Kurdî  ■  كوردی  ■  عربي
WED, 24 JUL 2019 10:33 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دروشمەكەی پارتی
| KDP.info


ئاریان فەرەج

رۆژ بە رۆژ مەغزا و مەبەستە گەورەكانی دروشمە ئینتیخابییەكەی پارتی روونتر دەبێتەوە و ماناكانی بەرجەستە دەبن.
(كوردستانێكی بەهێز) تەنیا دروشمێكی سەرنجڕاكێش و دڵخوازی خەڵك و تەنیاش تەعبیر نەبوو لەو خەون و هیوایەی كە هەمیشە پارتی بۆ كوردستانی دەخوازێ، بەڵكو كورتكردنەوەی بەرنامەیەكی گشتگیر و هەمەلایەن و پلانێكی ستراتیجی بوو لە دەستەواژەیەكی چەند ووشەییدا بۆ چۆنێتی بەهێزكردنەوەی كوردستان بە كردەوە و بە بەرنامەیەكی بەرچاو روون.
دەركەوت كوردستانێكی بەهێز حزبێكی سەركەوتووی یەكگرتووی بەرپرسیار و متمانەدار و پشتیوانلێكراوی لە لایەن خەڵكەوە پێویستە، حزبێك خەڵكی كوردستان ئومێدی لەسەر هەڵچنن و لایەنی بەرامبەریش وەك نوێنەر و دەمڕاستی میللەتی كورد لێی بڕوانێ و كێشە راستەقینەكانی نێوان هەولێر و بەغدای لەگەڵ یەكلابكاتەوە. بۆیە پارتی لە دوا هەڵبژاردنەكاندا بە هەموو توانای خۆی و جەماوەرەكەی هیممەتی كرد و بایی ئەوەندەی دەنگ و متمانەی میللی كۆكردەوە كە بۆ بەئەستۆوەگرتنی ئەو ئەركە مێژووییە نیشتمانییە پێویستی بوو. زۆرینەی خەڵكی كوردستانیش لە وهاوكێشەیە باش تێگەیشتن كە كوردستانێكی بەهێز پارتییەكی بەهێزی دەوێ و بۆیە بە باوەڕ و بەرچاو روونی و بە سەخاوەتەوە دەنگیان پێدا.
كوردستانێكی بەهێز واتا میللەتێكی سەربەرز و خۆنەچەمێن و بەڵام لە هەمان كاتیشدا خۆشگوزەران و ئاسوودە و دوور لە قەیران، لە دەرگادانی بەغدا بۆ كۆتاییهێنان بە رەوشی نالەباری گوزەرانی میللەتەكەمان و راستكردنەوەی وێنەی ئاشتیخوازانە و حەقانییەتی ماف و داواكارییەكانی كورد كە زۆر هەوڵدرابوو لە شەقامی عەرەبیی عێراقدا بیشێوێنن، بەڵام بەسەر فەرشی سوور و بە ئاستێك لە پێشوازی كە شایستەی سەرۆك و گەلی ئێمە بێت، هەنگاوێكی دیكە بوو بەرەو كوردستانێكی بەهێز.
كاراكردنەوەی دامەزراوە سیادییەكان و بە تایبەت سەرۆكایەتی هەرێم و هەڵبژاردنی سەرۆكێكی نوێی شایستە، كامڵكردنەوەی هەیكەلی دەسەڵات و فەرمانڕەوایی هەرێمی كوردستانە و دەبوا پارتی ئەو فەراغە جدییە پڕبكاتەوە و ئەوەش هەنگاوێكی دیكەیە بە ئاڕاستەی كوردستانێكی بەهێز.
كاری جدی بۆ پێكهێنانی حكومەتێكی نوێ كە ئەمجارە هەم لە رووی پێكهاتەوە جیا بێت لە هەردوو شێوازی ناسەركەوتووی (فیفتی فیفتی و بنكەفراوان) و نەشبێتە جێی تەراتێنی ئەوانەی پێیەكیان لە حكومەت و ئەوی دیكەیان لە موعارەزەدا بوو، هەم لە رووی گۆڕانكاریی و هاتنی كارەكتەری نوێ، حكومەتێك بتوانێ هەم دەستی ئاوەدانی و هەم دەستی یاسا بە هەموو كوردستان بگەیەنێت، ئەویش هەنگاوێكی دیكەی كاریگەر و گرنگە بە ئاڕاستەی بونیادنانی كوردستانێكی بەهێز.
پارتی وا هەنگاو بە هەنگاو دروشمەكەی دەكاتە كار و كردەوە و بڕیار، تا ئێستاش بەوپەڕی ئاسانی و بێگرێ و گۆل گۆرانكاری و هەنگاوەكانی ناوە و لە داهاتوودا بەرهەمی ئەم هەنگاوانە و ئەوانی بەدواشیدا دێن، دەبینرێن و بەخێر و خزمەت و قازانجی گەلی كوردستان تەواو دەبن.


 




دوایین هەواڵەکان

سه‌رۆكی هه‌رێمی كوردستان پیرۆزبایی له‌ بۆریس جۆنسۆن ده‌كات

TUESDAY, 23 JULY 2019 20:07:14

هەولێر-KDP.info-  به‌ڕێز نێچیرڤان بارزانی سه‌رۆكی هه‌رێمی كوردستان له‌ نامه‌یه‌كدا پیرۆزبایی له‌ به‌ڕێز بۆریس جۆنسۆن ده‌كات به‌بۆنه‌ی هه‌ڵبژاردنییه‌وه‌ به‌ سه‌رۆكی پارتی پارێزگارانی به‌ریتانیا و هیوای سه‌ركه‌وتنی بۆ ده‌خوازێت له‌ كار و ئه‌ركی نوێیدا، ئه‌مه‌ ده‌قی نامه‌كه‌یه‌:

حكوومه‌تی هه‌رێم دامه‌زراوه‌ی نیشتمانیی خۆراك و ده‌رمان داده‌مه‌زرێنێت

TUESDAY, 23 JULY 2019 20:07:30

هەولێر -KDP.info- سه‌رۆكی لیژنه‌ی ده‌رمانی په‌رله‌مانی كوردستان ڕایگەیاند، لە ماوەیەکی نزیکدا دامه‌زراوه‌ی نیشتمانیی خۆراك و ده‌رمان له‌ كوردستان داده‌مه‌زرێت و هیچ كۆمپانیایه‌ك بۆی نابێت ده‌رمان بێنێته‌ هه‌رێمی كوردستان و نرخی ده‌رمانیش له‌ سه‌رتاسه‌ری هه‌رێمی كوردستان ڕێك ده‌خرێت.

 

"پەکەکە سەرانە لە شوێنە گەشتیارییەکانی زاخۆ وەردەگرێت"

TUESDAY, 23 JULY 2019 18:07:05

زاخۆ-KDP.info- چەکدارانی پەکەکە سەرانە لە شوێنە گەشتیارییەکانی سنووری قەزای زاخۆ وەردەگرن و بەڕێوەبەری گەشتوگوزاری قەزاکەش دەڵێ، پەکەکە زیانی گەورەی بە کەرتی گەشتیاری گەیاندووە و چەندین شوێنی گەشتیاری بەھۆی ھەبوونی پەکەکەوە ئاوەدانییان بۆ نەچووە.

 

وەزیری ناوخۆ پێشوازیی لە كونسووڵی گشتیی توركیا کرد

TUESDAY, 23 JULY 2019 17:07:10

هەولێر-KDP.info- ئەمڕۆ، سێشەممە ٢٣/٧/٢٠١٩، ڕێبەر ئەحمەد، وەزیری ناوخۆی حكوومەتی هەرێمی كوردستان لە دیوانی وەزارەت پێشوازیی لە هاكان كاراچای، كونسووڵی گشتیی توركیا لە هەرێمی كوردستان و شاندێكی یاوەری كرد.

 

"بە مەرجی پارتی ئەوانەی ناویان لە لیژنەی ماددەی ١٤٠دا نەبێت ناتوانن بەشداریی ھەڵبژاردن بکەن"

TUESDAY, 23 JULY 2019 17:07:10

بەغدا-KDP.info-  دوێنێ پەرلەمانی عێراق بڕیاری دا ساڵی داھاتوو ھەڵبژاردنی ئەنجومەنی پارێزگاکانی عێراق بەڕێوە بچێت و سەرۆکی فراکسیۆنی پارتییش پێی وایە، ڕەوشی کەرکووک گونجاو نییە بۆ ھەڵبژاردن و دەشڵێ، پارتی بڕگەیەکی لە بەرژەوەندیی کەرکووک لە نێو یاساکەدا جێگیر کردووە.

 



 
© 2018 Kurdistan Democratic Party, KDP