Kurdî  ■  كوردی  ■  عربي
SUN, 21 APR 2019 17:47 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەرەڕای قەیرانی دارایی كۆمەڵێك پرۆژەی گرنگ لە ڕواندز جێبەجێ كراون
| KDP.info


رواندز-KDP.info-  قایمقامی شارۆچكەی ڕواندز دیاری كرد، سەرەڕای قەیرانی دارایی لە ماوەی ڕابردوودا كۆمەڵێك پرۆژەی گرنگ لە سنووری ڕواندز جێبەجێ كران، بۆ جێبەجێكردنی ئەو پرۆژانەی كە بە نیوەچڵ ماونەتەوە داوای بوودجەمان كردووە، بۆ ئەوەی ئەوانیش تەواو بكەین، بەوەش زۆربەی كێشەكانی ڕواندز چارە دەبن.

كوێستان ئەحمەد، بۆ ماڵپەڕی فەرمیی پارتی دیموكراتی كوردستان گوتی: "هەموو ئەو پرۆژانەی كە تەواو نەكرابوون و لە كاتی خۆی بە نیوەچڵ ماونەتەوە بە نووسراو گەیاندوومانەتە پارێزگار و ئەنجومەنی وەزیران، دوای نەمانی قەیرانی دارایی و دابینكردنی بوودجە هەموو ئەو پرۆژانە تەواو دەكرێن و چەند پرۆژەیەكی دیكەش جێبەجێ دەكرێن، چونكە دەرخستەمان بۆ چەند پرۆژەیەكی دیكەش كردووە و بەرزمان كردوونەتەوە بۆ پارێزگار، بۆیە چاوەڕێی نەمانی قەیرانی دارایی دەكەین بۆ ئەوەی دووبارە دەست بەو پرۆژانە بکەینەوە."

قایمقامی شارۆچكەی ڕواندز دەشڵێ: "ڕواندز پێویستی بە كۆمەڵێك پرۆژەی گرنگ هەیە، لەوانە كارەبا، ڕێگەوبان، كۆنكریتی كۆڵانەكان، نەخۆشخانەی 50 قەرەوێڵەیی، هەندێك لەو پرۆژانە نیوەی کارەکەیان جێبەجێ كراوە، بەڵام لەبەر قەیرانی دارایی بەڵێندەر تەواوی نەكردوونە، بۆیە دەمانەوێت دوای دابینكردنی بوودجە ئەو پرۆژانە تەواو بكەین."

كوێستان ئەحمەد گوتیشی: "زۆر گرنگە ئەو پرۆژانە تەواو بكرێن، چونكە بە تەواوكردنی ئەو پرۆژانە زۆربەی كێشەكانی ڕواندز چارە دەبن، ئەوە نەبێت لە ماوەی ڕابردوودا دەستەوەستان وەستابین، بەڵكو گەورەترین پرۆژەی ئاو لە شارۆچكەی ڕواندز جێبەجێ كرا، هەندێك لە كۆڵانەكان كۆنكریت كران، لەگەڵ هەندێك پرۆژەی دیكە، بەڵام هەندێك پرۆژە ماون، دەبێ تەواو بكرێن".

ڕابین شێروانی

 




دوایین هەواڵەکان

"ژاپۆن دەیەوێ ئەزموونی خۆی بگوازێتەوە ھەرێمی کوردستان"

SUNDAY, 21 APRIL 2019 17:04:00

هەولێر-KDP.info-  سەرۆکی ڕێکخراوی کوردی_ژاپۆنی، ئاماژەی بۆ ئەوە کرد، بڕیارە ژمارەیەک کۆمپانیای ژاپۆنی بۆ کارکردن بێنە ھەرێمی کوردستان و دەشڵێت، ژاپۆن دەیەوێ ھەرێمی کوردستان سوود لە ئەزموونە پێشکەوتووەکەیان وەربگرێت.

 
شاندێکی پەرلەمانی کوردستان لە بەغدا لەگەڵ نوێنەری پەرلەمانی وڵاتانی دراوسێ کۆوونەوە

SUNDAY, 21 APRIL 2019 17:04:40

هەولێر-KDP.info-  سه‌رۆكی لێژنه‌ی په‌یوه‌ندییه‌كانی ده‌ره‌وه‌ و ڕه‌وه‌ندی كورد له‌ په‌رله‌مانی كوردستان ئاماژه‌ به‌وه‌ ده‌كات كه‌ شاندێكی په‌رله‌مانی كوردستان له‌ به‌غدا به‌شداریی له‌ كۆڕبه‌ندێكی گه‌وره‌ی ناوچه‌كەدا‌ كردووه‌ و له‌وێش دیداری گرنگ ئه‌نجام دراوه‌.

 
"گوندەکانی مەخموور ھانایان بۆ پێشمەرگە ھێناوە"

SUNDAY, 21 APRIL 2019 17:04:24

مەخموور-KDP.info- یادگار ئەحمەد، فەرماندەی ھێزی پێشمەرگە لە مەخموور گوتی، دانیشتووانی گوندەکانی کورد لە سنووری مەخموور بەھۆی ھەڕەشە چڕەکانی داعشەوە خەریکە گوندەکانیان چۆڵ دەکەن و حکوومەتی عێراقیش نایانپارێزێت. ئەگەر ئەرکی پاراستنیان بدرێتە پێشمەرگە یەک کەس ناتوانێ تەعدایان لێ بکات، چونکە ھانایان بۆ پێشمەرگە ھێناوە بیاپارێزێت.

 
مەسروور بارزانی ھێرشە تیرۆریستیەکەی سریلانکای سەرکۆنە کرد

SUNDAY, 21 APRIL 2019 16:04:28

هەولێر-KDP.info-  مەسروور بارزانی راوێژکاری ئەنجوومەنی ئاسایشی هەرێمی کوردستان پرسە و سەرەخۆشی گەیاندە نراجان ئاران سینگا، بالیۆزی سریلانکا لە عێراق.

د. عەبدولڕەزاق: پێشوازی لە بڕیاری قەدەغەكردنی گواستنەوەی گەنم دەكەین

SUNDAY, 21 APRIL 2019 15:04:53

هەولێر-KDP.info- حكوومەتی عێراق گواستنەوەی گەنمی لە نێوان پارێزگاكانی عێراقدا قەدەغە كرد، بەرپرسێكی حكوومەتی ھەرێمی كوردستانیش پێی وایە، بڕیارەكە گونجاوە و دەتوانرێت لەو ڕێگەیەوە ھێنانی گەنمی بیانی قەدەغە بكرێت و تێكەڵی گەنمی پارێزگاكان نەكرێت.

 


 
© 2018 Kurdistan Democratic Party, KDP