Hewlêr-KDP.info- Îro Pênçşema 23.01.2025 ê li bajarê Hewlêrê, Nêçîrvan Barzanî Serokê Herêma Kurdistanê pêşwaziya Dr. Tobias Lindner, Wezîrê Dewletê yê li Wezareta Derve ya Almanyayê û Kordînatorê taybet ê Wezareta Derve ya Almanya yê karûbarên Sûriyê û şandeke pê re kir.

Di civînê de pêşdebirina peywendiyên Almanya yê bi Iraq û Herêma Kurdistanê re, peywendiyên Hewlêr û Bexdayê, hilbijartinên Parlementoya Kurdistanê û rewşa Iraq û Herêma Kurdistanê, guhertinên Sûriyê û pêşhatên dawî yên Rojhilata Navîn hatin gotûbêj kirin.
Nêçîrvan Barzanî spasî hevkarî û palpiştiya berdewam ya Almanya ya ji bo Iraq û Herêma Kurdistanê di warên leşkerî, siyasî û mirovî da kir û tekez li ser xwesteka Herêma Kurdistanê ya ji bo berfirehkirina hevkariyên hevbeş, di hemû waran de, bi Almanya yê re kir.
Ji aliyê xwe ve, Lindner kêfxweşiya xwe ya li hember proseya dengdana ji bo hilbijartinên Parlementoya Kurdistanê û beşdariya zêde ya welatiyan di hilbijartinan da nîşan da û her wiha hewlên pêkanîna kabîneya nû ya Hikûmeta Herêma Kurdistanê bi Nêçîrvan Barzanî re danûstandina bîr û ramanan kirin.
Di derbarê rewşa navçeyê de jî, herdu aliyan tekezî li ser girîngiya parastina aramî û ewlehiyê û hevkariya hemû aliyan ya ji bo dûrxistina deverê ji aloziyên zêdetir kirin.