Kurdî  ■  كوردی  ■  عربي
MON, 14 OCT 2019 00:01 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بەغدا و پەیامی سەرۆكی هەرێم
| KDP.info


ئاریان فەرەج

سەرۆكی هەرێم نێچیرڤان بارزانی لە پەیامێكدا دەربارەی رووداوەكان، پەنجەی خستە سەر راستییەكی حاشاهەڵنەگر: كێشە و گرفتەكانی عێراق كەڵەكەبووی سیاسەت و رەفتار و هەڵوێستە هەڵەكانی حكومەتە یەك لە دوایەكەكانی چەندین ساڵی رابردوون و زادەی رۆژ و حكومەتی بەركار نین، هیچ حكومەتێكیش ناتوانێ بە ئاسانی چارەسەریان بكات.

كەڵەكەبوونی كێشەكان تا ئەو ئاستەی شەقامی عێراقی نیمچە بایكۆتی كۆی پرۆسەی سیاسی و ئەحزاب و دەموچاوە سیاسییەكانی بكات و ئێستاش بەو توڕەییە بوروژێت، دەرەنجامی زەمەنێك غەدر و دەسخەڕۆیی و گەندەڵكاری و دەستورشكێنی و ئینفیلاتی سیاسی و ئەمنی و پشتكردنە كۆی ئەو پرنسیپانەن كە بڕیار بوو عێراقی نوێیان لەسەر دامەزرێ ولە سایەیاندا زەمینەی ژیانێكی ب روومەت بۆ عێراقییەكان فەراهەم ببێت.

ئەوانەی بێ شەرمانە دەیانەوێت كاسەكە لەسەری حكومەتی ئێستا وعادل عەبدولمەهدیدا بشكێنن، سەبەبكاری هەموو ئەو گرفتانەن كە خەڵك بەهۆیانەوە گەیشتنە لوتكەی نائومێدی و بێ هودەیی، گەر ئەوان كەمترین پەرۆشییان بۆ عێراق و خەڵكەكەی هەبوایە، بەو هەموو سەروەت و سامانە و بەو هەموو ساڵانە بەردێكیان لەسەر بەردێك دابنایە، هەڵبەت لەسەركار دەمان و جێ بۆ عەبدولمەهدی چۆڵ نەدەبوو كە بێ پشتیوان و هاوكاری، ئەركی سەختی راستكردنەوەی ئەو میراتە خێل و خوارەی بكەوێتە ئەستۆ كە بۆیان بەجێهێشت.

سیاسییە فاشل و درۆزنەكان ئێستاش هەر بە هەمان دیماگۆكی و دەسخەڕۆییەكەی جاران گەمە بە ئازارەكانی شەقامی عێراقی دەكەن، ئەوەتا دەیانەوێ سواری شەپۆلی نارەزاییەكان ببن و خۆیان بكەنە هاودەرد و خەمخۆری ئەو خەڵكەی لەسەر دەستی ئەوان تووشی دەردو خەم بوون. دەیانەوێ بەو چەواشەكارییە شانی خۆیان بتەكێنن و بە ئاسانی رووی خۆیان بۆ جەولەیەكی دیكەی گرتنەوەدەستی دەسەڵات سپی بكەنەوە. هەر ئەوانیشن ئاڕاستەی خۆپیشاندانەكان بەرەو توندرتیژی و خوێنڕشتن دەبەن، دەنا عەبدولمەهدی ئەوەندە بە كورسی دەسەڵاتەوە نەنوساوە تا خوێنی بۆ برێژێ.

عەبدولمەهدی وەك سەركردەیەكی نیشتمانیی چاكەخواز وویستی عێراق بخاتەوە سەر راستەڕێ، دەردەكانی دەستنیشان كرد و وویستی هەنگاو بۆ تیماكردنیان هەڵگرێ، بەڵام ئەو نوخبە گەندە و گوێلەمستەی بەرژەوەندیی ناڕەوایان لە گەندەڵی و حوكمی میلیشیایی و بەرەڵلایی سیاسیدایە، ناهێڵن.




دوایین هەواڵەکان

پارتی سەرەخۆشیی لە خانەوادەی شێخ ئه‌كره‌م هه‌ناره‌یی دەکات

SUNDAY, 13 OCTOBER 2019 18:10:12

به‌ڕێزان خانه‌واده‌ی خوالێخۆشبوو شێخ ئه‌كره‌م هه‌ناره‌یی

بابەکر زێباری بۆ KDP: داعش جارەکا دی ل سووریا سەرهەلداڤە

SUNDAY, 13 OCTOBER 2019 18:10:30

دهۆک-KDP.info- سوپاسالارێ بەرێ یێ ئیراقێ دبێژیت، داعش ل سووریا جارەکا دی سەرهەلدایەڤە و دێ بیتە گەڤەکە مەزن بۆ ئیراقێ ژی.

 

"سێشەممە پەرلەمانی کوردستان لەبارەی ڕۆژئاواوە کۆ دەبێتەوە"

SUNDAY, 13 OCTOBER 2019 18:10:19

هەولێر-KDP.info-  بڕیارە ڕۆژی سێشەممەی داھاتوو پەرلەمانی کوردستان دەربارەی ڕەوشی ئاڵۆزی ڕۆژئاوای کوردستان کۆ ببێتەوە و پەرلەمانتارێکیش دەڵێ، ئەمڕۆ دەستەی سەرۆکایەتیی پەرلەمان و فراکسیۆنەکانیش کۆ بوونەتەوە.

 

ئەنەکەسێ کارێن خۆ ژ ئیتلافێ راوەستاندن

SUNDAY, 13 OCTOBER 2019 17:10:56

رۆژئاڤایێ کوردستانێ-KDP.info- سەرکردەیەکی ئەنەکەسێ ڕاگەهاند، ئەوان کارێن خۆ ژ ئیتلافا نشتیمانی یا ئۆپۆزسیۆنا سوریا ڕاوەستاندن.

 
"شاندێکی باڵای پەرلەمانی کوردستان سەردانی بەغدا دەکات"

SUNDAY, 13 OCTOBER 2019 17:10:33

هەولێر-KDP.info - بڕیارە بە مەبەستی ئاگاداربوون لە ئامادەکردنی پڕۆژەیاسای بودجەی گشتیی عێراق و گەرەنتیکردنی پشکی ھەرێمی کوردستان، شاندێکی پەرلەمانی کوردستان سەردانی بەغدا بکات و ئەندامێکی لیژنەی داراییش ئاشکرای کرد، لیژنەیەکی باڵای پەرلەمانی کوردستان سەردانی بەغدا دەکات.

 


 
© 2018 Kurdistan Democratic Party, KDP