زاخۆ-KDP.info- سەرپەرشتیاری ئیدارەی سەربەخۆی زاخۆ ئەنجامی سەردانەکەی بۆ وڵاتی قەتەر ئاشکرا دەکات و دەڵێت، لە ئایندەیەکی نزیکدا وەبەرھێنەرانی قەتەر سەردانی ھەرێمی کوردستان دەکەن و دەیانەوێت ڕۆڵیان ھەبێت لە کەرتی وەبەرھێنانی کوردستان بەتایبەتی لە زاخۆ.

ھەولێر-KDP.info- بەڕێوەبەری فڕۆکەخانەی نێودەوڵەتی ھەولێر گوتی، ئامادەکاری تەواومان کردووە بۆ ئەوەی گەشتەکانمان لەگەڵ دیاربەکر دووبارە دەستپێبکەنەوە و لە ئێستادا بەرەو وەرزی ھاوین دەچین و گەشتەکانمان بەردەوام لە زیادبوون دان و ئێستا ڕۆژانە نزیکەی ٧٥ گەشتمان لەگەڵ وڵاتان ھەیە.

هه‌ولێر-KDP.info- به‌یانیى ئه‌مڕۆ شه‌ممه‌ 2024/5/4 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ شاندێكى سێناتى ئه‌مه‌ریكى كرد كه‌ له‌ به‌ڕێزان سیناتۆر جۆنى ئێرنتس و سیناتۆر تێد با‌د و ژماره‌یه‌ك له‌ یاوه‌رانیان پێكهاتبوو.

ھەڵەبجە-KDP.info- لە ماوەی چەند مانگی ڕابردوودا مەسروور بارزانی سه‌رۆكی حكوومه‌تی هه‌رێمی کوردستان، سەردانی پارێزگای ھەڵەبجەی کردوو بەردی بناغەی پڕۆژەی ستراتیژی ڕێگا و پردی تووە قووتی دانا، جێگری پارێزگاری ھەڵەبجەش ئاشکرای دەکات لە ڕۆژانی داھاتوو کارکردن لە پڕۆژەکە دەست پێدەکات، ھاوکات بڕی بوودجەی پڕۆژەکەش ٣٠ ملیار و ٣٤٥ ملیۆن دینار و بە درێژی ٢٧ کیلۆمەتر.

ھەولێر-KDP.info- ئەمڕۆ ڕۆژی جیھانی ئازادی ڕۆژنامەگەرییە، کە لە ساڵی ١٩٩٣ و دوو ساڵ دوای ڕاپەڕینی مەزنی ھەرێمی کوردستان ئەو بڕیارە دەرچووە و ئەو ڕۆژە دیاریکراوە بە ڕۆژی جیھانی ئازادی ڕۆژنامەگەری، نەقیبی سەندیکای ڕۆژنامەنووسانی کوردستانیش دەڵێت، پێویستە ڕۆژنامەنووسانی کوردستان بەشێک بن لە پاراستنی بەھاکانی نیشتیمانی و کاری ڕۆژنامەگەری لە کوردستان بەشانازیەوە ھاوشانە لەگەڵ ھەموو میدیای جیھانی و کاراکتەرێکی ئەکتیفە لە کوردستان.