Kurdî  ■  كوردی  ■  عربي
THU, 18 JUL 2019 02:16 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هێڤیدار ئه‌حمه‌د: كه‌سوكارى شه‌هیدانى شه‌ڕى داعش سه‌رپشك كراون.. له‌ دهۆك جێبه‌جێ كراوه‌
| KDP.info


 

هەولێر-KDP.info-كه‌سوكارى شه‌هیدانى شه‌ڕى داعش قه‌ره‌بووده‌كرێنه‌وه‌، وه‌ك هێڤیدار ئەحمەد، پەرلەمانتاری فراكسیۆنی پارتی، ڕایگه‌یاند، خانه‌واده‌ى شه‌هیدان سه‌رپشك كراون كه‌ شوقه‌ یان پارچه‌ زه‌وى وه‌ربگرن.

حكوومه‌تى هه‌رێمى كوردستان و وه‌زاره‌تى شاره‌وانى، له‌ هه‌وڵى به‌رده‌وامدان بۆ قه‌ره‌بووكردنه‌وه‌ى كه‌سوكارى شه‌هیدانى شه‌ڕى داعش، بۆ ئه‌م مه‌به‌سته‌ وه‌زاره‌تى شاره‌وانى خانه‌واده‌ى شه‌هیدانى سه‌رپشك كردووه‌ كه‌ شوقه‌ یان پارچه‌ زه‌وى وه‌ربگرن.

له‌ لێدوانێكى تایبه‌تدا بۆ ماڵپه‌ڕى فه‌رمیى پارتى دیموكراتى كوردستان، هێڤیدار ئەحمەد، پەرلەمانتاری فراكسیۆنی پارتی، ڕایگه‌یاند: "وه‌زیرى شاره‌وانى حكوومه‌تى هه‌رێمى كوردستان نووسراوى بۆ هه‌موو شاره‌وانیه‌كان كردووه‌ كه‌ سه‌رپشك كراون و ده‌سه‌ڵاتیان پێ دراوه‌ هه‌ر خێزانێكى شه‌هید ئازاده‌ له‌وه‌ى شوقه‌ یان پارچه‌ زه‌وى وه‌ربگرێ، ئه‌وانه‌ى شوقه‌یان ناوێ ده‌توانن پارچه‌ زه‌وى وه‌ربگرن".

دابه‌شكردنى ئه‌م شوقه ‌و زه‌ویانه‌ له‌ دهۆك جێبه‌جێ كراوه‌ و ده‌ست به‌دابه‌شكرنى كراوه‌، وه‌ك هێڤیدار ئەحمەد ده‌ڵێ، ئه‌م نموونه‌یه‌ له‌ دهۆك سه‌رى گرت و ئه‌وانه‌ى ویستیان شوقه‌یان وه‌رگرت و ئه‌وانه‌ى ویستیان زه‌ویان وه‌رگرت ئه‌و كێشه‌ له‌وێ كۆتایى پێ هاتووه، به‌ڵام له‌ هه‌ولێر و سلێمانى ماوه‌، ئه‌وانه‌ى كه‌ركووكیش له‌به‌ر وه‌زعى كه‌ركووك جێبه‌جێ نه‌كراوه‌، بۆیه‌ حكوومه‌تى هه‌رێمى كوردستان و وه‌زاره‌تى شاره‌وانى بڕیاریانداوه قه‌ره‌بووى كه‌سوكارى شه‌هیدانى كه‌ركووك‌ له‌ چه‌مچه‌ماڵ و گه‌رمیان بكه‌نه‌وه‌‌ به‌ پارچه‌ى زه‌وى.

سه‌باره‌ت به‌ خۆبه‌خشه‌كانى شه‌ڕى داعشیش ناوبراو وتى، ئه‌وه‌ى كێشه‌یه‌ تا ئێستا خۆبه‌خشه‌كانن كه‌ له‌و شه‌ڕه‌ به‌شداریان كردووه‌ و شه‌هید بوونه‌، تاوه‌كو ئێستاش 47 حاڵه‌ت چاره‌سه‌ر نه‌بووه‌، پێوه‌ست به‌ پێشمه‌رگه‌كانى رۆژئاواش كه‌ شه‌هید بوونه‌، ده‌ڵێ ئه‌وانیش تاوه‌كو ئێستا یه‌كلا نه‌بوه‌‌ته‌وه‌.

زۆرترین شه‌هیدى شه‌ڕى داعش له‌ پارێزگاى دهۆك بووه‌ كه‌ زیاتر له‌600 شه‌هیدیان داوه‌، بۆیه‌ پارێزگاى دهۆك هه‌وڵى دا ئه‌و بابه‌ته‌ یه‌كلا بكاته‌وه ‌و ده‌ست پێشخه‌رى كرد، بۆیه‌ ئه‌و په‌رله‌مانتاره‌ هیواداره‌ له‌ هه‌ولێر و سلێمانیش ئه‌و پرسه‌ یه‌كلابكرێته‌وه‌، داواش ده‌كات له‌ شوێنه‌كانیتر ئه‌و هه‌وڵه‌ بده‌ن و هه‌مان هه‌نگاوى دهۆك بگرنه‌به‌ر چونكه‌ ئه‌مه‌ كه‌مترین نرخه‌ بۆ خانه‌واده‌ى شه‌هیدان.

حكوومه‌تى هه‌رێمى كوردستان پێشتر40ملیار دینارى ته‌رخان كردبوو بۆ قه‌ره‌بووكردنه‌وه‌ى كه‌سوكارى شه‌هیدان كه‌ دروستكردنى شوقه‌ بوو، له‌به‌ر ئه‌و قه‌یرانه‌ داراییه‌ نه‌توانرا به‌شێكى شوقه‌كان ته‌واو بكرێت.

هێڤیدار ئەحمەد، ڕوونیشى کردەوە، ئه‌وه‌ى ماوه‌ لاى خانه‌واده‌ى شه‌هیدانه‌ كه‌ خۆیان یه‌كلا بكه‌نه‌وه‌، هه‌ر خانه‌واده‌یه‌كیش ئازاده‌ شوقه‌ وه‌رده‌گرێ یان پارچه‌ زه‌وى.

هه‌ر پێوه‌ست به‌ شه‌هیدان و بریندارانى شه‌ڕى داعش هێڤیدار ئەحمەد ئاشکرای کرد، ئه‌م مانگه‌ حكوومه‌تى هه‌رێمى كوردستان له‌گه‌ڵ حكوومه‌تى به‌غدا هه‌موو هه‌ماهه‌نگیه‌ك ده‌كات بۆ ئه‌وه‌ى به‌ زووترین كات مووچه‌ى شه‌هیدان و بریندارانى شه‌ڕى داعش سه‌رف بكات كه‌ حكوومه‌تى به‌غدا مووچه‌ى ئه‌وانى له‌ ئه‌ستۆ گرتووه‌.

دەشڵێت، بڕى پاره‌كه‌ بۆ كه‌سوكارى شه‌هیدان ملیۆنێك و دووسه‌د هه‌زار دیناره‌.

 

هه‌ڵكه‌وت محه‌ممه‌د

 




دوایین هەواڵەکان

سه‌رۆكی هه‌رێمی كوردستان له‌گه‌ڵ باڵیۆزى ئه‌مه‌ریكا كۆده‌بێته‌وه‌

WEDNESDAY, 17 JULY 2019 22:07:13

هەولێر-KDP.info- له‌ كۆبوونه‌وه‌یه‌كی به‌ڕێز نێچیرڤان بارزانی سه‌رۆكی هه‌رێمی كوردستاندا له‌گه‌ڵ به‌ڕێز ماتیۆ توله‌ر باڵیۆزی ئه‌مه‌ریكا له‌ عێراق و شاندی یاوه‌ری، به‌ڕێز توله‌ر پیرۆزبایی دامه‌زراندنی كابینه‌ی نوێی حكوومه‌تی هه‌رێمی كوردستانی له‌ به‌ڕێز سه‌رۆكی هه‌رێم كرد.

ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

WEDNESDAY, 17 JULY 2019 18:07:30

هەولێر-KDP.info-  به‌ توندی ئه‌و تاوانکارییه‌ ترسنۆکه‌ سه‌رکۆنه‌ ده‌که‌ین که‌ نیوه‌ڕۆی ئه‌مڕۆ له‌ هه‌ولێر کارمه‌ندێکی کونسولخانه‌ی تورکیا و هاووڵاتییه‌کی هه‌رێمی کوردستانی کردۆته‌ ئامانج و له‌ ئه‌نجامدا هه‌ردووکیان گیانیان له‌ده‌ست داوه و هاووڵاتییه‌کی دیکه‌ش بریندار بووه‌.

راگەیەندراوێک لە حکوومەتى هەرێمى کوردستانەوە

WEDNESDAY, 17 JULY 2019 18:07:48

هەولێر-KDP.info-  حكوومه‌تی هه‌رێمی كوردستان له‌ راگه‌یه‌ندراوێكدا ئیدانه‌ی رووداوی ته‌قه‌كردنه‌كه‌ی هه‌ولێری كرد، كه‌ له‌ ئه‌نجامیدا كارمه‌ندێكی كونسوڵخانه‌ی توركیا گیانی له‌ده‌ستدا و رایگه‌یاند، هەموو لایەک دڵنیا دەکەینەوە کە لایەنە پەیوەندارەکانى هەرێمى کوردستان خەریکى لێکۆڵینە و بەدواداچوونى جددین بۆ دۆزینەوەى ئەنجامدەران و بەسزاگەیاندنى یاسایییان.

په‌یامێك له‌سه‌رۆكایه‌تی په‌رله‌مانی كوردستانه‌وه‌

WEDNESDAY, 17 JULY 2019 18:07:00

هەولێر-KDP.info-  بە توندی ئیدانەی کوژرانی دیبلۆماتکارێكی تورکیا دەکەین، کە لە ئەنجامی رووداوێکی تەقەکردن لە ریستوڕانتێکی هەولێر کوژران، به‌م بۆنه‌یه‌وه‌ پرسه‌و سه‌ره‌خۆشی خۆمان ئاڕاسته‌ی كونسولخانه‌ی توركیا و حكوومه‌تی توركیا ده‌كه‌ین و داواکارین لە دامەزراوە ئەمنییەکان بە پەلە تاوانکاران دەستگیربکەن و بە سزای یاساییان بگەێنن.

ئاسایشی هه‌ولێر راگه‌یه‌ندراوێكی بڵاوكرده‌وه‌

WEDNESDAY, 17 JULY 2019 16:07:39

هه‌ولێر-KDP.info-  ئاسایشی هه‌ولێر له‌ باره‌ی رووداوی ته‌قه‌كردن له‌ چێشتخانه‌یه‌كی هه‌ولێر راگه‌یه‌ندراوێكی بڵاوكرده‌وه‌.

 



 
© 2018 Kurdistan Democratic Party, KDP