Kurdî  ■  كوردی  ■  عربي
SAT, 19 OCT 2019 21:01 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پرۆژەیەکی نوێی دەزگای خێرخوازیی بارزانی بۆ جووتیاران
| KDP.info


 

هەولێر-KDP.info- دەزگای خێرخوازیی بارزانی بە هاوکاریی کۆمپانیای پاپە گرووپ، پرۆژەیەکی خێرخوازیی گرنگ بۆ جووتیاران لە هەرێمی کوردستاندا بەڕێوە دەبات. لە پرۆژەکەدا ٦ تەراکتۆر دابین کراوە بۆ کێڵانی زەوی بەبێ بەرانبەر.

 

ڕێکەوتی ١/٥/٢٠١٨ لە دەڤەری باڵەکایەتی دەست کرا بە جێبەجێکردنی پرۆژەکە و لە لایەن دەزگای خێرخوازیی بارزانی و کۆمپانیای پاپە گرووپەوە ٣ تەراکتۆر بۆ ئەو ناوچەیە دابین کرا. دواتر لە ڕێکەوتی ١٥/٥/٢٠١٨ لە دەڤەری بارازنیش پرۆژەکە جێبەجێ کرا و ٣ تەراکتۆری دیکە بۆ کێڵانی زەویی جووتیاران دابین کرا.

 

بە پێی لێدوانی مووسا ئەحمەد، سەرۆکی دەزگای خێرخوازیی بارزانی، لەم پرۆژەیەدا خێزانی شەهیدان و بریندارانی شەڕی دژی داعش و پەککەوتە و هەژاران و کەمدەرامەتانی ناوچەکە سوودمەند دەبن.

 

جێگای ئاماژەیە ڕۆژانە هەر تەراکتۆرێک ٨ سەعات کار دەکات و زەوی جووتیارەکان بەبێ بەرانبەر دەکێڵێت. بەمەش هەر سەعاتێک ٣٠ هەزار دینار بۆ خاوەن زەوییەکان دەگەڕێنێتەوە.

 

پرۆژەکە بۆ ماوەی سێ ساڵ بەردەوام دەبێت و هەر ساڵێک لە وەرزی کێڵاندا بۆ ماوەی ٣ مانگ، زەوییەکان لە لایەن دەزگای خێرخوازیی بارزانییەوە دەکێڵدرێن. دەزگای خێرخوازیی بارزانی بۆ هەر تەراکتۆرێک شۆفێرێکی دابین کردووە، کە مووچەی مانگانەی هەر شۆفێرێک بڕی ٨٠٠ هەزار دیناری عێراقییە.

 

مەبەستی دەزگای خێرخوازیی بارزانی لەم پرۆژەیە بەرەوپێشبردنی کەرتی کشتوکاڵە لە ناوچەکە و پاڵپشتیکردنی خێزانی شەهیدان و برینداران و هەژار و کەمدەرامتەکانی ناوچە کشتوکاڵییەکانی کوردستان. لە بەرنامەی ئەم پرۆژەیەدا هاتووە کە بۆ ساڵی داهاتوو ژمارەی تەراکتۆرەکان بۆ ٩ تەراکتۆر بەرز بکرێتەوە و بەمەش جووتیارانی ناوچەی سیدەکان سوودمەند بکەن.

 

  هەر ئەمڕۆ دەزگای خێرخوازیی بارزانی بە هاوکاریی مانگی سووری کوێت، پرۆژەیەکی خێرخوازیی لە یاریگای شەهید فەرانسۆ هەریری بەڕێوە برد. لە پرۆژەکەدا پارسێلی خۆراک  و پێداویستیی پاکوخاوێنی پێشکەش بە هەژاران و کەمدەرامەتان و ئاوارەکانی کەرکووک کرا و بە گشتی لە قۆناغی یەکەمی پرۆژەکەدا ٨٠٠ خێزان سوودمەند بوون.

 

بە پێی لێدوانی بەرپرسی بەشی هاوکارییەکانی دەزگای خێرخوازیی بارزانی، ئەم پرۆژەیە هەتاکو ڕۆژی دووشەممەی حەفتەی داهاتوو بەردەوام دەبێت و لە سەرجەمی پرۆژەکەدا ٢٥٠٠ خێزانی هەژار و کەمدەرامەت و ئاوارەی کەرکووک سوودمەند دەبن.

 




دوایین هەواڵەکان

سوپاسنامەیەك لە لایەن بنەماڵەى میرانی ئەنوەربەگى بێتواتەوە

SATURDAY, 19 OCTOBER 2019 20:10:57

بەناوى خوداى گەورە و میهرەبان

عەلی خەلیل: گەڕاندنەوەی داعشەکان مەترسیی بۆ ڕەوشی ئەمنیی عێراق ھەیە

SATURDAY, 19 OCTOBER 2019 15:10:20

دهۆك -KDP.info- لەگەل تێکچوونی ڕەوشی ڕۆژئاوای کوردستان وڵاتان لە ھەوڵدان بۆ ئەوەی ئەو داعشە عێراقیانەی لە زیندانەکانی ڕۆژئاوای کوردستانن، بگەڕێندرێنەوە بۆ عێراق و بەرپرسێکی کوردیش ھۆشداری لەبارەی گەڕانەوەی داعشە عێراقیەکانەوە دەدات.

 

د. محەمەد شوكری: یاسای وەبەرهێنان هەموار دەكرێتەوە

SATURDAY, 19 OCTOBER 2019 13:10:00

هەولێر-info.KDP- سەرۆكی دەستەی وەبەرهێنان لە هەرێمی كوردستان، ئاماژە بەو رێكارانە دەكات كە گرتوویانەتە بەر بۆ ئەوەی وەبەرهێنان لە كوردستان بەهێز بكرێت و دەشڵێ، یەكێك لە رێكارەكان، پرسی هەمواری یاسای وەبەرهێنان دەبێت.

 
تا ئێستا 3 هەزار و 56 پەنابەری رۆژئاوا هاتوونەتە هەرێمی كوردستان

SATURDAY, 19 OCTOBER 2019 12:10:38

هەولێر-KDP.info- بەڕێوەبەری داتا و زانیاریەكان لە فەرمانگەی هەماهەنگی و قەیرانەكان دەڵێ، بەپێی دوایین ئامار، لە 9ی ئەم مانگەوە تاوەكو ئێستا، 3 هەزار و 56 پەنابەری رۆژئاوای كوردستان هاتوونەتە هەرێمی كوردستان و تەنیا شەوی ڕابردووش زیاتر لە 700 پەنابەر هاتوون، كە پێداویستیی سەرەكییان بۆ دابین كراوە و پێشوازییان لێ كراوە.

 
فارس عیسا: بڕیارە دوای بۆنەكانی موحەڕەم، شاندی هەرێم سەردانی بەغدا بكات

SATURDAY, 19 OCTOBER 2019 10:10:27

هەولێر-KDP.info- نوێنەری حكوومەتی هەرێم لە بەغدا رایگەیاند، ئەو دەنگۆیانەی لەبارەی ڕەتكردنەوەی داواكاریی هەرێم لەلایەن بەغداوە سەبارەت بە بودجە بڵاو كراونەتەوە، راست نین و گفتوگۆكانی هەردوولا بەردەوامن و لێكنزیكبوونەوەی باش هەیە بۆ ئەوەی بگەنە رێككەوتن، بڕیاریشە دوای بۆنەكانی موحەڕەم، شاندی هەرێم سەردانی بەغدا بكات.

 


 
© 2018 Kurdistan Democratic Party, KDP