هەولێر-KDP.info- مه‌سروور بارزانی، سه‌رۆكی حكوومه‌تی هه‌رێمی كوردستان رایده‌گه‌یه‌نێت، له په‌یوه‌ندییه‌كی ته‌له‌فۆنیدا پیرۆزبایی له مسته‌فا كازمی كرد، كه له‌لایه‌ن ئه‌نجومه‌نی نوێنه‌رانه‌وه وه‌ك سه‌رۆك وه‌زیرانی عێراق متمانه‌ی پێدرا.
مه‌سروور بارزانی، له هه‌ژماری تایبه‌تی خۆی له تۆڕی كۆمه‌ڵایه‌تی تویته‌ر نووسیویه‌تی: "له په‌یوه‌ندییه‌كی ته‌له‌فۆنیدا قسه‌م له‌گه‌ڵ مسته‌فا كازمی كرد و پیرۆزبایی ده‌ستبه‌كاربوونیم لێكرد وه‌ك سه‌رۆك وه‌زیران".
هه‌روه‌ها نووسیویه‌تی: "عێراق و هه‌رێمی كوردستان به كاتێكی هه‌ستیار تێپه‌ڕده‌بن و رووبه‌ڕووی ئاسته‌نگی هاوبه‌ش ده‌بینه‌وه، هیوادارم بتوانین له نزیكه‌وه به یه‌كه‌وه كار بكه‌ین".
مسته‌فا كازمی، شه‌وی رابردوو، 6/5/2020 له‌لایه‌ن ئه‌نجومه‌نی نوێنه‌رانه‌وه، وه‌ك سه‌رۆك وه‌زیرانی نوێی عێراق متمانه‌ی پێدرا.