Kurdî  ■  كوردی  ■  عربي
SAT, 19 OCT 2019 15:52 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سه‌رۆكایه‌تیی په‌رله‌مان جه‌ژنی قوربان له‌ موسڵمانان پیرۆز ده‌كات
| KDP.info


هەولێر-KDP.info-  به‌بۆنه‌ی هاتنه‌وه‌ی جه‌ژنی قوربانی پیرۆزه‌وه‌، سه‌رۆكایه‌تیی  په‌رله‌مانی كوردستان په‌یامێكی پیرۆزباییی ئاراسته‌ی موسڵمانان كرد كه‌ ئه‌مه‌ ده‌قه‌كه‌یه‌تی:


به‌بۆنه‌ی هاتنه‌وه‌ی جه‌ژنی قوربانی پیرۆزه‌وه‌ گه‌رمترین پیرۆزبایی له‌ موسڵمانانی هه‌رێمی كوردستان به‌تایبه‌تی و عێراق و جیهان به‌گشتی ده‌كه‌ین، هەروەها پیرۆزبایی لە حاجیانی كوردستان دەكەین و لەخوای گه‌وره‌ داواكارین عیبادەت و ئه‌نجامدانی فه‌ریزه‌ی حه‌جی ئه‌مساڵیان قبوڵ بكات.

به‌ئومێدی ئه‌وه‌ى كه‌ ئه‌م جه‌ژنه‌ ببێته‌مایه‌ی خێرو خۆشی و به‌خته‌وه‌ری بۆ هه‌موولایه‌ك و هه‌رێمی كوردستانیش له‌ پێشكه‌وتن و ئارامی و خۆشگوزه‌رانی به‌رده‌وام بێت.
هه‌رێمه‌كه‌مان ئه‌مڕۆ له‌هه‌موو كات زیاتر پێویستیی به‌یه‌كڕیزی و برایه‌تی و ته‌بایی و پێكه‌وه‌ژیان و لێبوورده‌یی هه‌یه‌، هیوادارین جه‌ژن ببێته‌ فاكته‌رێك بۆ گه‌یشتن به‌م ئامانجه‌ پیرۆزه‌.
هه‌ر به‌م بۆنه‌یه‌وه‌ پیرۆزباییه‌كی گه‌رم له‌ خانه‌واده‌ی سه‌ربه‌رزی شه‌هیدان و پێشمه‌رگه‌ و ئاسایش و پۆلیس و ته‌واوی كارمه‌ندانی ناوخۆو ته‌ندروستی و هه‌موو ئه‌و به‌ڕێزانه‌ ده‌كه‌ین كه‌ له‌ رۆژانی جه‌ژندا دوور له‌خانه‌واده‌و كه‌س و كاریان له‌ خزمه‌ت ئاسووده‌یی و پاراستنی ژیانی هاووڵاتییاندان.
دووباره‌ جه‌ژن له‌هه‌موو لایه‌ك پیرۆزبێت و هه‌ر له‌خۆشی به‌خته‌وه‌ریدابن.
سه‌رۆكایه‌تیی په‌رله‌مانی كوردستان
10ى ئابى 2019




دوایین هەواڵەکان

عەلی خەلیل: گەڕاندنەوەی داعشەکان مەترسیی بۆ ڕەوشی ئەمنیی عێراق ھەیە

SATURDAY, 19 OCTOBER 2019 15:10:20

دهۆك -KDP.info- لەگەل تێکچوونی ڕەوشی ڕۆژئاوای کوردستان وڵاتان لە ھەوڵدان بۆ ئەوەی ئەو داعشە عێراقیانەی لە زیندانەکانی ڕۆژئاوای کوردستانن، بگەڕێندرێنەوە بۆ عێراق و بەرپرسێکی کوردیش ھۆشداری لەبارەی گەڕانەوەی داعشە عێراقیەکانەوە دەدات.

 

د. محەمەد شوكری: یاسای وەبەرهێنان هەموار دەكرێتەوە

SATURDAY, 19 OCTOBER 2019 13:10:00

هەولێر-info.KDP- سەرۆكی دەستەی وەبەرهێنان لە هەرێمی كوردستان، ئاماژە بەو رێكارانە دەكات كە گرتوویانەتە بەر بۆ ئەوەی وەبەرهێنان لە كوردستان بەهێز بكرێت و دەشڵێ، یەكێك لە رێكارەكان، پرسی هەمواری یاسای وەبەرهێنان دەبێت.

 
تا ئێستا 3 هەزار و 56 پەنابەری رۆژئاوا هاتوونەتە هەرێمی كوردستان

SATURDAY, 19 OCTOBER 2019 12:10:38

هەولێر-KDP.info- بەڕێوەبەری داتا و زانیاریەكان لە فەرمانگەی هەماهەنگی و قەیرانەكان دەڵێ، بەپێی دوایین ئامار، لە 9ی ئەم مانگەوە تاوەكو ئێستا، 3 هەزار و 56 پەنابەری رۆژئاوای كوردستان هاتوونەتە هەرێمی كوردستان و تەنیا شەوی ڕابردووش زیاتر لە 700 پەنابەر هاتوون، كە پێداویستیی سەرەكییان بۆ دابین كراوە و پێشوازییان لێ كراوە.

 
فارس عیسا: بڕیارە دوای بۆنەكانی موحەڕەم، شاندی هەرێم سەردانی بەغدا بكات

SATURDAY, 19 OCTOBER 2019 10:10:27

هەولێر-KDP.info- نوێنەری حكوومەتی هەرێم لە بەغدا رایگەیاند، ئەو دەنگۆیانەی لەبارەی ڕەتكردنەوەی داواكاریی هەرێم لەلایەن بەغداوە سەبارەت بە بودجە بڵاو كراونەتەوە، راست نین و گفتوگۆكانی هەردوولا بەردەوامن و لێكنزیكبوونەوەی باش هەیە بۆ ئەوەی بگەنە رێككەوتن، بڕیاریشە دوای بۆنەكانی موحەڕەم، شاندی هەرێم سەردانی بەغدا بكات.

 
ھەدار: بەپێی بەڵگەکانی لایەنی ئەمنیی عێراق، وڵاتان لە پشت خۆپیشاندانی ھاووڵاتیانەوەن

SATURDAY, 19 OCTOBER 2019 10:10:11

بەغدا-KDP.info- پێشبینیی دەستپێكردنەوەی خۆپیشاندانەكانی عێراق دەكرێت و پەرلەمانتارێكیش ئاماژە بۆ ئەوە دەكات، هەفتەی دابێ پەرلەمانی عێراق كۆدەبێتەوە و بەپێی ئەو بەڵگانەی دەست لایەنی ئەمنیی عێراق كەوتوون، وڵاتان لە پشت خۆپیشاندانی ھاووڵاتیانەوەن.

 


 
© 2018 Kurdistan Democratic Party, KDP