Kurdî  ■  كوردی  ■  عربي
FRI, 20 SEP 2019 13:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئه‌مه‌ریكا و هاوپه‌یمانان پشتیوانی له‌ گفتوگۆكانی هه‌ولێر و به‌غدا ده‌كه‌ن
| KDP.info


 

هەولێر -KDP.info- به‌رپرسی فه‌رمانگه‌ی په‌یوه‌ندییه‌كانی ده‌ره‌وه‌ی حكوومه‌تی هه‌رێمی كوردستان ئاماژه‌ به‌وه‌ ده‌كات كه‌ كۆمه‌ڵگای نێوده‌وڵه‌تی و ئه‌مه‌ریكا پشتیوانی له‌ گفتوگۆكانی هه‌ولێر و به‌غدا ده‌كه‌ن و سه‌رۆكی لێژنه‌ی په‌یوه‌ندییه‌كانی ده‌ره‌وه‌ی په‌رله‌مانیش ده‌ڵێت، كۆمه‌ڵگای نێوده‌وڵه‌تی ده‌یه‌وێت گفتوگۆی هه‌ولێر و به‌غدا بچێته‌ قۆناغێكی نوێوه‌.

 

فه‌لاح مسته‌فا، به‌رپرسی فه‌رمانگه‌ی په‌یوه‌ندییە‌کانی ده‌ره‌وه‌ی حکوومه‌تی هه‌رێمی کوردستان، به‌ ماڵپه‌ڕی فه‌رمیی پارتی دیموکراتی کوردستانی ڕاگه‌یاند: "هه‌رێمی کوردستان توانیویه‌تی له‌ ناوچه‌یه‌کی پڕ له‌ کێشه‌ و ناسه‌قامگیردا پێگه‌ی خۆی دیاری بکات، بۆیه‌ کۆمه‌ڵگای نێوده‌وڵه‌تی به‌خۆشحاڵییه‌وه‌ پێشوازییان له‌و کابینه‌یە کرد بۆ پته‌وکردنی سه‌قامگیریی سیاسیی هه‌رێمی کوردستان."

 

فەلاح مستەفا گوتی: "پێکهێنانی کابینەی نوێی حکوومەتی هەریمی کوردستان و ئەو قۆناغەی ئێستا، ده‌ستپێکی قۆناغێکی تازه‌یه‌ بۆ مامه‌ڵه‌کردن له‌گه‌ڵ به‌غدا و له‌گه‌ل کۆمه‌ڵگای نێوده‌وڵه‌تی."

 

به‌رپرسی فه‌رمانگه‌ی په‌یوه‌ندییە‌کانی ده‌ره‌وه‌ ئاماژەی بە پیرۆزباییی وەزیری دەرەوەی ئەمەریکا و یەکەم سەردانی ماسیۆ تووله‌ر، باڵیۆزی نوێی ئەمەریکا بۆ هەرێمی کوردستان كرد كه‌ وه‌ك ده‌ستپێك لەگەڵ سەرۆک مەسعوود بارزانی كۆبوونه‌وه‌یان كردووه‌. ئەمەریکا له ‌ئاستی جیاوازدا پابه‌ندبوونی خۆی به‌ هاوبه‌شی لەگەڵ کوردستان ده‌ربڕیوه‌ و جەختی لە پشتیوانی بۆ کوردستان و گفتوگۆكانی هه‌ولێر و به‌غدا کردووه‌ته‌وه‌."

 

د. ڕێبوار بابكه‌یی، سه‌رۆكی لێژنه‌ی په‌یوه‌ندییه‌كانی ده‌ره‌وه‌ی په‌رله‌مانیش بۆ ماڵپه‌ڕی فه‌رمیی پارتی گوتی: "بۆمان ده‌ركه‌وتووه‌ وڵاتانی جیهان له‌ چوارچێوه‌ی سیاسه‌تی ده‌ره‌وه‌یاندا، به‌تایبه‌ت ئه‌مه‌ریكا و ئه‌وروپا ده‌یانه‌وێت گفتوگۆ‌كانی هه‌ولێر و به‌غدا له‌ چوارچێوه‌ی ده‌ستووری عێراقدا چاره‌سه‌ر بكرێن و له‌گه‌ڵ ئه‌وه‌دا نین كوردستان دابماڵدرێت له‌ مافه‌ مه‌ده‌نی و سیاسییه‌كانی، كه‌ له‌ ده‌ستووری عێراقدا مافه‌كانی دیاری كراوه،‌ نه‌ته‌وه‌ یه‌كگرتووه‌كانیش جه‌خت له‌وه‌ ده‌كه‌نه‌وه‌ كه‌ مافه‌كانی گه‌لی كوردستان له‌ چێوارچێوه‌ی ده‌ستووری عێراقدا چاره‌سه‌ر بكرێن و هه‌رێمی كوردستان وه‌ك قه‌واره‌یه‌كی به‌هێز بمێنێته‌وه‌ و پشتیوانن بۆ گفتوگۆكانی هه‌ولێر و به‌غدا."

 

د. ڕێبوار بابكه‌یی ئه‌وه‌یشی خسته‌ ڕوو: "هه‌رێمی كوردستان له‌ ڕووی سیاسی و ئابووری و ئه‌منییه‌وه‌ سه‌لماندوویه‌تی کە له‌ ناوچه‌كەدا‌ قه‌واره‌یه‌ی سه‌ركه‌وتووه‌ و ده‌‌كرێت كاره‌كته‌رێكی سه‌ره‌كیی ناوچه‌كه‌ بێت، چونكه‌ ڕۆڵی باشی هه‌بووه‌ له‌ سه‌قامگیریی ناوچەکەدا."




دوایین هەواڵەکان

نێچیرڤان بارزانی: بەهێزترین سه‌رچاوه‌ی سرووشتی، بیركردنه‌وه‌یه‌

THURSDAY, 19 SEPTEMBER 2019 22:09:01

دهۆك -KDP.info- ئێواره‌ی ئه‌مڕۆ پێنجشه‌ممه‌ 19/9/2019 به‌ ئاماده‌بوونی به‌ڕێز نێچیرڤان بارزانی سه‌رۆكی هه‌رێمی كوردستان، هه‌روه‌ها به‌ڕێزان محه‌مه‌د حه‌لبووسی سه‌رۆكی ئه‌نجومه‌نی نوێنه‌رانی عێراق، مه‌سروور بارزانی سه‌رۆكی حكوومه‌تی هه‌رێمی كوردستان، دكتۆر به‌شیر حه‌داد جێگری سه‌رۆكی ئه‌نجومه‌نی نوێنه‌رانی عێراق، ماتیوو تیوولەر بالیۆزی ئه‌مه‌ریكا له‌ عێراق، په‌رله‌مانتارانی كوردستان و عێراق و به‌رپرسانی سیاسی و ئیداری و نوێنه‌ر و كونسولی وڵاتانی بیانی له‌ هه‌رێمی كوردستان، ڕێوڕه‌سمی ده‌رچووانی یه‌كه‌م خولی قوتابیانی زانكۆی ئه‌مه‌ریكی كوردستان له‌ پارێزگای دهۆك به‌ڕێوه‌چوو.

 
سه‌رۆكی حكومه‌تی هه‌رێمی كوردستان له‌گه‌ڵ سه‌رۆكی ئه‌نجومه‌نی نوێنه‌رانی عێراق كۆبووه‌وه‌

THURSDAY, 19 SEPTEMBER 2019 22:09:52

دهۆك-KDP.info- مه‌سروور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌، 19ی ئه‌یلوولی 2019، له‌ په‌راوێزی ئاهه‌نگی یه‌كه‌م خولی ده‌رچووانی زانكۆی ئه‌مه‌ریكی كوردستان له‌ دهۆك، له‌گه‌ڵ محه‌مه‌د حه‌لبووسی، سه‌رۆكی ئه‌نجومه‌نی نوێنه‌رانی عێراق كۆبووه‌وه‌.

 
مەسروور بارزانی: ئێک ژ کارنامەیێن کابینا ٩ـێ گرنگیدانە ب خوێندن و پەروەردێ

THURSDAY, 19 SEPTEMBER 2019 19:09:29

دهۆک-KDP.info-سەرۆکێ حکومەتا هەرێما کوردستانێ د رێورسمێن دەرچوویێن گەرا ئێکی یا زانکۆیا ئەمریکی یا کوردستانێ ل دهۆکێ پەیڤەک پێشکێشکر.

 
ڕیوڕسمێن دەرچوویێن زانینگەها ئەمریکی ل کوردستانێ-دهۆک بڕیڤەدچن‎

THURSDAY, 19 SEPTEMBER 2019 19:09:29

دهۆک-KDP.info- ئەڤرۆ پێنچ شەمبیێ(١٩-٩-٢٠١٩)ـێ رێورسمێن گەرا ئێکی یا دەرچوویێن زانینگەها ئەمریکی ل کوردستان-دهۆک بڕێڤەدچن.

 

خەسرۆ گۆران: حەفتەی دابێ لایەنە سیاسییەکانی هەرێم کۆ دەبنەوە

THURSDAY, 19 SEPTEMBER 2019 19:09:02

هەولێر-KDP.info-  حەفتەی دابێ لایەنە سیاسییەکان کۆبوونەوەیەکی هاوبەش دەکەن. بەرپرسی دەزگای هەڵبژاردنی پارتییش دەڵێ، کۆبوونەوەکە سەبارەت بە هەڵبژاردنی ئەنجومەنی پارێزگاکانی عێراقە.

 



 
© 2018 Kurdistan Democratic Party, KDP