Hewlêr-KDP.info:Serokê Hikûmetê Mesrûr Barzanî bi hatina cejna Qurbanê ya Pîroz peyamek balav kir û ragehand: “Em ê hemû hewlekê bidin da ku vê rewşê derbas bikin û vê zilmê li ser fermanberên mûçexwar ên Herêma Kurdistanê rakin.”

Di peyama Serokê Hikûmeta Herêma Kurdistanê de hatiye ragehandin, "Bi boneya Cejna Qurbanê ya pîroz, ez pîrozbahiyên xwe yên germ li hemû Misilmanên Herêma Kurdistanê, Iraqê û cîhanê, bi taybetî li Pêşmergeyên qehreman, hêzên ewlehiya navxweyî û malbatên şehîdan û qurbaniyên Enfalê dikim û hêvîdarim hûn rojên cejnê di nava aramî û asadeyî yê de derbas bikin”

Herwaha amaje bi wê jî kiriye: "Pir bi êşe û nîgeraniyeke kûre ku em vê cejnê di rewşek darayî ya dijwar de pîroz dikin ji ber cezakirina girseyî ya Hikûmeta Herêma Kurdistanê ji hêla hikûmeta federal ve, lê em piştrast dikin ku Hikûmeta Herêma Kurdistanê dê hemû hewlekê bide ji bo derbaskirina vê rewşê û rakirina vê sîtema nerewa ya li hember Herêma Kurdistanê tê kirin.”