Kurdî  ■  كوردی  ■  عربي
THU, 22 FEB 2018 03:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئۆجه‌لان: به‌مزووانه‌ كاریگەریی سەردانی سەرۆكوەزیرانی توركیا بۆ هەرێم دەردەكەوێت
| KDP.info


هەولێر-KDP.info-  سیاسەتمەداری كورد و برای (عەبدوڵڵا ئۆجەلان) ڕێبه‌ری زیندانكراوی پەكەكە رایگەیاند، (سەرۆك بارزانی) سەرۆكی نەتەوەی كوردە، دەتوانێ دووبارە ڕۆڵی هەبێت لە پرۆسەی ئاشتی لە باكووری كوردستان، ده‌شڵێ، ''باوەڕم وایه‌ لە داهاتوودا كاریگەریی ئەو سەردانە دەردەكەوێت.''

(عوسمان ئۆجەلان) سیاسەتمەداری كورد، بۆ ماڵپەڕی فەرمی پارتی دیموكراتی كوردستان گوتی، ''(سەرۆك بارزانی) سەرۆكی نەتەوەی كوردە، دەتوانێ دووبارە ڕۆڵی هەبێت لە پرۆسەی ئاشتی لە توركیا و باكووری كوردستان، بۆ ئەوەی جارێكی دیكە توركیا بگەڕێتەوە باری ئاساییی خۆی، بۆیە لەم باوەڕدام لە كاتی هاتنی سەرۆكوەزیرانی توركیا بۆ هەرێم، سەرۆكی هەرێم ئەو بابەتەی لەگەڵ باس كردووە و لە داهاتوویشدا كاریگەریی ئەو سەردانە و، رۆڵی سەرۆكی هەرێم و سەرۆكی حكوومەتی هەرێم لە چارەكردنی كێشەی كورد لە باكووری كوردستاندا دەردەكەوێت.''

(ئۆجه‌لان) گوتیشی، ''پێویستە پەكەكە لە ناوچە سنوورییەكانی هەرێمی كوردستان ڕێگە بە خەڵكی ئەو گوندانە بدات بگەڕێنەوە سەر ماڵوحاڵی خۆیان و ناوچەكانی خۆیان ئاوەدان بكەنەوە، بۆ ئەوەی ناوچە سنوورییەكان ئاوەدان ببنەوە".

ڕابین شێروانی




دوایین هەواڵەکان

"هەر پەنابەرێک بگەڕێتەوە هەرێم هاوکاریی مادی دەکرێ"

WEDNESDAY, 21 FEBRUARY 2018 16:02:07

هەولێر-KDP.info- حکوومەتی ھەرێمی کوردستان بە ھاوکاریی ڕێکخراوە نێودەوڵەتییەکان پڕۆژەیەکی بۆ گەڕانەوەی پەنابەرانی ھەرێمی کوردستان ئامادە کردووە و بەڕێوەبەری گشتیی کۆچ و کۆچبەرانیش دەڵێ، ھەر پەنابەرێک مافی پەنابەرێتی وەرنەگرتبێت و بیەوێ بگەڕێتەوە خەرجی ھێنانەوەی بۆ دەکەین و ھاوکاریی ماددیشی پێشکەش دەکەین.

 
"کەلوپەلی ناوماڵ بۆ ٣٦٧ خێزانی شەهید دابین کرا"

WEDNESDAY, 21 FEBRUARY 2018 15:02:24

هەولێر-KDP.info- دەزگای خێرخوازیی بارزانی و ڕێکخراوی فریاکەوتنی ئیسلامی لە جیهاندا لە چالاکییەکدا لە شاری هەولێر کەلوپەل و پێداویستیی ناوماڵیان پێشکەش بە ٣٦٧ خێزانی شەهید کرد.

 
سەرۆك بارزانی پێشوازی لە دەستەی سەرۆكایەتیی ئەنجوومەنی كوردی سووریا کرد

WEDNESDAY, 21 FEBRUARY 2018 14:02:28

هەولێر-KDP.info-  سەرۆك مەسعوود بارزانی پێشوازی لە دەستەی سەرۆكایەتیی ئەنجوومەنی كوردی سووریا كرد و لە دیدارەکەدا دوایین پێشهاتە سیاسی و ئەمنییەكانی ڕۆژئاوا و شاری عەفرین تاوتوو كرا و بیروڕا لەبارەی ئاییندەی ڕۆژهەڵاتی ڕووباری فورات و هاوكێشە سەربازی و سیاسییەكانی ئەو ناوچەیە ئاڵوگۆڕ كرا.

فەرھاد حەمەعەلی: رەوشی كەركووك زۆر خراپە و داعشیش دەستیان بە جووڵە كردووە

WEDNESDAY, 21 FEBRUARY 2018 12:02:25

كەركووك-KDP.info- گوتەبێژی ئاساییشی كەركووك دەڵێ، رەوشی ئەمنیی كەركووك زۆر ئاڵۆزە و پێشبینیی دەكرێت لە رۆژانی دابێ رەوشەكە بەرەو خراپتر بچێت. دەشڵێ، داعش دەستی بە چالاكی كردووە و، حەشد و ھێزە عێراقییەكان نەیانتوانیوە تیرۆریستان لەو سنوورە دەربكەن.

 
11 ھەزار و 141 پارچە زەوی بە كەسوكاری شەھیدان و زیندانیانی سیاسی دەدرێت

WEDNESDAY, 21 FEBRUARY 2018 12:02:25
هەولێر-KDP.info- بە فەرمانی ئەنجوومەنی وەزیرانی هەرێمی كوردستان، بڕیار درا بە دابەشكردنی 11 هەزار و 141 پارچەزەوی بەسەر كەسوكاری شەهیدان، ئەنفالكراوان و زیندانیانی سیاسیدا.
 


 
© 2017 Kurdistan Democratic Party, KDP