Kurdî  ■  كوردی  ■  عربي
SAT, 26 MAY 2018 10:44 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سه‌رۆك بارزانی: مردن هه‌ڵده‌بژێرین و ناهێڵین كه‌رامه‌تمان بشكێ.. دڵنیام سه‌ركه‌وتن بۆ گه‌لی كوردستانه‌
| KDP.info


 

هه‌ولێر-KDP.info-  (سه‌رۆك بارزانی) رایده‌گه‌یێنێ،  ئه‌و هه‌ر پێشمه‌رگه‌ بووه‌  كه‌ به‌ررزترین پله‌ش لای ئه‌و پێشمه‌رگه‌بوونه‌. (سه‌رۆك بارزانی) له‌ په‌یامێكی ڤیدیۆییدا هاوكات كوردستانیان دڵنیا ده‌كاته‌وه‌، چونكه‌ دۆزی گه‌لی كوردستان ڕه‌وایه‌، هه‌ر سه‌رده‌كه‌وێ. هاوكات داوایشی له‌ كوردستانیان كرد، ڕێ به‌ هه‌وڵی ناحه‌زان بگرن كه‌ ده‌یانه‌وێ ئیراده‌یان بشكێنن و ده‌بێ یه‌كڕیز بن.

پاش ناردنی په‌یامێك بۆ په‌رله‌مانی كوردستان كه‌ ئه‌مڕۆ یه‌كشه‌ممه‌ له‌ كۆبوونه‌وه‌ی ئاسایی په‌رله‌مانی كوردستاندا خوێنداریه‌وه‌ و تێیدا، ڕه‌تی كرده‌وه‌ واده‌ی پۆستی سه‌رۆكایه‌تیی هه‌رێم درێژ بكرێته‌وه‌ و ئاماده‌یی خۆیشی بۆ خزمه‌تكردنی گه‌ل و ده‌ستكه‌وته‌كانی هه‌رێمی كوردستان دووپات كرده‌وه‌، سه‌عات 8ی ئه‌مشه‌و گوتارێكی ڤیدیۆیی دا.

(سه‌رۆك بارزانی) له‌ گوتاره‌كه‌یدا رایگه‌یاند، گه‌لی كوردستان داوای مافی خۆی ده‌كات و به‌ ڕێگای ئاشتیانه‌ داوای مافی خۆی كردووه‌، كه‌چی سه‌ره‌ڕای ئه‌وه‌ تاوانبار ده‌كرێت. گوتشی كه‌، جارێكی ده‌ركه‌وت كه‌ خه‌ڵكی كوردستان ته‌نیا خۆیانن و چیاكان دۆستیانن.

به‌ گه‌ڕانه‌وه‌ بۆ مێژووی نزیك و سه‌ره‌تای دامه‌زرانده‌وه‌ی به‌ ناو عێراقی نوێ، (سه‌رۆك بارزانی) هه‌روه‌ها رایگه‌یاند، ''وامانزانی دوای 2003 ده‌رفه‌تێكی نوێ ڕه‌خساوه‌ تا عێراقێكی دیموكراتی نوێ دابمه‌زرێنین كه‌ هه‌موو لایه‌ك ئه‌رك و مافی خۆی بزانێ، ده‌ستوور نووسرایه‌وه‌ كه‌ هه‌رچه‌نه‌د ده‌ستووری نوێ كه‌موكوڕی هه‌بوو به‌ڵام په‌سند كرا، به‌ڵام دواتر ده‌ركه‌وت كه‌ ده‌ستوور پێشێل ده‌كرێ و لاواز ده‌كرێ تا به‌ره‌و نه‌مان چوو، عێراقیش كه‌وته‌وه‌ ده‌ست یه‌ك لایه‌ لایه‌ن. سه‌رباری ئه‌وه‌ زۆر هه‌وڵمان دا بگه‌ڕێینه‌وه‌ بۆ ده‌ستوور و ڕێككه‌وتنه‌كانی نێوانمان، به‌ڵام كه‌ڵكی نه‌بووه‌.. له‌گه‌ڵ هاوپه‌یمانیی نێستیمانیدا زۆر باسمان كرد كه‌ دۆخه‌كه‌ مه‌ترسیداره‌ و به‌م شێوه‌یه‌ ڕه‌نگه‌ خوێن بڕژێ، گوتمان كه‌ ناتوانین هاوبه‌شی راستینه‌ بین، با دراوسێی باش بین، ئه‌وكات هه‌ڵوێستی باشیان نیشان دا، كه‌چی ئێستا به‌ سواری تانكه‌وه‌ شه‌ڕی كوردستانیان ده‌كه‌ن.''

(سه‌رۆك بارزانی) وه‌بیر كوردستانیانی هێنایه‌وه‌ كه‌، له‌ 3ی ته‌مووزی 2014ه‌وه‌ داوای له‌ په‌رله‌مانی كوردستان كردووه‌ كۆمسیۆنی هه‌ڵبژاردن و ڕاپرسی، یاسایه‌كی بۆ ده‌ربكرێ، كه‌ وه‌ك سه‌رۆك گوتی، ئه‌وكات ده‌یانگوت كورد یه‌ك نین و ڕای جیایان هه‌یه‌، به‌ڵام له‌وكاته‌وه‌ كار بۆ ڕاپرسی كراوه‌، په‌رله‌مان دواتر بڕیاری دامه‌زراندنی كۆمسیۆنی دا، به‌ڵام به‌ هۆی ئه‌وه‌وه‌ كه‌ شه‌ڕی داعش له‌سه‌ر كوردستان فه‌رز كرا و به‌ به‌رگریی له‌ هه‌رێمی كوردستان سه‌رقاڵ بوون، بابه‌ته‌كه‌ دواخرا.

(سه‌رۆك بارزانی) ئاماژه‌یشی دا به‌وه‌ی كه‌، گرفتی سه‌ره‌كی ده‌سته‌ڵاتدارانی به‌غدا له‌ مامه‌ڵه‌ له‌گه‌ڵ كوردستانیان، تازه‌ نییه‌، پێوه‌ندی به‌ داوای ره‌وای گه‌لی كوردستانه‌وه‌ نییه‌ بۆ سه‌ربه‌خۆیی ''ئێمه‌ گوتمان سه‌رباری راپرسی به‌ گفتوگۆ كێشه‌كانمان چاره‌ بكه‌ین، به‌ڵام دواتر دژایه‌تی و شه‌ڕمان بینی، ڕێك پێچه‌وانه‌ی هه‌ڵوێستی جارانیان.. خۆ كه‌ مه‌به‌ستمان بایه‌ راسته‌وخۆ سه‌ربه‌خۆیی رابگه‌یێنین، ئەو كاتە راماندەگەیاند كە سوپای عێراق ئینهیاری كردبوو یان ئەو كاتەی عێراق نغرۆی شەڕی تاییفی بووبوو".

(سه‌رۆك بارزانی) جه‌ختی كرده‌وه‌ ''ئه‌وه‌ی ده‌یبینین به‌رنامه‌ بۆداڕێژراوه‌ و ڕاپرسییان كرد به‌ بیانوو، ده‌مێكیشه‌ هێماكانی نیه‌تخراپییان ده‌ركه‌وتووه‌.''

ئه‌و ڕه‌خنه‌یشی له‌ وڵاتانی جیهان گرت و گوتی ''به‌ داخه‌وه‌ له‌ كاتی پێویستدا وڵاتان گه‌ڕانه‌وه‌ بۆ به‌رژه‌وه‌ندیی خۆیان و مه‌بادئیان بیر چووه‌وه‌، ڕێك پێچه‌وانه‌ی هه‌ڵوێستی پێشوویان كه‌ وایان نیشان ده‌دا، له‌ ه‌برگری له‌ مرۆڤایه‌تی و شكاندنی داعش، پادداشتی پێشمه‌رگه‌ و خوێنی شه‌هیدان بده‌نه‌وه‌، بۆ به‌غدایش هه‌مان شێوه‌، به‌ڵام به‌ داخه‌وه‌ بینیمان له‌وكاته‌وه‌ به‌رنامه‌یان وابووه‌، كه‌ڵك له‌و دۆخه‌ ببینن و تا گه‌یشته‌ شه‌ڕی حه‌ویجه‌ تا له‌وێ هێز كۆ بكه‌نه‌وه‌ و په‌لاماری كه‌ركووك بكه‌ن.''

ئاماژه‌ سه‌روبه‌ندی هه‌نگاوه‌كانی ئه‌نجامدانی راپرسی، (بارزانی) هه‌روه‌ها ده‌ڵێ، ''پێشتر گوتمان ده‌بێ پێشبینی گوشاری زۆر بكه‌ین، چونكه‌ ئازادی و سه‌ربه‌خۆیی باجی ده‌وێ، به‌ڵام ئه‌وه‌ی پێشبینی نه‌ده‌كرا و به‌ خه‌یاڵماندا نه‌ده‌هات، ئه‌وه‌بوو له‌ شه‌وی 15-16 ئه‌و خیانه‌ته‌ نه‌ته‌وه‌یی و نشتیمانییه‌ بوو كه‌ كه‌ركووك ڕاده‌ست كرا و له‌ پشته‌وه‌ خه‌نجه‌ر له‌ كوردستان درا.''
ئاماژه‌ش به‌وه‌ی كه‌ ئه‌و خیانه‌ته‌ نه‌بایه‌ دۆخه‌كه‌ شێوه‌یه‌كی دیكه‌ ده‌بوو، (سه‌رۆك بارزانی) ڕایگه‌یاند، ''پێشتر پلانمان هه‌بوو كه‌ چۆن به‌رگری له‌ كه‌ركووك ده‌كرێ و ده‌مانزانی كه‌ هه‌وڵێك بۆ له‌باربردنی دۆخی كوردستان له‌ ئارادا بێ. به‌ڵئم خیانەتێکی گەورە لە شەوی 15 لەسەر 16ی ئۆکتۆبەر کرا، ئەوەی هەرگیز پێشبینیمان نەدەکرد و بە خەیاڵیشماندا نەدەهات؛ ئەو خیانەتە نیشتمانییە گەورەیە بوو کە لە کەرکووک ئەنجام درا، لە پشتەوە خەنجەری ژەهراوی لە پێشمەرگە و هەموو خەڵکی کوردستان درا".

هاوكات ڕایگه‌یاند، ''دەنگی سێ ملیۆن کەس بۆ سەربەخۆیی بە کەس ناسڕدرێتەوە.''

ڕاشكاوانه‌ش ڕه‌خنه‌ی له‌ هه‌ڵوێستی ئه‌مه‌ریكا به‌رانبه‌ر به‌ ئه‌م دۆخه‌ گرت و (سه‌رۆك بارزانی) گوتی''ئه‌وه‌ی ئه‌مه‌ریكا به‌ تیرۆریست ناویان ده‌با و وا به‌ سواری تانكی ئه‌برامز دێنه‌ سه‌ر كوردستان، ئێستا پرسیار ئه‌وه‌یه‌ و ده‌بێ ئه‌مه‌ریكا له‌و پلانه‌ ئاگادار بووبێ، پلانێك كه‌ ده‌یه‌وێ ئه‌نفال و جینۆسایدی دی به‌سه‌ر كوردستاندا بێننه‌وه‌؟.''

(سه‌رۆك بارزانی) گوتیش، ''زۆر هه‌وڵمان دا شه‌ڕ نه‌بێ و هه‌ر له‌به‌ر ئه‌وه‌، پێشمه‌رگه‌ له‌ هه‌ندێ شوێن پاشه‌كشه‌ی كرد تا خوێن نه‌ڕژێ، به‌ڵام هێزه‌كانی حه‌شد هه‌ر ده‌هاتنه‌ پێش و ده‌یانه‌ویست هه‌موو جێیه‌ك بگرن، ناچار پێشمه‌رگه‌ به‌رگریی كرد، له‌ هه‌ر كوێیش پێشمه‌رگه‌ به‌رگری كردبێ، حه‌شدی شه‌عبی و هێزه‌كانی دی نه‌یانتوانیوه‌ بێنه‌ پێشه‌وه‌.''

(سه‌رۆك بارزانی) چه‌ندباره‌ ڕووی قسه‌كانی ئاراسه‌تی به‌غدا كرد و ڕایگه‌یاند، ''كه‌ ئه‌وان باسی جێبه‌جێكردنی ده‌ستوور ده‌كه‌ن، باشه‌ با نیشانمان بده‌ن له‌ كوێی ده‌ستوور باس له‌ هێرشكاری بۆ سه‌ر كوردستان كراوه‌، كه‌ ئه‌گه‌ر مه‌به‌ستیان شكاندنی شكۆ و هه‌یبه‌تی كوردستان نه‌بێ.''
هاوكات گوتی ''به‌ بریاربه‌ده‌ستانی به‌غدا ده‌ڵێین، ئه‌گه‌ر ده‌تانه‌وێ چاره‌ی كێشه‌كان بكه‌ن، فه‌رموون ئێمه‌ ئاماده‌ین، به‌ڵام كه‌ مه‌به‌ستتان شكاندنی هه‌رێم و گه‌لی كوردستان  و خۆفه‌رزكردنه‌، پێتان ده‌ڵێین هه‌زاران ڕۆڵه‌ی ئه‌م گه‌له‌ به‌رگری ده‌كه‌ن و مردن هه‌ڵده‌بژێرین و ناهێڵین شكۆمان بشكێندرێ، ئه‌گه‌ریش به‌ حه‌شدی شه‌عبی ده‌تانه‌وێ ناسنامه‌ی ناوچه‌ كوردستانییه‌كانی ده‌ره‌وه‌ی ئیداره‌ی هه‌رێمی كوردستان بشێوێنن، خه‌یاڵتان خاوه‌.''

جه‌ختیشی كرده‌وه‌، ''ئێمه‌ له‌گه‌ڵ نه‌ته‌وه‌كانی ناوچه‌كه‌ براین، نابێ سیاسه‌تی حكوومه‌ته‌كان برایه‌تیمان تێك بدات و گرفت بۆ پێوه‌ندیمان دروست بكات.''

جارێكی دی شه‌ڕی ئه‌م دواییه‌ی هێنایه‌وه‌ به‌ر باس و گوتی ''پێشمه‌رگه‌ زۆر هه‌وڵی دا شه‌ڕ ڕوو نه‌دا، به‌ڵام زێده‌ڕۆیی حه‌شد وایكرد خوێنكێكی زۆر بڕژێ، سپاس بۆ پێشمه‌رگه‌ كه‌ داستانی گه‌وره‌یان تۆمار كرد.''

(سه‌رۆك بارزانی) له‌ كتایی په‌یامه‌كه‌یدا پاتی كرده‌وه‌، ''من هه‌ر پێشمه‌رگه‌ و مه‌سعوود بازانیم، به‌ررزترین پله‌یش لای من پێشه‌مه‌رگبوونه‌.''
هه‌روه‌ها ڕووی په‌یامی سه‌رۆك له‌ جه‌ماوه‌ری كوردستان بوو و گوتی ''دڵنایاتان ده‌كه‌مه‌وه‌ من له‌گه‌ڵتان ده‌بم و پێشمه‌رگه‌ ده‌مێنمه‌وه‌ و سه‌ركه‌وتنیش بۆ ئێمه‌ ده‌بێ.
داوایش له‌ كوردستانیان ده‌كه‌م یه‌كڕیز بن و ئیراده‌یان به‌هێز بێ، چونكه‌ ناحه‌زان له‌ هه‌وڵی شكاندنی ئیراده‌ی كوردستان ده‌كات.
دڵنیام كوردستانیان هه‌ر سه‌رده‌كه‌ون چونكه‌ دۆزه‌كه‌یان ڕه‌وایه‌.''

 

ده‌قی په‌یامی سه‌رۆك بارزانی:

https://www.youtube.com/watch?v=KWRFXp1Y9v4




دوایین هەواڵەکان

وه‌زاره‌تی پێشمه‌رگه‌ هاوكارییه‌كه‌ی ئه‌مه‌ریكا به‌ گرینگ ده‌زانێت

SATURDAY, 26 MAY 2018 10:05:40

هه‌ولێر-KDP.info- ئه‌مه‌ریكا بۆ ساڵی داهاتوو نزیكه‌ی 300ملیۆن دۆلاری دیكه‌ی بۆ پێشمه‌رگه‌ ترخان كردووه‌ وه‌كو به‌رده‌وامیدان به‌ هاوكارییه‌كان، به‌رپرسێكی وه‌زاره‌تی پێشمه‌رگه‌ش به‌ گرینگی ده‌زانێت و ده‌ڵێت، ئه‌مه‌ریكا و هاوپه‌یمانان تاوه‌كو ئێستا به‌رده‌وامن له‌ هاوكاریكردن و مه‌شق و راهێنان به‌ هێزی پێشمه‌رگه‌.

 
پارتی له‌ ساڵیادی هه‌ڵگیرسانی شۆڕشی گوڵاندا: با به‌ یه‌ك ده‌نگ بڕیاری چاره‌نووسساز له‌سه‌ر ئاینده‌ی گه‌لی كورد بده‌ین

SATURDAY, 26 MAY 2018 09:05:17

هه‌ولێر-KDP.info-   به‌بۆنه‌ی (42)ه‌مین ساڵیادی هه‌ڵگیرسانی شۆڕشی گوڵانی پێشكه‌وتنخواز، پارتی ڕایده‌گه‌یێنێ، كه‌ له‌و قۆناغه‌ گرینگ و مێژووییه‌ی ئه‌مڕۆدا، ئه‌ركی سه‌رشانی هه‌مووانه‌، زه‌مینه‌ساز بن بۆ راپه‌ڕاندنی ئه‌ركه‌ مێژوویی و چاره‌نوسسازه‌كانی قۆناغه‌كه‌ و، به‌ پێویستی ده‌زانێ ''له‌سه‌ر ئاستی ناوخۆ خۆمان رێك خه‌ینه‌وه‌ و كه‌موكورتییه‌كانمان به‌ره‌و چاره‌سه‌ر ببه‌ین.'' له‌ ڕاگه‌یێندراوه‌كه‌یدا به‌و بۆنه‌وه‌ هاوكات داوا ده‌كات، هه‌موو هاوكار بن بۆ تێپه‌ڕاندنی قه‌یرانی ئابوری و به‌هێزكردنه‌وه‌ی ژێرخانی ئابووری و چاره‌سه‌ركردنی كێشه‌ی مووچه‌ و بودجه‌ و، به‌ یه‌ك ده‌نگ بڕیاری چاره‌نووسساز له‌سه‌ر ئاینده‌ی گه‌لی كورد بده‌ن.

 
ئیدارەیا شنگالێ پەیامەکا نەڕازیبوونێ ئاراستەی بەغدا و واشنتن و هەولێر و نەتەوەیێن یەکبووی دکەن

FRIDAY, 25 MAY 2018 00:05:53

شنگال-KDP.info-  پشتی نەهژمارتنا دەنگێن ئاوارەیێن شنگالێ و ئەڤێ یەکێ ژی کارڤەدانێن مەزن ل پەی خوە هشتن، و بوویە ئەگەرێ وێ یەکێ کو ئیدارەیا شنگالێ پەیامەکا نەڕازیبوونێ ئاراستەی بەغدا و واشنتن و هەولێر و نەتەوەیێین یەکبوویی بکەن.

 
"کورد مەرجی هاوبەشی و شەراکەت و هاوسەنگیی لە عێراق دەوێ"

THURSDAY, 24 MAY 2018 18:05:08

هەولێر-KDP.info- عێراقی فیدراڵ لەبەردەم تێستێکی گەورەدایە، کە ئایا کابینەی داهاتوو دەتوانێ پرەنسیپەکانی فیدڕاڵی بپارێزێ؟ ئێستا کورد مەرجەکانی خۆی لەسەر سێ بنەمای سەرەکی گەیاندوون کە ئەوانیش هاوبەشی و شەراکەت و هاوسەنگییە لە عێراقدا، چاودێرانی سیاسی دەڵێن، ئەگەر بەغدا ئەم جارە ئەم سێ بنەمایەی کوردی پێشێل کرد، ئیدی هاوسەنگیی عێراق تێک دەچێ و دەستی کورد دەکرێتەوە.

 
کاتى پێدانى چەکى پارەى گرووپى دووەمى دەرچوانى تواناسازى دیاری کرا

THURSDAY, 24 MAY 2018 18:05:06

هەولێر-KDP.info- دواى ئەوەى وەزارەتى خوێندنى باڵا و توێژینەوەى زانستى بڕیاری دا بە خەرجکردنى بڕى (652858) شەشسەد و پەنجا و دوو هەزار و هەشتسەد و پەنجا و هەشت دۆلارى ئەمریکى، وەک لیستى (2)ى ساڵى (٢٠١٨)ى تایبەت بە گرووپى دووەمى دەرچوانى تواناسازى، کە (5٤) دەرچووى تواناسازى لێى سوودمەند دەبن، ئێستا وەزارەتى خوێندنى باڵا کاتى دابەشکردنى چەکەکان دیاری دەکات.

 


 
© 2018 Kurdistan Democratic Party, KDP