Kurdî  ■  كوردی  ■  عربي
SAT, 25 MAY 2019 10:53 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەرۆك بارزانی پێشوازی لە پارێزگار و ئەندامانی ئەنجوومەنی پارێزگای موسەنا کرد
| KDP.info


هەولێر-KDP.info-  سەرۆك بارزانی پێشوازی لە پارێزگار و ئەندامانی ئەنجوومەنی پارێزگای موسەنا كرد و لە دیدارەكەدا شاندی میوان سوپاسی سەرۆك بارزانیان كرد بۆ دیدار و پێشوازییان و وێڕای ئاماژەدان بە پەیوەندیی مێژوویی نێوان گەلی كوردستان و بەشەكانی دیكەی عێراق، پێزانینیان هەبوو بۆ قوربانیدانی گەلی كوردستان لە خەباتی دژی دیكتاتۆریەت و شەڕی تیرۆر. پارێزگار و شاندی یاوەری هەوڵەكانی سەرۆك بارزانیان بەرزنرخاند لە رووبەڕبوونەوەی دیكتاتۆرییەت و قووڵكردنەوەی بنەماكانی دیموكراسیەت و پێكەوەژیان لە عێراقدا.

ئەمڕۆ چوار شەممە 14ـی3ـی2019 لە سەلاحەددین سەرۆك مەسعوود بارزانی پێشوازی لە پارێزگاری موسەنا ئەحمەد مەنفی و شاندی ئەندامانی ئەنجوومەنی پارێزگاكە كرد.

لە دیدارەكەدا شاندی میوان سوپاسی سەرۆك بارزانیان كرد بۆ دیدار و پێشوازییان و وێڕای ئاماژەدان بە پەیوەندیی مێژوویی نێوان گەلی كوردستان و بەشەكانی دیكەی عێراق، پێزانینیان هەبوو بۆ قوربانیدانی گەلی كوردستان لە خەباتی دژی دیكتاتۆریەت و شەڕی تیرۆر. پارێزگار و شاندی یاوەری هەوڵەكانی سەرۆك بارزانیان بەرزنرخاند لە رووبەڕبوونەوەی دیكتاتۆرییەت و قووڵكردنەوەی بنەماكانی دیموكراسیەت و پێكەوەژیان لە عێراقدا.

لەبەشێكی دیكەی دیدارەكەدا باسی بارودۆخ و گوزەرانی هاوڵاتیانی عێراق و بەتایبەتی پارێزگای موسەنا و پارێزگاكانی ناوەڕاست و باشور كرا و تەئكیدیان لە سوود وەرگرتن لە ئەزموونی هەرێمی كوردستان كردەوە كە بتوانن ئەم ئەزموونە بۆ پێشخستن و  هەروەها پەرەپێدانی كەرتی گەشتوگوزار لە پارێزگاكەیان بگوازنەوە و پەیوەندییەكانی نێوان هەرێمی كوردستان و پارێزگەكەیان پتەوتر بكەن.

لە بەشێكی تری دیدارەكەدا بارودۆخ و كێشەكانی ناو پڕۆسەی سیاسیی عێراق تاوتوێ كرا و جەخت لە پێویستی جێبەجێكردنی دەستوری عێراق وەك چارەسەر بۆ كێشەكان كرایەوە.

هەر لەو كۆبوونەوەیەدا سەرۆك بارزانی وێڕای بەخێرهێنانی شاندی میوان، پەیوەندییەكانی نێوان هەرێمی كوردستان و پارێزگاكانی عێراق و بەتایبەتی پارێزگای موسەنا بە گرنگ وەسف كرد و ئاماژەی بەوەدا، ئەگەر دوای پرۆسەی ئازادكردنی عێراق دەستور بنەمای چارەسەری كێشەكان بوایە، عێراق لە دۆخێكی باشتر دەبوو. هەروەها جەختیشی لە پەرەپێدانی پەیوەندییەكانی نێوان هەرێمی كوردستان و بەشەكانی تری عێراق كردەوە. سەرۆك بارزانی وێڕای ئاماژەدان بە كێشە سیاسییەكانی عێراق ئەوەی دووپات كردەوە كە نابێ ناكۆكیی سیاسیی ببیتە هۆی دورستبوونی رق و كینەی نێوان نەتەوەكان، بەڵكو پێویستە ئەو ئاشتی و تەباییەی نێوان پێكهاتەی گەلانی عێراقدا هەیە، بەهێزتر بكرێت.

لە كۆتایی دیدارەكەدا لەبارەی چارەنووسی رووفاتی ئەنفالكراوەكانی كوردستان سەرۆك بارزانی بەپێویستی زانی هەوڵی جیدی بۆ دۆزینەوەی  گۆڕە بە كۆمەڵەكان و هێنانەوەی رووفاتی ئەنفالكراوان بۆ نیشتمانی خۆیان بدرێ.




دوایین هەواڵەکان

نووسینگەی ڕاگەیاندنی بارەگای بارزانی ڕوونکردنەوەیەک بڵاوده‌كات

THURSDAY, 23 MAY 2019 23:05:13
ڕوونکردنەوەیەک لە نووسینگەی ڕاگەیاندنی بارەگای بارزانی
 
حه‌فته‌ى داهاتوو په‌رله‌مان ده‌نگ بۆ سه‌رۆكى هه‌رێمى كوردستان ده‌دات

THURSDAY, 23 MAY 2019 17:05:15

هه‌ولێر-KDP.info- سه‌رۆكى فراكسیۆنى زه‌رد له‌ په‌رله‌مانى كوردستان ده‌ڵێ، هه‌موو ئاماده‌كارییه‌ك بۆ هەڵبژاردنى سه‌رۆكى هه‌رێمى كوردستان كراوه‌ و ناوه‌ڕاستى حه‌فته‌ى داهاتوو دانیشتنى په‌رله‌مان بۆ ئه‌م پرۆسه‌یه‌ به‌ڕێوه‌ ده‌چێت و په‌رله‌مان ده‌نگ بۆ سه‌رۆكى هه‌رێمى كوردستان ده‌دات.

"بە نه‌بوونی پێشمه‌رگه‌ له‌ ناوچه‌ کوردستانییەکاندا داعش سه‌ری هه‌ڵداوه‌ته‌وه‌"

THURSDAY, 23 MAY 2019 16:05:22

ناوچە کوردستانییەکان -KDP.info- تیرۆریستانی داعش له‌ ناوچه‌ کوردستانییەکانی ده‌ره‌وه‌ی ئیداره‌ی هه‌رێمی كوردستان دەستیان بە جووڵه‌ی تیرۆریستی و سووتاندنی كشتوكاڵی جووتیاران و وه‌رگرتنی سه‌رانه‌ی له ‌هاووڵاتییان كردووه‌ته‌وه. شاره‌زایه‌كی گرووپه‌ ئیسلامییه‌ تونده‌ڕۆ‌كانیش ده‌ڵێ، موخابه‌راتی وڵاتان به‌ مه‌به‌ستی خۆیان داعش بەكار ده‌هێنن، نه‌بوونی پێشمه‌رگه‌ش له ‌ناوچه‌ كوردستانییه‌كان ڕێگه‌خۆشكه‌ر بووه‌ بۆ سه‌رهه‌ڵدانه‌وه‌ی داعش.

لیوا بابەکر: ئەو شوێنانە لە ناوچە کوردستانییەکان دیاری کراون کە پێشمەرگە تێیدا جێگیر دەکرێت

THURSDAY, 23 MAY 2019 16:05:14

هەولێر-KDP.info- دانوستان لە نێوان ھەردوو وەزارەتی پێشمەرگە و بەرگریی عێراقدا لەبارەی ڕەوشی ئەمنییەوە بەردەوامە و، بەرپرسێکی وەزارەتی پێشمەرگەش ئاشکرای کرد، بەردەوام زانیاریگۆڕینەوە لەسەر داعش ھەیە و شوێنیش بۆ گەڕانەوەی پێشمەرگە دیاری کراوە، بەڵام بڕیاری کۆتایی ماوە.

عەبدوڵڵا گەدۆ: بەهۆی ناکۆکییەکانەوە ناوچەی ئارام دیاری نەکراوە

THURSDAY, 23 MAY 2019 16:05:38

ڕۆژئاوای کوردستان -KDP.info- ئەمەریکا چەندین جارە دووپاتی دەکاتەوە کە دەبێ ناوچەیەکی ''ئارام'' لە سووریا دیاری بکرێت، بەڵام شێواز و چۆنیەتیی بەڕێوەبردنی ئەو ناوچەیەی دیار نەکردووە. سیاسەتمەدارێکی دیاری ڕۆژئاوای کوردستانیش دەڵێت، ئەمەریکا دەیەوێ هاوسەنگیی سیاسیی خۆی لە ڕۆژئاوا بپارێزرێت، بۆیە هەنگاوەکانی دیاریکردنی ناوچەی ئارام هەڵناگیرێن.



 
© 2018 Kurdistan Democratic Party, KDP