هەولێر-KDP.info- ههرێمی كوردستان دووباره دهبێته جێگای بایهخی شاندی وڵاتان و چاهودێرانیش پێیان وایه كه كوردستان دهتوانێت سهركهوێت بهسهر ئهو كۆسپ و تهگهرانهی له رابردوو رووبهرووی بوهتهوه و بایهخی كۆمهڵگای نێودهوڵهتیش زیاتر پێگەی هەرێمی کوردستان بەهێز دەکات.
لهماوهی مانگێكدا ههرسێ وهزیری دهرهوهی ئهمهریكا و ئێران و فهرهنسا و وهزیری وزهی ئهمهریكاش سهردانی كوردستانیان كردووه و له نزیكهوه چاویان به سهرۆك بارزانی كهوتووه، جیالهوهی لهگهڵ تیمی حكوومهت و دامهزراوه حكوومییهكان دیداریان كردووه، بایهخی كۆمهڵگای نێودهوڵهتی به ههرێمی كوردستان تادێت فراوانتر دهبێت، نێچیرڤان بارزانی، سهرۆكوهزیرانی كوردستان له گوتارێكدا له ئهنجامی پێشوازی له وهزیری دهرهوهی ئێران گوتی: ههرێمی كوردستان له چوار ساڵی رابردوو تووشی قهیرانێكی گهوره بوو تائاستێك وهك ئهوهبێت لهناو تونێلێكی تاریك بین، بهڵام ئێستا خهریكه له كۆتایی تونێلهكهین و رووناكیمان لێ دیاره.
(د.پهروێز رهحیم قادری)، مامۆستای زانكۆ و چاودێری سیاسی بۆ ماڵپهری فهرمی پارتی دیموكراتی كوردستان رایگەیاند، سروشتی سیاسی كوردستان وایه كه ئهگهر بههێزبێت كاریگهری ئیجابی دهبێت لهسهر گۆرانكاری ناوچهكه و هاوسهنگی هێز رادهگرێت، بۆنمونه ئهمهریكا دیاره مهبهستی ههیه لهگهمارۆكانی سهر ئێران و ئێرانیش مهبهستی ههیه له تێكشاندنی گهمارۆكانی و سزاكانی سهر خۆی ئهمه وای كردووه كوردستان له ناوچهكه خاڵی بههێز بێت.
ئهوهشی خسته ڕوو. ئهگهر پشێوی له كوردستان ههبێت ناسهقامگیری له عێراقیش دهبێت، جیاله مهسهلهی تیرۆر كه كوردستان سهرمهشقی لهناوبردنی تیرۆره بۆیه توركیا و عێراق و ئهمهریکا و ئێران ئهم راستییه باش دهزانن جگه لهوهی كاراكتهرهی حكوومهتی ههرێمی كوردستان میانرهون كوردستان هیچ گرفتێكی لهناوچهكه نییه جهمسهر بهندی سیاسی ناكات.
هاوكات ههندرێن ئهحمهد، ئهندامی مهكتهبی سیاسی حزبی شیووعی كوردستان بۆ ماڵپهری فهرمی پارتی دیموكراتی كوردستان گوتی: لهدوای ریفراندۆم و 16ی ئۆكۆتبهر هاتنی شاندی وڵاتان بۆ ههرێمی كوردستان گرنگی پێگهی ههرێمی كوردستان دهردهخات له موعادهلانهی له داهاتوودا رێچكه دهگرێت یان ئهو سیاسهته نێودهوڵهتییه له ناوچهكه گوزهردهكات، ئهوهش له پێناوی بهرژهوهندی گشتی و كرانهوهیه بهرووی كوردستان.
گوتیشی: یهكریزی كوردستان كارتی بههێزمانه كه سوود لهوكرانهوەیه وهربگرین، ههرێمی كوردستان ئهگهر یهكریزی ناوخۆی ههبوو دهتوانێ مامهڵه لهگهڵ ئهو كهیسه نێودهوڵهتیانه بکات و گرنگی دانی كۆمهڵگای نێودهوڵهتیش بە قازانجی هەرێمی کوردستان تەواو دەبێ.
كارزان سهباح ههورامی