Kurdî  ■  كوردی  ■  عربي
FRI, 20 SEP 2019 13:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

خاوەن پێداویستییە تایبەتەكان: لەبەرچاوگرتنی مافەكانمان لە كارنامەی حكوومەتدا جێگەی دەستخۆشییە
| KDP.info


 

سلێمانی-KDP.info- ڕێكخراوەكانی خاوەن پێداویستیی تایبەت لە كوردستان، بە گرنگییەوە لە كابینەی نوێى حكوومەتی هەرێمی كوردستان دەڕوانن، كە لە كارنامەی كابینە نوێیەكەدا بە سەرۆكایەتیی مەسروور بارزانی، بڕگەی تایبەت بە داوا و مافەكان و ئاوڕدانەوە لە ژیانی خاوەن پێداویستییە تایبەتەكان هەیە‌.

سامان حوسێن، سكرتێری یەكێتیی كەمئەندامانی كوردستان، تایبەت بە ماڵپەڕی فەرمیی پارتی دیموكراتی كوردستانی ڕاگەیاند: "لە پەیامی بەڕێز كاك مەسروور بارزانی سەرۆكی حكوومەتی هەرێمی كوردستان، بۆ خزمەتكردنی خاوەن پێداویستیی تایبەت و ئاوڕلێدانەوەیان، هیوا و ئومێدمان هەیە سەرۆكوەزیران و وەزارەتی كار و كاروباری كۆمەڵایەتی، كاری جیددی بكەن بۆ خاوەن پێداویستییە تایبەتەكان، بۆ ئەوەی كۆتایی بهێندرێت بەوەی گوێ لە داوا و مافەكانمان نەگیردرێت".

حوسێن گوتیشی: "جێگەی دڵخۆشییە بۆمان كە سەرۆكوەزیران لە كارنامەی حكوومەتدا باسی كەمئەندامان و خاوەن پێداویستییە تایبەتەكان دەكات، كە ئەمەش دەنگدانەوەیەكی گەورەی هەبووە لای كەمئەندامان، هەمیشە باسی چینوتوێژەكانی تری كۆمەڵگا كراوە، بەڵام باس لە كەمئەندامان نەكراوە، بۆیە ئەوە یەكەمجارە و 9ـیەمین كابینەیە كارنامەی حكوومەت باس لەوە بكات كاری جیددی بۆ كەمئەندامان دەكات، بۆیە ئومێدمان وایە لە واقیعدا جێبەجێی بكەن".

مەسروور بارزانی، سەرۆكی حكوومەتی هەرێمی كوردستان، لە كارنامەی كابینە وەزارییەكەی لە بڕگەی 9ـدا ڕایگەیاند، بە مەبەستی دەستەبەركردنی ژیانێكی شایستە، گرنگیی تایبەت بە كاروباری خاوەن پێداویستییە تایبەتەكان دەدەین.

ئەسمەر ستار، ئەندامی دەستەی باڵای كۆمەڵەی ڕۆژ لە سلێمانی، بە ماڵپەڕی فەرمیی پارتی دیموكراتی كوردستانی ڕاگەیاند: "هیوادارین ئەو تێڕوانین و چاوەڕوانییەی هەمانە لە حكوومەتی نوێی هەرێمی كوردستان، حكوومەتێكی زۆر باش و پڕكار بۆ كەسانی خاوەن پێداویستی تایبەت بێت و، ببێتە خەمی ئەوان، كە خاوەن پێداویستییە تایبەتەكان بە مافەكانمان بگەین".

ئەسمەر گوتیشی: "داوامان لە حكوومەتی هەرێم هەیە كە ڕێژەی یاسایی كە لە 5%ـە، خاوەن پێداویستیی تایبەت لە كاتی كردنەوەی دەرگای دامەزراندن دابمەزرێن، هەروەها لە كەرتی تایبەت بكرێتە مەرج ڕێژەیەك لە كارمەندانیان كەسانی خاوەن پێداویستیی تایبەت بێت،ڕێژەیەكی زۆری دەرچووی زانكۆ و پەیمانگاكان لە خاوەن پێداویستیی تایبەت هەیە و وزەی زۆر باشیان هەیە، بەڵام دانەمەزراون و ڕێگەیان بۆ خۆش نەكراوە توانای خۆیان بخەنە خزمەتی گشتی، بۆیە داوای دامەزراندن لە كەرتی گشتی و كەرتی تایبەت دەكەین".

ئەو دەشڵێ: "پڕۆژەیاسای ژمارە 22ـی ساڵی 2011 وەك خۆی جێبەجێ نەكراوە، بۆیە داواكارین یاسای خاوەن پێداویستییە تایبەتەكان جێبەجێ بكرێت و حەق و مافی خاوەن پێداویستیی تایبەت لە هەموو بوارەكان لە بەرچاو بگیردرێت".

نزیكەی 100 هەزار خاوەن پێداویستیی تایبەت لە وەزارەتی كار و كاروباری كۆمەڵایەتی ناویان تۆمار كراوە و مانگانە هاوكاری لە حكوومەتی هەرێمی كوردستان وەردەگرن.

وەحید سەعید، سەرۆكی كۆمەڵەی كورتەباڵاكانی دهۆك، لای خۆیەوە بە ماڵپەڕی فەرمیی پارتی دیموكراتی كوردستانی ڕاگەیاند: "لەگەڵ دەستبەكاربوونی سەروكایەتیی ئەنجوومەنی وەزیرانی كوردستان بە سەرۆكایەتیی جەنابی كاك مەسروور بارزانی، ژیانی خاوەن پێداویستییە تایبەتەكان گۆڕانی بە سەردا دێت، واتا ئومێد زۆرە ئاوڕی جیددیمان لێ بدرێتەوە و مافەكانی كەسانی خاوەن پێداویستیی تایبەت و كورتەباڵاكان دەستەبەر بكرێن لەگەڵ بەرزراگرتنی شكۆی كەسانی خاوەن پێداویستی تایبەت و كورتەباڵا، بۆیە بەم بۆنەیەوە داواكارین لە جەنابی كاك مەسروور راوێژكارێكی تایبەتی هەبێ بو كاروباری توێژی خاوەن پێداویستیی تایبەت و كورتەباڵاكان، بۆ ئەوەی بتوانین بە ئاسانی داواكارییەكانمان بگەیەنینە دەستیان، بەڕێزیان لە نزیكەوە ئاگای لە رەوشی كەمئەندامان بێ لە هەرێمی كوردستان و بەم هەنگاوەش كەسانی خاوەن پێداوستیی تایبەت و كورتەباڵا، نزیك دەبنەوە لەوەی هەموو كات بە ئاسانی دەنگی خۆیان بگەیەننە دەسەڵات".

وەحید سەعید دەڵێ: "بە بوونی ڕاوێژكارێك بۆ كاروباری توێژی خاوەن پێداویستییە تایبەتەكان لە سەرۆكایەتیی ئەنجوومەنی وەزیران، ئەوكات ڕێكخراو و كەسانی خاوەن پێداویستیی تایبەت، بە ئاسانی دەتوانن پێوەندییان لەگەڵ ڕێكخراوە نێودەوڵەتییەكان و خودی نەتەوە یەكگرتووەكان هەبێت، بۆیە ئێمە بە كابینەی نوێ گەشبینین".

عەزیز هەورامی




دوایین هەواڵەکان

نێچیرڤان بارزانی: بەهێزترین سه‌رچاوه‌ی سرووشتی، بیركردنه‌وه‌یه‌

THURSDAY, 19 SEPTEMBER 2019 22:09:01

دهۆك -KDP.info- ئێواره‌ی ئه‌مڕۆ پێنجشه‌ممه‌ 19/9/2019 به‌ ئاماده‌بوونی به‌ڕێز نێچیرڤان بارزانی سه‌رۆكی هه‌رێمی كوردستان، هه‌روه‌ها به‌ڕێزان محه‌مه‌د حه‌لبووسی سه‌رۆكی ئه‌نجومه‌نی نوێنه‌رانی عێراق، مه‌سروور بارزانی سه‌رۆكی حكوومه‌تی هه‌رێمی كوردستان، دكتۆر به‌شیر حه‌داد جێگری سه‌رۆكی ئه‌نجومه‌نی نوێنه‌رانی عێراق، ماتیوو تیوولەر بالیۆزی ئه‌مه‌ریكا له‌ عێراق، په‌رله‌مانتارانی كوردستان و عێراق و به‌رپرسانی سیاسی و ئیداری و نوێنه‌ر و كونسولی وڵاتانی بیانی له‌ هه‌رێمی كوردستان، ڕێوڕه‌سمی ده‌رچووانی یه‌كه‌م خولی قوتابیانی زانكۆی ئه‌مه‌ریكی كوردستان له‌ پارێزگای دهۆك به‌ڕێوه‌چوو.

 
سه‌رۆكی حكومه‌تی هه‌رێمی كوردستان له‌گه‌ڵ سه‌رۆكی ئه‌نجومه‌نی نوێنه‌رانی عێراق كۆبووه‌وه‌

THURSDAY, 19 SEPTEMBER 2019 22:09:52

دهۆك-KDP.info- مه‌سروور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌، 19ی ئه‌یلوولی 2019، له‌ په‌راوێزی ئاهه‌نگی یه‌كه‌م خولی ده‌رچووانی زانكۆی ئه‌مه‌ریكی كوردستان له‌ دهۆك، له‌گه‌ڵ محه‌مه‌د حه‌لبووسی، سه‌رۆكی ئه‌نجومه‌نی نوێنه‌رانی عێراق كۆبووه‌وه‌.

 
مەسروور بارزانی: ئێک ژ کارنامەیێن کابینا ٩ـێ گرنگیدانە ب خوێندن و پەروەردێ

THURSDAY, 19 SEPTEMBER 2019 19:09:29

دهۆک-KDP.info-سەرۆکێ حکومەتا هەرێما کوردستانێ د رێورسمێن دەرچوویێن گەرا ئێکی یا زانکۆیا ئەمریکی یا کوردستانێ ل دهۆکێ پەیڤەک پێشکێشکر.

 
ڕیوڕسمێن دەرچوویێن زانینگەها ئەمریکی ل کوردستانێ-دهۆک بڕیڤەدچن‎

THURSDAY, 19 SEPTEMBER 2019 19:09:29

دهۆک-KDP.info- ئەڤرۆ پێنچ شەمبیێ(١٩-٩-٢٠١٩)ـێ رێورسمێن گەرا ئێکی یا دەرچوویێن زانینگەها ئەمریکی ل کوردستان-دهۆک بڕێڤەدچن.

 

خەسرۆ گۆران: حەفتەی دابێ لایەنە سیاسییەکانی هەرێم کۆ دەبنەوە

THURSDAY, 19 SEPTEMBER 2019 19:09:02

هەولێر-KDP.info-  حەفتەی دابێ لایەنە سیاسییەکان کۆبوونەوەیەکی هاوبەش دەکەن. بەرپرسی دەزگای هەڵبژاردنی پارتییش دەڵێ، کۆبوونەوەکە سەبارەت بە هەڵبژاردنی ئەنجومەنی پارێزگاکانی عێراقە.

 



 
© 2018 Kurdistan Democratic Party, KDP