هەولێر-KDP.info- بەڕێوەبەری گشتیی تەندروستیی هەولێر ڕایگەیاند، حەفت نەخۆشی تری هەڵگری ڤایرۆسی کۆڕۆنا لە هەولێر چاک بوونەوە و ئەمەش دەقی ڕاگەیاندراوەکەیەتی:
هاووڵاتیانی خۆشەویستی شاری هەولێر، پێتان ڕادەگەیەنین کە 7 نەخۆشی تووشبوو بە ڤایرۆسی کۆرۆنا COVID-19 دوای وەرگرتنی چارەسەری پزیشکی بەتەواوی چاکبوونەتەوە و باری تەندروستییان تەواو جێگیر بووەتەوە و، پشکنینی تایبەتی یەک لەدوای یەکیان بۆ کرایەوە، کە نێگەتیڤ بوو، بڕیار درا بنێردرێنەوە ماڵەوە.
• کۆی گشتیی چاکبووەوەکان گەیشتە 125 کەس.
• سوپاسی پابەندبوونتان دەکەین بۆ ڕێنماییە خۆپارێزییەکان، جێبەجێکردنی ڕێنماییەکان زامنی زاڵبوونمانە بەسەر ئەم پەتا جیهانییەدا.
• زۆر سوپاسی ماندووبوونی تەواوی پزیشکان و کارمەندانی تەندروستی و تەواوی هێزەکانی ناوخۆ دەکەین کە پارێزگاری لە تەندروستیی هاووڵاتیان دەکەن.
د. دلۆڤان محەمەدفاتح جلال
بەڕێوەبەری گشتیی تەندروستیی هەولێر
۱۹ی نیسانی ۲٠۲٠