Kurdî  ■  كوردی  ■  عربي
TUE, 19 MAR 2019 13:48 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مەسروور بارزانی خواستی یاداشتنامەیەکی دیکەی دوای قۆناغی داعشی لەگەڵ ئەمەریکا خستە ڕوو
| KDP.info


هەولێر-KDP.info-  لە دیداریدا لەگەڵ وەزیری دەرەوەی ئەمەریکا، مەسروور بارزانی لە ئاماژەیەکدا بۆ یادداشتی لێک تێگەیشتنی پێشووتری نێوان هەرێمی کوردستان و ئەمەریکا لە شەڕی دژ بە داعشدا، خواستی هەرێمی کوردستانی بۆ یادداشتنامەیەکی دیکەی تایبەت بە قۆناغی دوای داعش لە نێوان هەردوولا لە ئاراستەی رێککەوتنی ستراتیژی نێوان ئەمەریکا و عێراق خستەروو، کە بواری هاوکاریی تەکنیکی و چاکسازیی ئابووری و ئاسایش لەخۆ بگرێت.

ئەمڕۆ چوارشەممە ٩/١/٢٠١٩ مەسروور بارزانی راوێژکاری ئەنجوومەنی ئاسایشی هەرێمی کوردستان پێشوازی لە مایك پۆمپیۆ وەزیری دەرەوەی ئەمەریکا و شاندی یاوەری کرد.
لەم کۆبوونەوەیەدا دوا پەرەسەندنەکانی ناوچەکە و پەرەپێدانی پەیوەندییە دووقۆڵییەکان و پرۆسەی سیاسی لە عێراق و هەروەها پێشخستنی زیاتری میکانیزمی هەماهەنگی دوولایەنە لە پێناو رێگری لە سەرهەڵدانەوەی هەڕەشەی تیرۆریزم گفتوگۆی لە سەر کرا.

لە دیدارەکەدا، مەسروور بارزانی هەماهەنگیی و هاوکارییەکانی هەرێمی کوردستان و ئەمەریکای لە جەنگی دژ بە تیرۆر بە ئەزموونێکی سەرکەوتوو و کاریگەر پێناسە کرد و لە ئاماژەیەکدا بۆ یادداشتی لێک تێگەیشتنی پێشووتری نێوان هەرێمی کوردستان و ئەمەریکا لە شەری دژ بە داعشدا، مەسروور بارزانی خواستی هەرێمی کوردستانی بۆ یادداشتنامەیەکی دیکەی تایبەت بە قۆناغی دوای داعش لە نێوان هەردوولا لە ئاراستەی رێککەوتنی ستراتیژی نێوان ئەمەریکا و عێراق خستەروو، کە بواری هاوکاریی تەکنیکی و چاکسازیی ئابووری و ئاسایش لەخۆ بگرێت . هەروەها تیشکی خستە سەر قۆناغی نوێی پەیوەندی نێوان هەولێر و بەغدا و دووپاتی کردەوە کە دەستوور تاکە بنەمای چارەسەریی ریشەیی کێشەکانە. لە بارەی رەوشی رۆژئاوای کوردستانەوە، مەسروور بارزانی نیگەرانیی خۆی دەربڕی و ئاواتی خواست، کە بە چارەسەرییەکی ئاشتیانە، هەموو مەترسی و ئەگەرەکانی شەڕ و وێرانکاری بڕەوێنرێنەوە.

لە بەرامبەردا، وەزیری دەرەوەی ئەمەریکا جەختی لە فراوانکردن و پتەوترکردنی پەیوەندییەکانیان لەگەل هەرێمی کوردستان و عێراق کردەوە و پابەندبوونی وڵاتەکەشی بە پاراستنی ئاسایشی ناوچەکە دووپات کردەوە. پۆمپیۆ رۆڵی هەرێمی کوردستانی لە جەنگی دژ بە تیرۆریستان بە کاریگەر پیناسە کرد و نیازی وڵاتەکەی بۆ هەماهەنگیی دوولایەنە لە پیناو رێگری لە سەرهەڵدانەوەی هەرەشەی تیرۆریزم لە دەڤەرەکەدا دووپات کردەوە. وەزیری دەرەوەی ئەمەریکا خۆشحاڵیی خۆی بە پێشڤەچوونەکانی پەیوەندییەکانی نێوان هەوڵیر و بەغدا دەربڕی و ئاواتی خواست هەرچی زووتر زەمینەیەکی لەبار بۆ قۆناغی ئاوەدانکردنەوە و پێشڤەچوونێکی سەرانسەری برەخسێت.
وەزیری دەرەوەی ئەمەریکا ھیوای سەرکەوتنی بۆ مەسروور بارزانی لە سەرۆکایەتی کردنی کابینەی داهاتووی حکوومەتی هەرێمی کوردستان خواست و ئامادەیی وڵاتەکەی بۆ پەرەپێدانی پەیوەندیەکان و هاوکاری و پاڵپشتیی زیاتری هەرێم دەربڕی.




دوایین هەواڵەکان

لایەكی شەقامی 100 مەتریی هەولێر نۆژەن كرایەوە

TUESDAY, 19 MARCH 2019 11:03:16

ھەولێر-KDP.info- بە گوژمەی ٥٥٢ ملیۆن دینار و لەسەر ئەركی شارەوانیی ھەولێر، قیرتاوكردنی شەقامی ١٠٠ مەتریی شاری ھەولێر دەستی پێكرد، نۆژەنكردنەوەی شەقامەكەش بە سێ قۆناغ دەبێت و قۆناغی یەكەم لە شەقامی سەرەكیی شەقڵاوە تاوەكو شەقامی سەرەكیی كۆیە دەبێت.

 
چاوی بازرگانانی جیھان لەسەر ھەرێمی كوردستانە

TUESDAY, 19 MARCH 2019 11:03:00

ھەولێر-KDP.info- بەرپرسی راگەیاندنی ژووری بازرگانی گوتی، ئێستا دۆخی بازرگانی لە كوردستان گەیشتووەتە ئاستێكی زۆر بەرز و تەنیا لە ماوەی چوار مانگی ڕابردوودا ١٣ شاندی بیانی سەردانی ھەرێمی كوردستانیان كردووە و چەندین شاندی دیكەی بازرگانییش بەنیازن بێنە ھەرێمی كوردستان.

 
هەولێر ھەموو ئامادەكاریەكی كردووە بۆ جه‌ژنی نه‌ورۆز

TUESDAY, 19 MARCH 2019 10:03:27

ھەولێر-KDP.info- بەرپرسی راگەیاندنی پارێزگای ھەولێر دەڵێ، بڕیارە سبەی لە ھەولێر لە دوو شوێن ئاگری نەورۆز بكرێتەوە و بەرپرسانی حیزبی و حكوومی و نوێنەرانی وڵاتانیش، بۆ مەراسیمی ئاگركردنەوەكە بانگھێشت كراون.

 
ماڵپه‌ڕی KDP ئەو لیژنانەی سەرۆكایەتییەكەیان بەر پارتی دەكەوێت ئاشكرا دەكات

TUESDAY, 19 MARCH 2019 10:03:42

هەولێر-KDP.info- گوتەبێژی فراكسیۆنی پارتی لە پەرلەمانی كوردستان، ناوی ئەو لیژنانەی سەرۆكایەتییەكەیان بەر فراكسیۆنی پارتی دەكەوێت، بۆ ماڵپەری فەرمیی پارتی دیموكراتی كوردستان ئاشكرا دەكات و ڕایدەگەیەنێت، ئەمڕۆ دەستەی سەرۆكایەتیی سەرجەم لیژنەكان یەكلا دەكرێنەوە و رێككەوتنیشیان لەبارەوە كراوە.

 
شوانی بۆ KDP: هەرێم و بەغدا لەسەر بابەتی نەوت و دارایی كۆ ده‌بنەوە

TUESDAY, 19 MARCH 2019 10:03:24

هەولێر-KDP.info- سكرتێری ئەنجوومەنی باڵای ئابووری لە ئەنجوومەنی وەزیرانی هەرێم دەڵێ، ئابووریی هەرێم بەرەو باشتر دەچێ و تۆكمەتر دەبێت، بەم زووانەش شاندی هەرێم و بەغدا لەسەر بابەتی نەوت و دارایی كۆ دەبنەوە و گفتوگۆ لەگەڵ وەزارەتی نەوتی عێراق دەكرێت بۆ گەیشتن بە ڕێككەوتنێكی تازە.

 


 
© 2018 Kurdistan Democratic Party, KDP