Kurdî  ■  كوردی  ■  عربي
THU, 21 NOV 2019 09:22 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

عەلی خەلیل: گەڕاندنەوەی داعشەکان مەترسیی بۆ ڕەوشی ئەمنیی عێراق ھەیە
| KDP.info


 

دهۆك -KDP.info- لەگەل تێکچوونی ڕەوشی ڕۆژئاوای کوردستان وڵاتان لە ھەوڵدان بۆ ئەوەی ئەو داعشە عێراقیانەی لە زیندانەکانی ڕۆژئاوای کوردستانن، بگەڕێندرێنەوە بۆ عێراق و بەرپرسێکی کوردیش ھۆشداری لەبارەی گەڕانەوەی داعشە عێراقیەکانەوە دەدات.

 

عەلی خەلیل، بەرپرسی لقی چواردەی پارتی لە مووسڵ، بە ماڵپەڕی فەرمیی پارتی دیموکراتی کوردستانی ڕاگەیاند: "بە ھەزاران چەکدار و خێزانی داعش لەنێو زیندانەکانی ڕۆژئاوای کوردستانن، لەنێو خاکی سووریا، ڕاستە ئێستا باس لە گەڕانەوەیان بۆ عێراق دەکرێت، بەڵام ئێمە بە ھەموو شێوەیەک دژی گەڕاندنەوەی داعشە عێراقیەکانین لە سووریاوە، چونکە بە گەڕانەوەیان مەترسیی زۆر گەورە دەکەوێتە سەر عێراق و کاریگەرییان لەسەر خەڵکی دیکەش لەنێو عێراقدا دەبێت."

 

بەرپرسەکەی پارتی گوتی: "بەر لە ھێرشەکانی ڕۆژانی ڕابردووی سەر ڕۆژئاوای کوردستانیش ھەوڵێک ھەبوو، داعشە عێراقییەکانی نێو سووریا بگوازرێنەوە بۆ مووسڵ، بەڵام ھەم حکوومەتی خۆجێی مووسڵ و ھەم لایەنە سیاسییەکانیش دژی ئەو ھەنگاوە وەستانەوە و ڕێگر بوون لە گەڕانەوەی داعش."

 

ئاماری جیاواز لەبارەی داعشە عێراقییەکانی سووریاوە ھەیە، بەڵام بەپێی ھەندێ سەرچاوەی فەرمی نزیکەی ١٠ھەزار چەکدار دەبن و زۆربەشیان لەنێو زیندانن. لەگەڵ ئەوەشدا، نزیکەی ٧٠ھەزار ژن و منداڵی چەکدارە داعشەکان هەن و زۆربەشیان لەنێو کەمپی ھۆڵ نیشتەجێ کراون."

 

عەلی خەلیل ڕوونی کردەوە: "ڕەوشی مووسڵ لە ماوەکانی ڕابردوودا ھەندێ سەقامگیریی بە خۆیەوە بینی، ئەگەر ئەو داعشانە بگەڕێنەوە دیسان ڕەوشی ئەمنی ئاڵۆزیی تێ دەکەوێت، لەبەر ئەوەی ژمارەیان ئێکجار زۆرە و ناکرێت دوای پێنج ساڵ لە شەڕ و ئاڵۆزی جارێکی دیکە بە دەستی خۆمان داعش بگەڕێنینەوە بۆ مووسڵ."

 

قائید میرۆ

 




دوایین هەواڵەکان

پایزی به‌غدا و گه‌ڵاڕێزانی تاران

WEDNESDAY, 20 NOVEMBER 2019 20:11:06

د.محه‌مه‌د خدرمه‌ولود 

 
" نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان "

WEDNESDAY, 20 NOVEMBER 2019 19:11:08

سلێمانی -KDP.info- مامۆستایەکی زانکۆ و پسپۆڕی بواری زانستە سیاسییەکان دەڵێ، سەرۆکی هەرێمی کوردستان ئەمڕۆ دۆزی کوردی بە بڕبڕەی پشتی سەقامگیری و هاوسەنگی لە ڕۆژهەڵاتی ناوەڕاستدا وەسف کرد. هاوکات هاووڵاتییان دەڵێن، نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان.

 

مەسروور بارزانی: ده‌مانه‌وێت پێوه‌ندیی دیپلۆماسیی باشترمان له‌گه‌ڵ جیهان هه‌بێت

WEDNESDAY, 20 NOVEMBER 2019 18:11:34

دهۆک-KDP.info-  مه‌سرور بارزانی، سه‌رۆكی حكوومه‌تی هه‌رێمی كوردستان، له‌ میانی (دیداری ئاشتی و ئاسایشی رۆژهه‌ڵاتی ناوه‌ڕاست)دا، كه‌ زانكۆی ئه‌مه‌ریكی - كوردستان له‌ دهۆك به‌ڕێوه‌ی ده‌بات، له‌ دیبه‌یتێكی تایبه‌تدا، ڕوانگه‌ی خۆیانی له‌مه‌ڕ پرسه‌ گرنگ و هه‌ستیاره‌كانی سه‌ر گۆڕه‌پانی سیاسیی كوردستان و عێراق و ناوچه‌كه‌، كێشه‌ و شه‌ڕ و ئاواره‌بوونی خه‌ڵك و كێشه‌ به‌رده‌وامه‌كانی ناوچه‌كه‌وه‌ خسته‌ڕوو. دواتر وه‌ڵامی چه‌ندین پرسیاری تایبه‌ت به‌ هه‌لومه‌رج و بارودۆخی ناوچه‌كه‌ی دایه‌وه‌، كه‌ له‌لایه‌ن ئاماده‌بووانه‌وه‌ ئاراسته‌ی كران.

 
"لەسەر فەرمانی مەسروور بارزانی ٥٢ برینداری چەکی کیمیایی بۆ چارەسەرکردن ڕەوانەی ئێران دەکرێن"

WEDNESDAY, 20 NOVEMBER 2019 16:11:06

ھەڵەبجە-KDP.info- لەسەر فەرمانی مەسروور بارزانی، سەرۆکوەزیرانی ھەرێمی کوردستان ژمارەیەک برینداری چەکی کیمیایی ڕەوانەی وڵاتی ئێران دەکرێن و سەرۆکی کۆمەڵەی قوربانیانی کیمیابارانی ھەڵەبجەش دەڵێ، ڕۆژانی داھاتوو ئەو بریندارنە دەگواسترێنەوە بۆ ئێران.

 

هە‌ڵه‌بجه‌ییه‌كان داوا ده‌كه‌ن نەیەڵن یاسای هه‌ڵبژاردنه‌كان بەبێ پشکی پارێزگای هەڵەبجە تێپەڕ ببێت

WEDNESDAY, 20 NOVEMBER 2019 15:11:04

هەڵەبجە -KDP.info- به‌ هۆكاری ئه‌وه‌ی دوو پڕۆژه‌ی سه‌رۆكایه‌تیی كۆمار و سه‌رۆكایه‌تیی ئه‌نجومه‌نی وه‌زیرانی عێراق گەیشتوونه‌ته‌ ئه‌نجومه‌نی نوێنه‌رانی عێراق بۆ یاسای هه‌ڵبژاردنه‌كان و كه‌مكردنه‌وه‌ی كورسیی ئه‌نجومه‌نی نوێنه‌ران و، خوێندنه‌وه‌ی یه‌كه‌می بۆ كراوه‌، به‌شدارنه‌بوونی هه‌ڵه‌بجه‌ وه‌ك پارێزگا نیگه‌رانیی شه‌قامی هه‌ڵه‌بجه‌ی به‌دووای خۆیدا هێناوه‌، سه‌رۆكی فراكسیۆنی پارتیش ده‌ڵێ، نایه‌ڵن هه‌ڵه‌بجه‌ وه‌ك پارێزگا له‌ هه‌ڵبژاردنه‌كان بێبه‌ش بكرێت.

 



 
© 2018 Kurdistan Democratic Party, KDP