Kurdî  ■  كوردی  ■  عربي
TUE, 14 JUL 2020 09:31 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî ji Netewên Yekgirtî û Encûmena Asayişê re nameyek şand û çend daxwazan ji wan dike
| KDP.info


Hewlêr-KDP.info- Di nameyekê de bo Sekreterê Giştî yê Netewên Yekgirtî, Serokwezîrê Herêma Kurdistanê Nêçîrvan Barzanî pênc xalên sereke derbarê karê Ofîsa Netewên Yekgirtî ya li Iraqê ku weke UNAMI tê naskirin, pêşniyar dike.

Ev nameya Nêçîrvan Barzanî di demekê de ye ku hikûmeta Iraqê mijûlî amadekirina planekê ji bo kêmkirina karê UNAMIyê ye.

Yekemîn daxwaza Serokwezîr Barzanî ji Sekreterê Giştî yê Netewên Yekgirtî Antonio Guterres, derbarê Kerkûkê û navçeyên cihê nakokiyê ye. Nêçîrvan Barzanî di nameya xwe de dibêje, Şanderê Taybet ê Sekreterê Giştî yê NY li Iraqê dikare “roleke sereke bilîze” weke navbeynkar û destpêkirina “diyalogeke xurt û berfireh” di navbera Hewlêr û Bexdayê de ji bo çareserkirina kêşeyan, ji wan jî: “Cîbicîkirina maddeya 140 a Destûra Iraqê.”

Sala bihorî Hikûmeta Herêma Kurdistanê jî nameyek ji Sekreterê Giştî yê NY û endamên Encûmena Asayişa Navdewletî re şandibû û têde daxwaz kiribû ku di projebiryara Encûmena Asayişê de rola Netewên Yekgirtî di çareserkirina kêşeyên Kerkûkê û navçeyên veqetandî hebe û UNAMI xwdiyê vê rola sereke be. Tevî piştgiriya Amerîkayê bo vê daxwazê, lê belê Brîtanya ku di Encûmena Asayişê de berpirsyarê sereke yê dosyeya Iraqê ye, ev daxwaza Hewlêrê paşguh xist.

Reşnivîsa projebiryara îsal jî ya derbarê UNAMIyê de ku tê çaverêkirin roja 31ê Gulanê deng li ser bê dayîn, ev xal têde nîne ku Hewlêr daxwaz dike.

Heya niha jî welatên endam di encûmenê de bersiva fermî ya nameya Serokwezîrê Herêma Kurdistanê Nêçîrvan Barzanî nedane.

Di xaleke din a nameya xwe de, Nêçîrvan Barzanî daxwaza bilindkirina asta Nûneratiya Netewên Yekgirtî li Herêma Kurdistanê dike ku bi kêmanî berpirsekî Netewên Yekgirtî li Hewlêrê bihê danîn ku di asta Cîgirê Şanderê Sekreterê Giştî yê NY de be. Herwiha daxwaz dike ku kesek weke Berpirsê Karûbarên Mirovî yê Netewên Yekgirtî were diyarkirin, çimku ew post ji sala 2015ê ve bi betalî maye. Serokwezîr Nêçîrvan Barzanî herwiha daxwaz dike ku binkeya sereke ya Bernameya Mirovî ya Netewên Yekgirtî ji Bexdayê bo Hewlêrê were veguhastin, “çimku %90ê awareyên Sûrî yên li Iraqê û %60ê hemû awareyên Iraqê, li Herêma Kurdistanê ne.”

Daneyên Netewên Yekgirtî, wan daneyên (amarên) nav nameya Nêçîrvan Barzanî piştrast dikin, lê belê di raportên mirovî yên derbarê Iraqê de kêm caran daneyên taybet bi Herêma Kurdistanê tên belavkirin. Nûneratiya Iraqê li Netewên Yekgirtî jî di ti civîn û konferanseke Netewên Yekgirtî de amaje pê nake, di demekê de ku ev amajepêdan, ji bo şêwaza dabeşkirina alîkariyên navdewletî li Iraqê giring e.

Bûdceya plana mirovî ya Netewên Yekgirtî bo îsal 701 milyon dolar e ku ji bo alîkariya 1.7 milyon awareyan an jî kesên nû vegeriyayî ye.

Ji destpêka şerê DAIŞê ve Herêma Kurdistanê nêzîkî 1 milyon koçberên Iraqî vehewandiye û hêj jî li gor raporta herî dawî ya Netewên Yekgirtî, hêj 800 hezar koçber li Kurdistanê mane.


Danpêdana (îtîraf) NY bi federalîzma Herêma Kurdistanê


Di xaleke din de Serokwezîrê Herêma Kurdistanê daxwaz dike, di raportên Netewên Yekgirtî de amaje bi “Federalîzma Herêma Kurdistanê” bê kirin û “îtîraf pê were kirin.”

 




Nûçeyên din

Serokê Herêma Kurdistanê peyameke sersaxiyê pêşkêşî Serok Komarê Misirê kir

SUNDAY, 12 JULY 2020 23:07:06

Hewlêr-KDP.info- Îro yekşem 12.07.2020 birêz Nêçîrvan Barzanî Serokê Herêma Kurdistanê peyameke sersaxiyê pêşkêşî birêz Abdulfetah El Sîsî Serok Komarê Misirê kir û têda ji bo koça dawî ya xwedê jêrazî Ehmed Haris Konsolê Komarê Misira Erebî li Hewlêrê, serxweşiyê li birêz kir û hevxemiya xwe ji bo ji destdana xwedê jêrazî derbirî ku doh li Misir koça dawî kir.

Serokê Herêma Kurdistanê sersaxiyê li Kinyazê Mîrzoyêv dike

SUNDAY, 12 JULY 2020 12:07:51

Hewlêr-KDP.info- Di peyamekê de, Serokê Herêma Kurdistanê Nêçîrvan Barzanî sersaxî ji akademîsyen û kesayetiya navdarê Kurd li Kazaxistanê Pro. Kinyazê Mîrzoyêv kir, ji ber koça dawî ya birayê wî Ehmedê Mîrzoyêv.

 
Serok Barzanî sersaxî ji Dr. Kinyazê Îbrahîm Mîrzoyêv re xwest

SUNDAY, 12 JULY 2020 12:07:45

Hewlêr-KDP.info- Serok Mesûd Barzanî peyameke sersaxiyê ji Dr. Kinyaz Îbrahîm Mîrzayêv Serokê Federasyona Kurdên welatên Sovyeta berê re şand, ji bo koça dawî ya birayê wî Ehmed Îbrahîm Mîrzayêv.

 
Mesrûr Barzanî kevirê bingehê yê riya (100 metrî) ya Silêmaniyê danî: Xelkê Silêmaniyê hêjayî projeyên mezintir in

SATURDAY, 11 JULY 2020 20:07:54

Silêmanî-KDP.info- Serokê Hikûmeta Herêma Kurdistanê Mesrûr Barzanî gihîşt bajarê Silêmaniyê û kevirê bingehê yê projeya riya 100 metrî ya Silêmaniyê danî.

Serok Barzanî peyameke sersaxiyê ji Serokê Weqfa Sunnî re şand

SATURDAY, 11 JULY 2020 20:07:26

Hewlêr-KDP.info- Bi helkefta koçkirina xanim Xeyda Kembeş Endama Encûmena Nûnerên Iraqê û hevjîna Dr. Seîd Kembeş Serokê Weqfa Sunnî, Serok Mesûd Barzanî peyameke sersaxiyê pêşkêşî Serokê Weqfa Sunnî kir ku ev jî naveroka wê ye:



 
© 2020 Kurdistan Democratic Party, KDP

Contact