Kurdî  ■  كوردی  ■  عربي
SUN, 22 JAN 2017 00:33 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"هەرێمی کوردستان بۆ ژاپۆن گرینگە؛ پێوەندییەکان فراوانتر دەکەین"
| KDP.info


هەولێر-KDP.info-  لە دیداریدا لەگەڵ راوێژکاری ئەنجوومەنی ئاسایشی هەرێمی کوردستان، وه‌زیری ده‌وڵه‌ت بۆ كاروباری ده‌ره‌وه‌ی ژاپۆن رایگەیاند، هه‌رێمی كوردستان بۆ ژاپۆن زۆر گرینگه‌ و ئێمه‌ ده‌مانه‌وێ پێوه‌ندی پته‌وممان له‌گه‌ڵیدا هه‌بێت. ئاماژەیشی دا، له‌ پلان دایه‌ ئه‌و پێوه‌ندیانه‌ فره‌وان بن و بواره‌كانی كلتوور و په‌روه‌رده‌ و ژێرخانیش بگرێته‌وه‌.

ئه‌مڕۆ 11/1/2017 (مه‌سروور بارزانی) راوێژكاری ئه‌نجوومه‌نی ئاسایشی هه‌رێمی كوردستان پێشوازیكردنی له‌ (كێنتارۆ سۆنۆرا) وه‌زیری ده‌وڵه‌ت بۆ كاروباری ده‌ره‌وه‌ی ژاپۆن و شاندی یاوه‌ری کرد.

له‌ كۆبوونه‌وه‌یه‌كدا، كه‌ به‌ ئاماده‌بوونی (فۆمیۆ ئاوای) باڵیۆزی ژاپۆن له‌ عێراق و (كاتسۆمی مۆریاسۆ) كونسووڵی ژاپۆن له‌ هه‌رێمی كوردستان به‌ڕێوه‌چوو، تیشكخرایه‌ سه‌ر پێوه‌ندیی‌ دوقۆڵی نێوان هه‌رێمی كوردستان و ژاپۆن له‌ بواره‌ جیاكاندا. له‌وباره‌وه‌ (مه‌سروور بارزانی) كردنه‌وه‌ی كونسووڵگه‌ری ژاپۆنی له‌ هه‌ولێری پایته‌خت بۆ باشتر فه‌راهه‌مكردنی به‌رژوه‌ندی دوولایه‌نه‌ به‌ هه‌نگاوێكی پێشكه‌وتوو دانا و رایگه‌یاند، گەلی کوردستان ئایندەیەکی گەشی لە بەردەمدایە کە بەهۆیەوە ناوچەکە سەقامگیریی و بووژانەوەی زیاتر بە خۆیەوە دەبینێ.
له‌لای خۆیه‌وه‌ (كێنتارۆ سۆنۆرا) به‌ڕێز و پێزانینه‌وه‌ باسی له‌ قاره‌مانێتی و قوربانییه‌كانی پێشمه‌رگه‌ی كوردستان له‌ شه‌ڕی دژ به‌ تیرۆریستی نێوده‌وڵه‌تی كرد و رایگه‌یاند، هه‌رێمی كوردستان بۆ ژاپۆن زۆر گرینگه‌ و ئێمه‌ ده‌مانه‌وێ پێوه‌ندی پته‌وممان له‌گه‌ڵیدا هه‌بێت.

ئاماژەیشی دا، له‌ پلان دایه‌ ئه‌و پێوه‌ندیانه‌ فره‌وان بن و بواره‌كانی كلتوور و په‌روه‌رده‌ و ژێرخانیش بگرێته‌وه‌.
په‌ره‌سه‌ندن و گۆڕانكارییه‌ چاوه‌ڕوانكراوه‌كانی ناوچه‌كه‌ و به‌رده‌وامی ئۆپه‌راسیۆنی رزگاركردنی مووسڵ و هه‌ماهه‌نگی و گفتوگۆكانی نێوان هه‌ولێر و به‌غدا بۆ چاره‌كردنی كێشه‌كان ته‌وه‌رێكی دیكه‌ی كۆبوونه‌وه‌كه‌ بوون.
 




دوایین هەواڵەکان

گوته‌بێژی پارتی: پارتی و یەكێتی له‌گه‌ڵ به‌غدادا پرسی سه‌ربه‌خۆیی ده‌خه‌نه‌ به‌ر باسه‌وه‌

SATURDAY, 21 JANUARY 2017 23:01:15

هه‌ولێر-KDP.info-  لەبارەی یەكلاكردنەوەی پرسی سەربەخۆییی باشووری كوردستان، گوتەبێژی پارتی دیموكراتی كوردستان رایدەگەیێنێ، ''بە کۆبوونەوەیەک كۆتایی بەم شتانە نایەت و دەبێت لەگەڵ بەغدا پشوودرێژ بین، چونکە ئەم بابەتە هەم پشوودرێژی، هەم وردبوونەوەیەکی یەکجار زۆر و، هەم رازیکردنی چەند لایەنێكی نێو حکوومەتی بەغدای دەوێت''، لەبارەی پشوودرێژی لایەنەكانیش لە نێوخۆی كوردستاندا، گوتەبێژی پارتی دەڵێت "پێویستە پشوودرێژیمان بۆ ئەوە بێت یەکتر قبووڵ بکەین، نەک کاتێکی زۆر بدەینە کۆبوونەوەکان".

 
مستەفا شەفیق: بەشداریکردنی ئەنەکەسە لە کۆبوونەوەی ئاستانا زۆرباش و ئەرێنییە

SATURDAY, 21 JANUARY 2017 18:01:23

هەولێر-KDP.info-  شارەزا لە کاروباری رۆژئاوای کوردستان (مستەفا شەفیق) پێوەست بە بەشداریکردنی ئەنەکەسە لە کۆبوونەوەی ئاستانا دەڵێ، بەشداری کورد لەهەر کۆبوونەوەیەکی نێودەوڵەتی پێوەست بە چارەکردنی پرسی سووریا زۆرباش و ئەرێنییە، چونکە وەک دیپلۆماسیی بەشداری کورد لەو جۆرە کۆبوونەوانە باشە و هەڵەنییە، دەشمێنێتەوە سەر ئەو نوێنەرانەیی کورد کە لە کۆبوونەوەکەدا بەشداردەبن کە دەتوانن چی بۆ کورد بکەن و تا چەند توانایان هەیە دەستکەوت بۆ کورد بە دەستبێنن.

 
باپیر کامەلا: کاتییەتی پارتی و یەکێتیی بنەمایەکی رێککەوتن بە پاڵپشتی لایەنەکان دابنێن

SATURDAY, 21 JANUARY 2017 17:01:43

هەولێر-KDP.info-  سكرتێری پارتی كرێكاران و رەنجدەرانی كوردستان (باپیر کامەلا) دەڵێ ئێستا کاتییەتی پارتی دیموکراتی کوردستان و یەکێتیی نیشتمانی کوردستان بنەمایەکی رێککەوتن بە پاڵپشتی لایەنەکان دابنێن بۆ ئەوەی کێشەکان چارە بکرێن.

 
مەدحەت سلێمان: خەڵک لەو کەسانە تێگەیشتن کە دەیانەوێ شەقام لە دەڤەری سلێمانیدا بجوڵێنن

SATURDAY, 21 JANUARY 2017 16:01:55

هەولێر-KDP.info-   راوێژکاری پەرلەمانی كوردستان (د.مەدحەت سلێمان) دەڵێ، پێش چەند ساڵێك لە ئەنجامی تەبایی نێوان پارتی و یەكێتی هەرێمی كوردستان بەشێوەیەكی گشتیی بوژانەوەیەكی بەهێز و ئاوەدانكردنەوەیەكی بەهێزی بەخۆیەوە بینی، ئێستا خەڵك تەمەنای ئەوە دەكەن رەوشەكە بگەڕێتەوە ئەو سەردەمەی حوكمی  كوردستان لە لایەن پارتی و یەكێتییەوە دەكرا بەمەرجێك بەرنامەی چاكسازی بەردەوامی هەبێت.

تا پێنجشەممەی دابێ ئەم وەزارەت و دەستانە مووچە وەردەگرن

SATURDAY, 21 JANUARY 2017 15:01:23

هەولێر-KDP.info-  وەزارەتى دارایى و ئابوورى خشتەیەکی دیکەی مووچەی راگەیاند کە تا رۆژی پێنجشەممەی دابێ مووچەی  ئەم وەزارت و دەستانە دەدرێت.



 
© 2017 Kurdistan Democratic Party, KDP