Kurdî  ■  كوردی  ■  عربي
TUE, 19 MAR 2019 13:49 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

جه‌دعان عه‌لی: په‌یه‌ده‌ نه‌وت و فه‌رمانگه‌ حكوومییه‌كانیش ڕاده‌ستی ڕژێمی سووریا ده‌كات
| KDP.info


 

ڕۆژئاوای كوردستان-KDP.info-  به‌رپرسی نووسینگه‌ی ئه‌نه‌كه‌سه‌ له ‌هه‌رێمی كوردستان گوتی، له ‌پێناو ئه‌وه‌ی هێزه‌كانی په‌یه‌ده‌ ببنه‌ به‌شێك له‌ سوپای ڕژێمی سووریا، په‌یه‌ده‌ نه‌وت و فه‌رمانگه‌ حکوومییه‌كانیش ڕاده‌ستی ڕژێمی سووریا ده‌كات، چونكه‌ ده‌زانن هیچ وڵاتێك ددان به ‌ئه‌واندا نانێت.

 

په‌یه‌ده‌ و ڕژێمی سووریا ڕێككه‌وتنێكیان کردووە‌ بۆ ئه‌وه‌ی ده‌ستبه‌رداری سیسته‌می فیدراڵی و خۆبه‌ڕێوه‌بردن ببن و ڕۆژئاوای كوردستانیش جارێكی دیكه‌ ڕاده‌ستی ڕژێمی سووریا بكه‌نه‌وه‌ و هه‌ڵبژاردنی ناوخۆیش له‌ ڕۆژئاوا ئه‌نجام بدرێت و له ‌یه‌كه‌م هه‌نگاویش وێنه‌ی شه‌هیدان و دروشمه‌كانی تایبه‌ت به‌ خۆیان هه‌ڵگرت له‌ قامیشلۆ وعاموودا و ناوچه‌كانی دیكه‌ی ڕۆژئاوای كوردستان.

جه‌دعان عه‌لی، به‌رپرسی نووسینگه‌ی ئه‌نه‌كه‌سه‌ له ‌هه‌رێمی كوردستان، به ‌ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "دوای ئه‌وه‌ی له ‌ماوه‌ی ڕابردوودا له ‌چوارچێوه‌ی ئه‌و ڕێككه‌وتنه‌ی له‌ نێوان په‌یه‌د و ڕژێمی سووریا كراوه‌ و له ‌یه‌كه‌م هه‌نگاودا سه‌رجه‌م وێنه‌ی شه‌هیدان و دروشمه‌كانی خۆیان له‌ ڕۆژئاوای كوردستان هه‌ڵگرتن، ئێستا باس له‌وه‌ ده‌كرێت په‌یه‌ده‌ به‌نیازه‌  نه‌وت و فه‌رمانگه‌ حكوومیه‌كانی ڕۆژئاوای كوردستان ڕاده‌ستی ڕژێمی سووریا بكات و هێزێكی هه‌واڵگریی سووریاش هاتووه‌ بۆ ڕۆژئاوای كوردستان و چاودێریی پرۆسه‌كه‌ ده‌كه‌ن."

جه‌دعان عه‌لی گوتیشی: "ئه‌وكاره‌ی په‌یه‌ده‌ بۆ ئه‌وه‌یه‌ كه‌ هێزه‌كانی ئه‌وان وه‌كو یه‌په‌گه‌ و هێزه‌كانی دیكه‌ ببنه‌ به‌شێك له‌ هێزه‌كانی سوپای ڕژێمی سووریا، بۆیه‌ ده‌ستبه‌رداری هه‌موو ڕۆژئاوای كوردستان ده‌بن و ببنه‌ به‌شێك له ڕژێم، چونكه‌ تاوه‌كو ئێستا هیچ وڵاتێك ددانی به ‌په‌یه‌ده‌دا نه‌ناوه‌ و به‌ به‌شێك له‌ په‌كه‌كه‌ ده‌زانرێت، به‌ڵام ئێمه‌ وه‌كو ئه‌نه‌كه‌سه‌ به ‌هیچ شێوه‌یه‌ك ده‌ستبه‌رداری مافی كورد له‌ سووریا نابین."

عه‌لی ئه‌وه‌یشی گوت: "ئێمه‌ وه‌كو ئه‌نه‌كه‌سه‌ له‌سه‌ر ئاستی نێوده‌وڵه‌تی له‌ دانوستانداین بۆ ئه‌وه‌ی له ‌ده‌ستووری نوێی سووریا مافی كورد دیاری بكرێت، چونكه‌ ئێمه‌ ده‌مانه‌وێت به ‌پێی ده‌ستوور مافی كورد دابین بكرێت، بۆیه‌ به ‌هه‌موو شێوه‌یه‌ك به‌رده‌وام ده‌بین و بۆ ئه‌و مه‌به‌سته‌ش له‌ گفتوگۆی به‌رده‌وامداین له‌گه‌ڵ وڵاتان."

بڵند ئیبراهیم


 




دوایین هەواڵەکان

لایەكی شەقامی 100 مەتریی هەولێر نۆژەن كرایەوە

TUESDAY, 19 MARCH 2019 11:03:16

ھەولێر-KDP.info- بە گوژمەی ٥٥٢ ملیۆن دینار و لەسەر ئەركی شارەوانیی ھەولێر، قیرتاوكردنی شەقامی ١٠٠ مەتریی شاری ھەولێر دەستی پێكرد، نۆژەنكردنەوەی شەقامەكەش بە سێ قۆناغ دەبێت و قۆناغی یەكەم لە شەقامی سەرەكیی شەقڵاوە تاوەكو شەقامی سەرەكیی كۆیە دەبێت.

 
چاوی بازرگانانی جیھان لەسەر ھەرێمی كوردستانە

TUESDAY, 19 MARCH 2019 11:03:00

ھەولێر-KDP.info- بەرپرسی راگەیاندنی ژووری بازرگانی گوتی، ئێستا دۆخی بازرگانی لە كوردستان گەیشتووەتە ئاستێكی زۆر بەرز و تەنیا لە ماوەی چوار مانگی ڕابردوودا ١٣ شاندی بیانی سەردانی ھەرێمی كوردستانیان كردووە و چەندین شاندی دیكەی بازرگانییش بەنیازن بێنە ھەرێمی كوردستان.

 
هەولێر ھەموو ئامادەكاریەكی كردووە بۆ جه‌ژنی نه‌ورۆز

TUESDAY, 19 MARCH 2019 10:03:27

ھەولێر-KDP.info- بەرپرسی راگەیاندنی پارێزگای ھەولێر دەڵێ، بڕیارە سبەی لە ھەولێر لە دوو شوێن ئاگری نەورۆز بكرێتەوە و بەرپرسانی حیزبی و حكوومی و نوێنەرانی وڵاتانیش، بۆ مەراسیمی ئاگركردنەوەكە بانگھێشت كراون.

 
ماڵپه‌ڕی KDP ئەو لیژنانەی سەرۆكایەتییەكەیان بەر پارتی دەكەوێت ئاشكرا دەكات

TUESDAY, 19 MARCH 2019 10:03:42

هەولێر-KDP.info- گوتەبێژی فراكسیۆنی پارتی لە پەرلەمانی كوردستان، ناوی ئەو لیژنانەی سەرۆكایەتییەكەیان بەر فراكسیۆنی پارتی دەكەوێت، بۆ ماڵپەری فەرمیی پارتی دیموكراتی كوردستان ئاشكرا دەكات و ڕایدەگەیەنێت، ئەمڕۆ دەستەی سەرۆكایەتیی سەرجەم لیژنەكان یەكلا دەكرێنەوە و رێككەوتنیشیان لەبارەوە كراوە.

 
شوانی بۆ KDP: هەرێم و بەغدا لەسەر بابەتی نەوت و دارایی كۆ ده‌بنەوە

TUESDAY, 19 MARCH 2019 10:03:24

هەولێر-KDP.info- سكرتێری ئەنجوومەنی باڵای ئابووری لە ئەنجوومەنی وەزیرانی هەرێم دەڵێ، ئابووریی هەرێم بەرەو باشتر دەچێ و تۆكمەتر دەبێت، بەم زووانەش شاندی هەرێم و بەغدا لەسەر بابەتی نەوت و دارایی كۆ دەبنەوە و گفتوگۆ لەگەڵ وەزارەتی نەوتی عێراق دەكرێت بۆ گەیشتن بە ڕێككەوتنێكی تازە.

 


 
© 2018 Kurdistan Democratic Party, KDP