Kurdî  ■  كوردی  ■  عربي
WED, 20 NOV 2019 22:25 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هەورامی لە كۆنفڕانسی لوتكەی ئاشتی: گەلی كوردستان شانازی بەوەوە دەكات كە گەلێكی ئاشتیخوازە
| KDP.info


هەولێر-KDP.info- بە مەبەستی دروستكردنی پردی پەیوەندی لە نێوان هەرێمی كوردستان و وڵاتانی دەرەوە، پێشنیوەڕۆی ئەمڕۆ 2019/10/9، بە ئامادەبوونی هێمن هەورامی جێگری سەرۆكی پەرلەمانی كوردستان و سەرۆكی دیوانی پەرلەمان و جێگرەكەی، لە هۆڵی پەناگیری لە تەلاری پەرلەمان، كۆنفڕانسی لوتكەی ئاشتیی جیهانی لە كوردستان بە نوێنەرایەتیی ٣٥ وڵاتی دونیا لەسەر ئاستی سەركردەی گەنجی ئەو وڵاتانە بەڕێوە چوو.

سەرەتای كۆنفڕانسەكە، كە ‌بۆ یەكەمجارە كۆنفڕانسیكی لەو شێوەیە لە هەرێمی كوردستان ئەنجام دەدرێت، بە خولەكێك وەستان بۆ گیانی پاكی شەهیدان دەستی پێكرد، دواتر هێمن هەورامی، جێگری سەرۆكی پەرلەمانی كوردستان، گوتەیەكی پێشكەش كرد و تیایدا خۆشحاڵیی خۆی و پەرلەمانی كوردستانی بە میوانداریكردنی ئەو كۆنفڕانسە نیشان دا و رایگەیاند: "خۆشحاڵین كە ئەمڕۆ لە پەرلەمان میواندارییەكی گرنگ بۆ لوتكەی ئاشتیی جیهانی ئەكەین كە كۆمەڵێك گەنج لە چەندین وڵاتی جیاجیاوە پێی هەڵساون، پێش چوار مانگ چەند كوڕ و كچێكی گەنجی هەرێمی كوردستان هاتنە پەرلەمانی كوردستان و داوایان كرد، كە ئەوانیش ئەیانەوێ وەكو كوڕان و كچانی كوردستان بانگهێشتی كۆمەڵێك لە ئاشتیخوازانی جیهان بكەن بە تایبەت لە كوڕان و كچانی ئاشتیخوازی چەندین وڵاتی جیهانی و داوای ئەوەیان كرد كە دەرفەتیان بۆ بڕەخسێندرێ تا لە تەلاری پەرلەمانی كوردستان ئەو چالاكییە ئەنجام بدەن و هاوكاریان بین و سپۆنسەریان بكەین، ئێمەش پێمان گوتن پەرلەمانی كوردستان لە خولی پێنجەم ماڵی هەموو تاكێكی كوردستان دەبێت".

هەر لە گوتەكەیدا، جێگری سەرۆكی پەرلەمان ئاماژەی بەوە دا، كە پەرلەمانی كوردستان پاڵپشتی و پشتیوانیی تەواوی خۆی بۆ نیشاندان هەم لە بانگهێشتكردنی میوانەكان و هەم بۆ رەخساندنی شوێن و میوانداریكردنی ئەو بەڕێزانەشی كە ئەمڕۆ لێرەن.

لە بەشێكی دیكەی گوتەكەیدا، جێگری سەرۆكی پەرلەمان ستایشی كار و چالاكییەكانی رێكخراوی لوتكەی ئاشتیی جیهانیی كرد كە لە 150 وڵاتدا كار و چالاكییان ئەنجام داوە و میوانداریكردنی پەرلەمانی كوردستانی بۆ ئەو كۆنفرانسە بە شانازی بۆ پەرلەمان زانی، هەروەها باسی لە پێكهاتەی هەرێمی كوردستان كرد و رایگەیاند: "ئێمە لە هەرێمی كوردستان وەك پێكهاتەكانی ئەو هەرێمە و وەكو گەلی كوردستان گەلێكی ئاشتیخواز بووین بە تەواوی پێكهاتەكانەوە و هیچ كاتێك زوڵم و زۆر و توندوتیژییەكانی رژێمە یەك لەدوای یەكەكان، توندوتیژییەكانی ئایدۆلۆجییە تاریكپەرستەكان هەرێمی كوردستان و گەلەكەیان رانەكێشاوە تا بە هەمان میكانیزمی توندوتیژیی ئەوان وەڵامی ناحەقییەكانیان بدرێتەوە".

هەورامی گوتیشی: "گەلی كوردستان شانازی بەوەوە دەكات، كە گەلێكی ئاشتیخوازەو رێبازی سیاسیی خەباتی رزگاریخوازانەی خەڵكی كوردستان لەسەر بنەمای دیموكراسی و ئاشتیخوازی بووە، وەڵامی ئێمەش هەڵقوڵاوی فەرهەنگ و كلتووری ئاشتیخوازانەی خەڵكی كوردستانە واتە فەرهەنگێك نییە سیاسییەكان و دەسەڵاتداران دروستیان كردبێت، بەڵكوو فەرهەنگێكە لە تەواوی خەڵكی كوردستانەوە هەڵقوڵاوە".    

جێگری سەرۆكی پەرلەمان ئاماژەشی دا: "هەرێمی كوردستان كار بۆ بەدیهێنانی ئاشتی و پێكەوەژیان دەكات لە ناوچەكە و بوونی ژمارەیەكی زۆر لە نوێنەری وڵاتان و چەندەها كۆمپانیا و ئەنجامدانی كار و پڕۆژەكانیان هێمایەكە بۆ سەقامیریی هەرێمی كوردستان و نیشاندانی نیەتی ئاشتیخوازانەیەتی لەگەڵ وڵاتانی دونیادا".

هەر لە كۆنفڕانسەكەدا، میدالیای ئاشتی و رێزلێنان بەخشرایە هێمن هەورامی جێگری سەرۆكی پەرلەمانی كوردستان و ژمارەیەكی زۆری بەشداربووانی كۆنفڕانسەكە.

 




دوایین هەواڵەکان

پایزی به‌غدا و گه‌ڵاڕێزانی تاران

WEDNESDAY, 20 NOVEMBER 2019 20:11:06

د.محه‌مه‌د خدرمه‌ولود 

 
" نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان "

WEDNESDAY, 20 NOVEMBER 2019 19:11:08

سلێمانی -KDP.info- مامۆستایەکی زانکۆ و پسپۆڕی بواری زانستە سیاسییەکان دەڵێ، سەرۆکی هەرێمی کوردستان ئەمڕۆ دۆزی کوردی بە بڕبڕەی پشتی سەقامگیری و هاوسەنگی لە ڕۆژهەڵاتی ناوەڕاستدا وەسف کرد. هاوکات هاووڵاتییان دەڵێن، نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان.

 

مەسروور بارزانی: ده‌مانه‌وێت پێوه‌ندیی دیپلۆماسیی باشترمان له‌گه‌ڵ جیهان هه‌بێت

WEDNESDAY, 20 NOVEMBER 2019 18:11:34

دهۆک-KDP.info-  مه‌سرور بارزانی، سه‌رۆكی حكوومه‌تی هه‌رێمی كوردستان، له‌ میانی (دیداری ئاشتی و ئاسایشی رۆژهه‌ڵاتی ناوه‌ڕاست)دا، كه‌ زانكۆی ئه‌مه‌ریكی - كوردستان له‌ دهۆك به‌ڕێوه‌ی ده‌بات، له‌ دیبه‌یتێكی تایبه‌تدا، ڕوانگه‌ی خۆیانی له‌مه‌ڕ پرسه‌ گرنگ و هه‌ستیاره‌كانی سه‌ر گۆڕه‌پانی سیاسیی كوردستان و عێراق و ناوچه‌كه‌، كێشه‌ و شه‌ڕ و ئاواره‌بوونی خه‌ڵك و كێشه‌ به‌رده‌وامه‌كانی ناوچه‌كه‌وه‌ خسته‌ڕوو. دواتر وه‌ڵامی چه‌ندین پرسیاری تایبه‌ت به‌ هه‌لومه‌رج و بارودۆخی ناوچه‌كه‌ی دایه‌وه‌، كه‌ له‌لایه‌ن ئاماده‌بووانه‌وه‌ ئاراسته‌ی كران.

 
"لەسەر فەرمانی مەسروور بارزانی ٥٢ برینداری چەکی کیمیایی بۆ چارەسەرکردن ڕەوانەی ئێران دەکرێن"

WEDNESDAY, 20 NOVEMBER 2019 16:11:06

ھەڵەبجە-KDP.info- لەسەر فەرمانی مەسروور بارزانی، سەرۆکوەزیرانی ھەرێمی کوردستان ژمارەیەک برینداری چەکی کیمیایی ڕەوانەی وڵاتی ئێران دەکرێن و سەرۆکی کۆمەڵەی قوربانیانی کیمیابارانی ھەڵەبجەش دەڵێ، ڕۆژانی داھاتوو ئەو بریندارنە دەگواسترێنەوە بۆ ئێران.

 

هە‌ڵه‌بجه‌ییه‌كان داوا ده‌كه‌ن نەیەڵن یاسای هه‌ڵبژاردنه‌كان بەبێ پشکی پارێزگای هەڵەبجە تێپەڕ ببێت

WEDNESDAY, 20 NOVEMBER 2019 15:11:04

هەڵەبجە -KDP.info- به‌ هۆكاری ئه‌وه‌ی دوو پڕۆژه‌ی سه‌رۆكایه‌تیی كۆمار و سه‌رۆكایه‌تیی ئه‌نجومه‌نی وه‌زیرانی عێراق گەیشتوونه‌ته‌ ئه‌نجومه‌نی نوێنه‌رانی عێراق بۆ یاسای هه‌ڵبژاردنه‌كان و كه‌مكردنه‌وه‌ی كورسیی ئه‌نجومه‌نی نوێنه‌ران و، خوێندنه‌وه‌ی یه‌كه‌می بۆ كراوه‌، به‌شدارنه‌بوونی هه‌ڵه‌بجه‌ وه‌ك پارێزگا نیگه‌رانیی شه‌قامی هه‌ڵه‌بجه‌ی به‌دووای خۆیدا هێناوه‌، سه‌رۆكی فراكسیۆنی پارتیش ده‌ڵێ، نایه‌ڵن هه‌ڵه‌بجه‌ وه‌ك پارێزگا له‌ هه‌ڵبژاردنه‌كان بێبه‌ش بكرێت.

 



 
© 2018 Kurdistan Democratic Party, KDP