Kurdî  ■  كوردی  ■  عربي
FRI, 22 SEP 2017 02:01 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

حكوومه‌تی عێراق به‌رامبه‌ر دابه‌ش نه‌كردنی به‌شه‌ خۆراكی هاوڵاتیان، به‌ پاره‌ قه‌ره‌بوویان ده‌كاته‌وه‌
| KDP.info


 
هه‌ولێر-KDP.info- ئه‌ندامێكی لیژنه‌ی دارایی و ئابووری له‌ ئه‌نجوومه‌نى نوێنه‌رانى عێراق ده‌ڵێت، رێگری كراوه‌ بڕێكی ز‌ۆری برنجی نه‌شیاو به‌سه‌ر هاوڵاتیانی عێراقدا دابه‌ش بكرێت و به‌هۆی خراپی جۆره‌كه‌ی گه‌ڕێندراوه‌ته‌وه‌ ده‌شڵێت، حكوومه‌ت به‌رامبه‌ر دابه‌ش نه‌كردنی چه‌ند مادده‌یه‌ك له‌ به‌شه‌ خۆراكی مانگانه‌ به‌ پاره‌ قه‌ره‌بووی هاوڵاتیان ده‌كاته‌وه‌.
 
 
(نه‌جیبه‌ نه‌جیب) به‌ ماڵپه‌ڕی فه‌رمیی پارتی دیموكراتی كوردستانی راگه‌یاند: "وه‌زیری بازرگانی عێراق له‌باره‌ی خراپی جۆری كه‌ل و په‌لی خۆراكی مانگانه‌، بانگی په‌رله‌مان ده‌كرێت، چونكه‌ چه‌ندین جاره‌ له‌ كاتی دابه‌شكردنی به‌شه‌ خۆراكی مانگانه‌دا كه‌ل و په‌لی خراپ كه‌ شیاو نییه‌ بۆ خواردن دابه‌ش ده‌كرێت، له‌ماوه‌كانی رابردووش جۆره‌ برنجێك به‌سه‌ر هاوڵاتیانی عێراق و هه‌رێمی كوردستان دابه‌ش كراوه‌، كه‌ شیاونیه‌ بۆ خواردن و گومانی زۆری له‌سه‌ره‌، به‌ڵام به‌پێی زانیاریه‌كانی ئێمه‌ وه‌ك لیژنه‌ی دارایی نزیكه‌ی 600 تۆن له‌و برنجه‌ له‌ به‌نده‌رێكی شاری به‌سره‌ رێگری لێكراوه‌ بێته‌ نێو عێراق و دابه‌ش بكرێت.
 
 
(نه‌جیب) گوتیشى: "له‌سه‌ر خراپی كوالێتی به‌شه‌ خۆراكی مانگانه‌ به‌رده‌وام به‌دواداچوون ده‌كه‌ین و جگه‌ له‌وه‌ش زۆرێك له‌مادده‌كان دابه‌ش نه‌كراون له‌ كاتی خۆیدا و بڕیاره‌ حكوومه‌تی عێراق هاوڵاتیان به‌پاره‌ قه‌ره‌بووبكاته‌وه‌ و قه‌ره‌بوكردنه‌وه‌كه‌ش هاوڵاتیانی هه‌رێمی كوردستانیش ده‌گرێته‌وه‌، به‌ڵام زانیاری وردم به‌رده‌ست نیه‌ له‌سه‌ر چه‌ند ماده‌ی خۆراك هاوڵاتیان قه‌ره‌بووده‌كرێنه‌وه‌، ته‌نیا ئه‌وه‌ روونه‌ كه‌ ده‌بێت هاوڵاتیان قه‌ره‌بووبكرێنه‌وه‌.
 
 
قائید میرۆ
 



دوایین هەواڵەکان

هەڵەبجەییەکان بە ئاهەنگ بەڵێیان بۆ سەربەخۆیی کرد

THURSDAY, 21 SEPTEMBER 2017 20:09:03

هەڵەبجە-KDP.info- ئەمڕۆ هەڵەبجەییەکان بە کەرنەڤاڵێک پشتگیری خۆیان بۆ ریفراندۆم و سەربەخۆیی کوردستان دەربڕی؛ وەک بەشداربووانی کەرنەڤاڵەکە دەڵێن، هەمووان پشتگیری سەرکردایەتیی سیاسی کوردستان دەکەن بۆ ئەوەی کوردستان ببێتە دەوڵەت.

 
لە مێرگەسۆر پەردە لەسەر وێنەی شەهیدانی شەڕی داعش لادرا

THURSDAY, 21 SEPTEMBER 2017 19:09:27

مێرگەسۆر-KDP.info- ئەمڕۆ لە شارۆچكەی مێرگەسۆر بە ئامادەبوونی بەرپرسانی حزبی و حكوومی  و كەسوكاری شەهیدان و جەماوەرێكی زۆری ناوچەكە پەردە لەسەر وێنەی 41 شەهیدی شەڕی داعش لادرا.

 
بارزانی: سلێمانی نه‌ مه‌حكوومه‌، نه‌ سوخره‌كێش، دارولمولكی كوردستانه‌

THURSDAY, 21 SEPTEMBER 2017 19:09:13

د.محه‌ممه‌د خدر مه‌ولوود

له‌ شرۆڤه‌كردنی ده‌قی گوتاره‌كه‌ی سه‌رۆك بارزانی له‌ ئێواره‌ی رۆژی 20 ی ئه‌یلوولدا سێ ره‌هه‌ندی گرینگ ده‌خوێنینه‌وه‌، كه‌ بۆ ئه‌مڕۆ و پاشه‌ڕۆژی پرۆسه‌ی سیاسیی كوردستان زۆر گرینگ و پڕبایه‌خ  ده‌بێ، وا به‌ كورتی تیشكیان ده‌خه‌ینه‌ سه‌ر.

سەرۆک بارزانی بۆ سەرۆکی فەڕەنسا: ریفراندۆم لە کاتی دیاریکراوی خۆیدا ئەنجام دەدرێت

THURSDAY, 21 SEPTEMBER 2017 18:09:46

هەولێر-KDP.info-  سەرۆکی فەڕەنسا لەڕێی تەلەفۆنەوە پەیوەندیی بە (سەرۆک بارزانی) کرد، لەبارەی ریفراندۆمەوە (سەرۆک بارزانی) رایگەیاند، ڕیفراندۆم لە کاتی دیاریکراوی خۆیدا ئەنجام دەدرێت و دەرگای گفتوگۆش دانەخراوە و دوای ڕیفراندۆم، کوردستان لەگەڵ بەغدا گفتوگۆ دەکات.

خەڵکی سلێمانی: ڕیفراندۆم ئامانجمانە و کەس ناتوانێت لەجیاتی ئێمە بڕیار بدات

THURSDAY, 21 SEPTEMBER 2017 18:09:36

سلێمانی-KDP.info- خەڵکی سلێمانی پشتیوانی لە سەربەخۆییی کوردستان و ڕیفراندۆم دەکەن. هاووڵاتییەکی ئەو شارە دەڵێت، نایانەوێت هیچ حزبێک بە ناوی ئەوانەوە قسە بکات، خۆیان چارەنووسی خۆیان دیاری دەکەن.



 
© 2017 Kurdistan Democratic Party, KDP