Kurdî  ■  كوردی  ■  عربي
WED, 21 AUG 2019 02:16 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی: بیروبۆچوونەکانمان نزیک بوون.. یەکێتی: لە ماوەیەکی کورتدا خەڵکی کوردستان دڵخۆش ده‌كه‌ین
| KDP.info


 

سلێمانی-KDP.info-  دوای کۆبوونەوەی پارتی و یەکێتی لەسەر پرسی کەرکووک و دیاریکردنی کەسێک بۆ پارێزگاری شارەکە، لە پرێسکۆنفرانسێکی رۆژنامەوانیدا رایانگەیاند، کە زۆر نزیکن لە یەکدی و وەک یەک تیم گفتوگۆکراوە، هاوکات چ لە ئاستی ناوخۆیی و عێراق و نەتەوەیەکگرتووەکانیش، هەوڵی جدیی هەن، بۆ ئاساییکردنەوەی ناوچە کوردستانییەکانی دەرەوەی ئیدارەی هەرێم.

 
دڵشاد شەهاب، لە پرێسکۆنفرانسەکەدا بۆ میدیاکان، رایگەیاند، کە بە یەک تیم چارەی گرفتەکانی کەرکووک و هەنگاوەکانی ئاساییکردنەوە و دانانی پارێزگارێک کە پشکی کوردە دەکەن، هاوکات ماوەیەکی زۆرە بۆ ئەو مەبەستە دەستیان بە گفتوگۆ کردووە، هەروەها دەمێکیشە ئەو هەنگاوانە لەسەر ئاستی ناوخۆ و عێراق و ئاژانسەکانی نێودەوڵەتی کاری لەسەر کراوە و جدیین لەسەری.
 
ناوبراو خۆشحاڵی خۆیشی دەربڕی، کە ئەمڕۆ زیاتر تێگەیشتنێکی باش هەیە لەگەڵ حکوومەتی فیدراڵ و نێوان پارتی و یەکێتی لە لایەک، لە لایەکی دیکەوە نەتەوە یەکگرتووەکانیش بە جدی لەسەر هێڵن بۆ چارەکردنی ناوچە کوردستانییەکانی دەرەوەی ئیدارەی هەرێم.
 
ئاماژەی بەوەشکرد، کە یەکێ لەو هەنگاوانەی یەکێتی و پارتی ئەوەبووە، هەر رێککەوتنێک لە نێوان پارتی و یەکێتی دەکرێ، ئەوا رێز لە پێکهاتەکانی نێو لیستی برایەتی و پێکهاتەکانی دیکەش بە عەرەب و تورکمان دەگیرێ، جەختیشی لەوە کردەوە، کە ئەمڕۆ بیروبۆچوونەکانیان لە یەکدییەوە زۆر نزیک بوون و، دەتوانن لە داهاتوودا بگەنە ئەنجام.
 
دڵشاد شەهاب، تیشکی خستە سەر ئەوەیش، لە کۆبوونەوەکەی ئەمڕۆیان لەگەڵ یەکێتی، باسی داهاتووی پارێزگای کەرکووک و پێکەوە ژیانیان کردووە و، گفتوگۆشیان لەسەر ناو هێنانی کەسێک بۆ پۆستی پارێزگاری شارەکە کردووە، کە بۆچوونی هەردوولایان وایە، ئەو ناوەی رادەگەیەنن، کاندیدی هاوبەشی یەکێتی و پارتی و لیستی برایەتی و سەرجەم پێکهاتەکانی دیکەی عەرەبیش بێ.
 
دواتر گوتەبێژی فەرمیی یەکێتی لەتیف شێخ عومەر، باسی لە تەوەرێکی دیکەی کەرکووک کرد، کە هەموویان بە پەرۆشەوە هەنگاو بۆ ئاساییکردنەوەی بارودۆخی شارەکە دەنێن، هاوکات لەمەڕ کابینەی نۆیەمیش گوتی: "ئێمە ئامادەین وەک شەریکێکی راستەقینە و بە دڵسۆزییەوە بەشداری لە کابینەی نۆیەمدا بکەین، وا دەکەین لە ماوەیەکی کورتدا خەڵکی کوردستان دڵخۆشبن بەو پەیوەندیە لە پێناو ئایندەی کوردستان".
 
خێڵان بەختیار



دوایین هەواڵەکان

خه‌سره‌و گۆران: چه‌ند تێبینییه‌كمان به‌فه‌رمی داوه‌ته‌ نه‌ته‌وه‌ یه‌كگرتووه‌كان

TUESDAY, 20 AUGUST 2019 18:08:55

هه‌ولێر-KDP.info - به‌رپرسی ده‌زگای هه‌ڵبژاردنه‌كانی پارتی دیموكراتی كوردستان باس له‌ ئاماده‌كاریی پارتی ده‌كات بۆ هه‌ڵبژاردنه‌كانی داهاتووی ئه‌نجومه‌نی پارێزگاكان و ده‌ڵێت، ئه‌وه‌ی گرنگه‌ پارتی هه‌میشه‌ ئاماده‌یه‌ بۆ هه‌ڵبژاردن و له‌گه‌ڵ ئه‌وه‌شدا تێبینی و سه‌رنجی خۆیان له‌سه‌ر بڕیاره‌كه‌ی كۆمسیۆن هه‌یه.

 

"سێ ئەندامی کۆنتڕۆڵی ئەزموونەکان بەھۆی کەموکووڕیی پرسیارەکانەوە سزا دراون"

TUESDAY, 20 AUGUST 2019 16:08:13

هەولێر‌-KDP.info- بەرپرسێکی وەزارەتی پەروەردە ئاشکرای کرد، بەھۆی ئەو کەموکووڕیانەی لە پرسیارەکانی ئەزموونی ئەمساڵی ١٢ی ئامادەیی ڕوویان داوە سێ کەس سزا دراون و دەشڵێ، لەمەودوا وەزارەت ڕێکاری پێویست دەگرێتە بەر بۆ ئەوەی، دووبارە نەبێتەوە.

 
ورده‌كاریی هۆكاری دابه‌شنه‌كردنی 450 پارچه‌زه‌وی له‌ هه‌ڵه‌بجه‌

TUESDAY, 20 AUGUST 2019 16:08:18

هه‌ڵه‌بجه- KDP.info - ژماره‌یه‌ك له‌ كه‌سوكاری شه‌هیدانی كیمیابارانی هه‌ڵه‌بجه‌ زه‌وییان پێ نه‌دراوه‌، کە 700 خانه‌واده‌ی شه‌هید ده‌بن و 450 خانه‌واده‌یان فه‌رمانی وه‌رگرتنی زه‌وییان له‌ ئه‌نجومه‌نی وه‌زیران هه‌یه. سه‌رۆكی شاره‌وانیی هه‌ڵه‌بجه‌ ده‌ڵێ، كێشەیان له‌گه‌ڵ ئه‌و كه‌سانه‌ هه‌یه‌ كه‌ زیاتر له‌ 40 ساڵه‌ زه‌وییه‌كانیان به‌ده‌سته‌وه‌یه‌، له ‌كاتی پێدانی زه‌وی به‌ چینوتوێژه‌كانی هه‌ڵه‌بجه تووشی گرفتیان ده‌كه‌ن.

 

بە ھۆی مەترسیی پەكەكەوە ژمارەیەك شوێنی گەشتیاری لە دھۆك داخراون

TUESDAY, 20 AUGUST 2019 13:08:21

دهۆك-KDP.info- لە ھەندێ ناوچەی پارێزگای دھۆك، چەكدارانی پارتی كرێكارانی كوردستان "پەكەكە" سەرانە لە خاوەن شوێنە گەشتیارییەكان وەردەگرن، بەڕێوەبەرایەتیی گشتیی گەشتوگوزاری دھۆكیش ھۆشداری داوە، بە ھیچ شێوەیەك مامەڵە لەگەڵ پەكەكە نەكرێت و سەرانەیان پێ نەدرێت.

 
ئەحمەد سابیر بۆ KDP: ھەلی كار بۆ ٦ ھەزار دەرچوو دەڕەخسێندرێت

TUESDAY, 20 AUGUST 2019 13:08:52

ھەولێر-KDP.info- وەزارەتی پەروەردە چەند بڕیارێكی نوێی دەكردووە، سەرۆكی یەكێتیی مامۆستایانی كوردستانیش پێی وایە، بڕیارەكان دروستن و ھەلی كار بۆ نزیكەی ٦ ھەزار دەرچووی زانكۆكان دەڕەخسێنێت.

 


 
© 2018 Kurdistan Democratic Party, KDP