkirina sala nû ya xwendinê 2019 – 2020 lê didim û destpêkirina sala nû ya xwendinê radigihînim. Bi vê boneyê pîrozbahiyê li we dikim û hêviya serkeftinê ji we re dixwazim.

Bêguman webirhênan di xwendin, karîna mirovî, bilindkirina asta xwendin û zanistê û dabînkirina pêwîstiyên xwendina hevçerx, herwiha rola erênî ya malbatan, dê û bavan di pêgehandina zarokên me de, hokarên gelek girîng û sereke ne ji bo pêşxistina warê perwerdê, fêrkirin û bidestanîna paşerojeke geş ji nifşên me re.

Yek ji erkên girîng û pêşîne yên Kabîneya Nehem a Hihûmeta Herêma Kurdistanê, girîngîpêdana bi perwerde, xwendin û bilindkirina asta dibistanên me ye, bi taybet dibistanên hikûmî. Herwiha emê hewl bidin pêwîstiyên xwendineke serdemiyane desteber bikin, wek dirustkirina dibistanên nû, ji ber ku li gor pêdaçûnên aliyên pêwendîdar, pêwîstiya Herêma Kurdistanê bi 3500 polên din heye, ji bo ji kêşeya çend dewamî nemîne û xwendekarên me yên xoşewîst li dibistanên hêja de bixwînin.

Ji vir de bi pêwîstî dizanim daxwaz ji sermayedar û webirhênerên navxweyî yên Herêma Kurdistanê bikim, ku rola niştimanî bigirin ser xwe û di vê hilmetê de di vekirina dibitanên nû de beşdar bin.

Wek hûn dizanin, Herêma Kurdistanê di salên bûrî de rûbirûyî şerê teroristên DAIŞê û rewşeke sext a aboriyê bû, lê xweşbextanetevî wê rewşa ne libar jî, lê proseya xwendinê berdewam bû. Ji ber wêji vir de bi pêwîstî dizanim spasiyeke germ li mamosteyên birêz bikim ji bo xweragirî û qurbanîdana wan, ku nehîştin karwanê xwendinê raweste.

Hikûmeta Herêma Kurdistanê jî her hewlekê digire ber bo baştirkirina jiyan û guzariyên mamosteyan û pêşkêşkirina derfeta libar û guncaw ji bo geşepêdana karta perwerde û xwendinê ku armanca duristkirina nifşekî danêner li ser bingeha hezkirin û xizmetkirina niştiman be.

Careke din pîrozbahiya destpêkirina sala nû ya xwendinê li we dikim û hêviya serkeftinê ji we re dixwazim.”




Nûçeyên din

Serokatiya Herêma Kurdistanê: Em gelekî ji kuştina xwepêşanderên Iraqê dilgiran in

SUNDAY, 08 DECEMBER 2019 09:12:33

Hewlêr-KDP.info- Serokatiya Herêma Kurdistanê ragihand, ew gelekî ji kuştina xwepêşanderên Iraqî nîgeran in û daxwaz kir, tawankarên wan rûdanan bên girtin û dadgehîkirin.

 
Frakisyona PDKê: Emê bi çaksaziyê bihêlin ku serwet û samanên vî welatî vala neçin

SATURDAY, 07 DECEMBER 2019 19:12:20

Hewlêr-KDP.info- Frakisyona PDKê di Parlemantoya Kurdistanê de ragihand ku ewê bi rêya projeya reform û çaksaziyan şerekî mezin li dijî gendeliyê bikin.

 
“26 hezar malbatên Ereb anîne Kerkûkê.. Bi şîekirin jî li Kerkûkê destpê kiriye”

SATURDAY, 07 DECEMBER 2019 18:12:42

Kerkûk-KDP.info- Rêveberê Asayişa Kerkûkê Emîd Îdrîs Refet ragihand ku li Kerkûkê jibilî bi erebkirinê proseya bi şîekirinê jî destpê kiriye, ku heya niha 26 hezar malbatên Ereb anîne Kerkûkê.

 
Amerîka: Emê berdewam bin li ser piştevaniya Kurdistanê û piştgîriya Pêşmerge

SATURDAY, 07 DECEMBER 2019 17:12:32

Hewlêr-KDP.info- Serokwezîrê Herêma Kurdistanê Mesrûr Barzanî û Nûnerê Serokê Amerîka di Hevpeymaniya Navdewletî ya li dijî DAIŞê de James Jeffery civiyan û di wê hevdîtinê de şanda Amerîkî tekez kir ku ewê berdewam bin li ser piştevaniya Herêma Kurdistanê û piştgiriya Pêşmerge.

 
Mesrûr Barzanî: Amerîka pêbend e bi dostaniya xwe ya dîrokî bi Herêma Kurdistanê re

SATURDAY, 07 DECEMBER 2019 16:12:06

Hewlêr-KDP.info- Piştî civîna di navbera Serokê Hikûmeta Herêma Kurdistanê Mesrûr Barzanî û Nûnerê Serokê Amerîka di Hevpeymaniya Navdewletî ya li dijî DAIŞê de James Jeffery de, herdu aliyan behsa naveroka civîna xwe kirin.

 



 
© 2018 Kurdistan Democratic Party, KDP