Kurdî  ■  كوردی  ■  عربي
SAT, 27 APR 2024 05:10 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

جێب بووش له‌سه‌ر كورد هاته‌ ده‌نگ.. ترامپی هه‌ژاند
| KDP.info


جێب بووش و دۆنالد ترامپ. فۆكس نیوز. ئه‌مه‌ریكا

ئه‌مه‌ریكا-KDP.info-  له‌ كه‌ناڵی فۆكس نیوزی ئه‌مه‌ریكا، (جێب بووش) له‌سه‌ر كورد وه‌ڵامێكی توندی (دۆنالد ترامپ)ی دایه‌وه‌؛ له‌گه‌ڵ ناوهێنانی كورد له‌لایه‌ن (جێب بووش)ه‌وه‌، خه‌ڵك به‌ چه‌پڵه‌ رێزانه‌وه‌ پاڵپشتیان كرد.

(جێب بووش) كوڕی (بووش)ی گه‌وره‌ و برای (جۆرج ده‌بلیو بووش)ی بچووكه‌. له‌ ئێستادا له‌ زۆربه‌ی بۆنه‌ی سیاسیی كۆمارییه‌كان خۆی به‌ دۆستی كورد ناو ده‌بات و بۆ به‌رگریكردن له‌ پرسی كورد دێته‌ ده‌نگ. (جێب بووش) كه‌ كاندیدی كۆمارییه‌كانه‌ بۆ سه‌رۆكایه‌تی ئه‌مه‌ریكا له‌ كه‌ناڵی فۆكس نیوزی ئه‌مه‌ریكا راسته‌وخۆ وه‌ڵامێكی توندی (دۆناڵد ترامپ)ی كاندیدی سه‌رۆكایه‌تی ئه‌مه‌ریكای دایه‌وه‌ و، له‌سه‌ر پرسی كورد (ترامپ)ی هه‌ژاند.

له‌ كه‌ناڵه‌كه‌دا (دۆناڵد ترامپ) كاندیدی كۆمارییه‌كان بۆ سه‌رۆكایه‌تیی ئه‌مه‌ریكا راسته‌وخۆ جارێكی دیكه‌ ده‌یگوت، نابێ مووسڵمانان بێنه‌ ئه‌مه‌ریكا و به‌ ئاشكرا داوای ده‌ركردنی مووسڵمانانی له‌ ئه‌مه‌ریكا كرد، ڕێك له‌و كاتدا و له‌و به‌رنامه‌یه‌دا راسته‌وخۆ (جێب بووش) لێی هاته‌ ده‌نگ و وه‌ڵامێكی توندی دایه‌وه‌ و پێیگوت، نه‌ده‌بوو تۆ هه‌موو مووسڵمانێك وه‌ك یه‌ك دابنێیت، ئه‌وه‌تا كورده‌كان زۆرینه‌یان لێ موسڵمانن و، كه‌چی دۆستی ستراتیژیی ئێمه‌ن و گرینگترین هاوپه‌یمانی ستراتیژی ئه‌مه‌ریكان بۆ شه‌ڕی دژ به‌ داعش، ئایا ده‌كرێ ئێمه‌ بڵێین كورده‌كان نه‌یێنه‌ ئه‌مه‌ریكا؟ ئه‌مه‌ راست نییه‌.

له‌ كاتی وه‌ڵامی (جێب بووش) بۆ (دۆناڵد ترامپ) و ناوهێنانی كورد له‌ به‌رنامه‌كه‌ دا كه‌ جه‌ماوه‌رێكی زۆر تێیدا ئاماده‌ بوو، خه‌ڵك به‌ چه‌پڵه‌رێزان پێشوازییان له‌ گوته‌ی (جێب بووش) كرد رێك له‌و كاته‌ی كه‌ ناوی كوردی هێنا.

پێشووتریش (جێب بووش) له‌ لێدوانێكدا ئاشكرای كرد، ئه‌گه‌ر بێت و ببێته‌ سه‌رۆكی ئه‌مه‌ریكا كورده‌كان چی لێ داوا بكه‌ن بۆیانی جێبه‌جێ ده‌كات.
(جێب بووش)، ته‌مه‌نی 62 ساڵه‌ و له‌ ئێستادا حاكمی فلۆریدایه‌ و كاندیدی كۆمارییه‌كانه‌ بۆ سه‌رۆكایه‌تیی ئه‌مه‌ریكا. (جێب بووش) وه‌ك باوكی و براكه‌ی له‌گه‌ڵ شێوازی هێرشبردنی راسته‌وخۆدایه‌ و له‌زۆر بۆنه‌ی سیاسییدا رایگه‌یاندووه‌، پێویسته‌ یه‌كڕاست ئه‌مه‌ریكا هێرشێكی وشكانی به‌ پاڵپشتی و پڕچه‌ككردنی  كورده‌كانه‌وه‌ بۆسه‌ر داعش بكات، ئه‌و رێگه‌یه‌ به‌باشترین رێگه‌ی سه‌ركه‌وتنی یه‌كجاره‌كه‌ی به‌سه‌ر داعشی زانیوه‌ و خۆی به‌ دۆستی كورد ناو ده‌بات.

شاو كوردی
 




دوایین هەواڵەکان

پەیامێک لە سەرۆکی حكوومەتی هەرێمی كوردستانەوە

FRIDAY, 26 APRIL 2024 23:04:07

ھەولێر-KDP.info- ئەمشەو مەسروور بارزانی سەرۆكی حكوومەتی هەرێمی كوردستان لە پەیامێکدا رایگەیاند: "بە توندی سەرکۆنەی هێرشە تیرۆریستییەکەی ئەمشەو بۆ سەر كۆرمۆر دەکەم. سەرەخۆشی لە کەسوکاری ئەو چوار هاووڵاتییە سیڤیلە دەکەم کە گیانیان لەدەست دا، هیوای زوو چاکبوونەوەش بۆ بریندارەکان دەخوازم. وەزارەتی تەندروستییم ڕاسپاردووە کە هەموو هاوکاری و پاڵپشتییەکی پێویست پێشکەش بکات.

 
مەکتەبی سیاسی پرسەنامەیەک ئاراستەی خانەوادەی (خالید ئیبراهیم ڕەزگەیی) دەکات

FRIDAY, 26 APRIL 2024 22:04:35

ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی خوالێخۆشبوو (خالید حاجی ئیبراهیم ڕەزگەیی) دەکات.

 
پەیامێک لە سه‌رۆكى هه‌رێمى كوردستانەوە لەبارەی هێرشەکەی سەر کۆرمۆر

FRIDAY, 26 APRIL 2024 22:04:54

ھەولێر-KDP.info- سه‌رۆكى هه‌رێمى كوردستان سەرکۆنەی هێرشەکەی سەر کۆرمۆر دەکات و رایدەگەیێنێت، "ئه‌م هێرشانه‌ ئارامى و سه‌قامگیریى وڵات ده‌خه‌نه‌ مه‌ترسییه‌وه‌ و لایه‌نه‌ په‌یوه‌ندیداره‌كانى حكوومه‌تى عێراقى فیدراڵ پێویسته‌ ئه‌ركى خۆیان بۆ رێگرى له‌و هێرش و په‌لامارانه‌ و دۆزینه‌وه‌ى ئه‌نجامده‌رانى له‌هه‌ر لایه‌نێك بن، بگێڕن و به‌ سزاى یاسایى بگه‌یه‌نرێن". 

 
بەیاننامەیەک لە حکوومەتی ھەرێمی کوردستانەوە

FRIDAY, 26 APRIL 2024 22:04:16

ھەولێر-KDP.info- حکوومەتی ھەرێمی کوردستان لەبارەی ھێرشی تیرۆریستی بۆ سەر کێڵگەی غازی کۆرمۆر بەیاننامەیەکی بڵاوکردەوە و ئیدانەی ئەو کارە تیرۆرستیە دەکات.

 
نەوزاد ھادی بۆ پەرلەمانتاران و ئەندامانی ئەنجوومەنی پارێزگا: خزمەتی خەڵکی بکەن

FRIDAY, 26 APRIL 2024 21:04:32

مووسڵ-KDP.info- بەرپرسی مەکتەبی ڕێکخستنی نەینەوا لەگەڵ پەرلەمانتارانی پەرلەمانی عێراق لە بازنەی نەینەوا و ئەندامانی ئەنجوومەنی پارێزگای نەینەوا لەسەر لیستی پارتی کۆبووەوە 

 


 
© 2023 Kurdistan Democratic Party, KDP

Contact