Kurdî  ■  كوردی  ■  عربي
THU, 18 JUL 2019 02:11 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ھێمن ھەورامی: هەمیشە دەگەڕێینەوە بەردەم جەماوەر
| KDP.info


هەولێر-KDP.info- هێمن هەورامی لە دیداریدا لەگەڵ کونسووڵی گشتیی بەریتانیا لە هەولێر لەبارەی هەڵبژاردنی پەرلەمانی کوردستانەوە ڕایگەیاند، پارتی هەڵقوڵاوی جەماوەرە، بۆیە هەمیشە دەگەڕێینەوە بۆ جەماوەر.

ئەمڕۆ، ١٣ی ٦ی ٢٠١٨، لە مەکتەبی سەرۆک، ھێمن ھەورامی، بەرپرسی کاروباری سیاسی و پەیوەندییە گشتییەکانی مەکتەبی سەرۆک، پێشوازیی لە مارتن زار، کونسووڵی گشتیی بەریتانیا لە ھەولێر کرد.

ھێمن ھەورامی سەرەتا تیشکی خستە سەر ئەو بابەتانەی کە عێراقی ئێستایان پێدا تێپەڕ دەبێت و سیاسەتی پارتی دیموکراتی کوردستان لە ھەمبەر ئەم ڕەوشەدا. ھەورامی پێی وایە، ڕەوشی عێراق پێویستی بە سازانی حەقیقیی سیاسییە، چونکە کاتێک باسی دیموکراسی دێتە سەر فەزای سیاسی و پێکھاتەیی عێراق، ئەوا دەبێت جیاواز لە ھەر وڵاتێکی دیکە موعالەجە بکرێت و ڕەچاوی پێکھاتەی ئایینی و ئیتنی و جوگرافیایی بکرێت. بۆیە لە سەرەتادا فیدراڵی بژاردەی عێراقی نوێ بوو، چونکە زۆرینەی دەستەڵات بە مانای دووبارەکردنەوەی عێراقی پێش ٢٠٠٣یە. گوتیشی: ئێمە سیاسەت و ئەجێندامان ڕوونە و ھەموو کابینە یەک لەدوای یەکەکانی عێراق لەو بارەیەوە ئاشنان، ئەجێندای ئێمەش، ئەجێندای نەتەوەیەکە و دەشێ بە جیددی ڕەچاو بکرێت، چونکە سیاسەتی کورد لە حکوومەتی عێراقدا بە مانای جێبەجێکردنی دەستووری عێراق بووە. خۆلادان لەم دەستوورە عێراقی بەم ڕەوشە گەیاندووە. بەرپرسی کاروباری سیاسی و پەیوەندییە گشتییەکانی مەکتەبی سەرۆک گوتی، ئێمە تەرەفی ساقامگیری و حکوومەتێک دەبین، کە دەستوور بەرنامەی کاری بێت، نەک مەزھەبگەری و تەبەننیکەری سیاسەتی وڵاتانی دیکە بێت.

بەشێکی دیکەی قسەکانی ھەورامی، پرسی ھەڵبژاردنەکانی ھەرێمی کوردستان بوو، لەو بارەیەوە گوتی: پارتی لە جەماوەرە ھاتووە، ھەموو کات حازرین بچینەوە بەردەم جەماوەر. بۆیە کارمان لەسەر ئەو ئامادەکاریانە کردووە. مارتین زار لەو دیدارەدا خۆشحاڵیی خۆی بۆ کۆبوونەوەکە دەربڕی و ھیوای بەردەوامیی ئەو جۆرە کۆبوونەوانەی خواست.

سەنگەر ھەورامی

 




دوایین هەواڵەکان

سه‌رۆكی هه‌رێمی كوردستان له‌گه‌ڵ باڵیۆزى ئه‌مه‌ریكا كۆده‌بێته‌وه‌

WEDNESDAY, 17 JULY 2019 22:07:13

هەولێر-KDP.info- له‌ كۆبوونه‌وه‌یه‌كی به‌ڕێز نێچیرڤان بارزانی سه‌رۆكی هه‌رێمی كوردستاندا له‌گه‌ڵ به‌ڕێز ماتیۆ توله‌ر باڵیۆزی ئه‌مه‌ریكا له‌ عێراق و شاندی یاوه‌ری، به‌ڕێز توله‌ر پیرۆزبایی دامه‌زراندنی كابینه‌ی نوێی حكوومه‌تی هه‌رێمی كوردستانی له‌ به‌ڕێز سه‌رۆكی هه‌رێم كرد.

ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

WEDNESDAY, 17 JULY 2019 18:07:30

هەولێر-KDP.info-  به‌ توندی ئه‌و تاوانکارییه‌ ترسنۆکه‌ سه‌رکۆنه‌ ده‌که‌ین که‌ نیوه‌ڕۆی ئه‌مڕۆ له‌ هه‌ولێر کارمه‌ندێکی کونسولخانه‌ی تورکیا و هاووڵاتییه‌کی هه‌رێمی کوردستانی کردۆته‌ ئامانج و له‌ ئه‌نجامدا هه‌ردووکیان گیانیان له‌ده‌ست داوه و هاووڵاتییه‌کی دیکه‌ش بریندار بووه‌.

راگەیەندراوێک لە حکوومەتى هەرێمى کوردستانەوە

WEDNESDAY, 17 JULY 2019 18:07:48

هەولێر-KDP.info-  حكوومه‌تی هه‌رێمی كوردستان له‌ راگه‌یه‌ندراوێكدا ئیدانه‌ی رووداوی ته‌قه‌كردنه‌كه‌ی هه‌ولێری كرد، كه‌ له‌ ئه‌نجامیدا كارمه‌ندێكی كونسوڵخانه‌ی توركیا گیانی له‌ده‌ستدا و رایگه‌یاند، هەموو لایەک دڵنیا دەکەینەوە کە لایەنە پەیوەندارەکانى هەرێمى کوردستان خەریکى لێکۆڵینە و بەدواداچوونى جددین بۆ دۆزینەوەى ئەنجامدەران و بەسزاگەیاندنى یاسایییان.

په‌یامێك له‌سه‌رۆكایه‌تی په‌رله‌مانی كوردستانه‌وه‌

WEDNESDAY, 17 JULY 2019 18:07:00

هەولێر-KDP.info-  بە توندی ئیدانەی کوژرانی دیبلۆماتکارێكی تورکیا دەکەین، کە لە ئەنجامی رووداوێکی تەقەکردن لە ریستوڕانتێکی هەولێر کوژران، به‌م بۆنه‌یه‌وه‌ پرسه‌و سه‌ره‌خۆشی خۆمان ئاڕاسته‌ی كونسولخانه‌ی توركیا و حكوومه‌تی توركیا ده‌كه‌ین و داواکارین لە دامەزراوە ئەمنییەکان بە پەلە تاوانکاران دەستگیربکەن و بە سزای یاساییان بگەێنن.

ئاسایشی هه‌ولێر راگه‌یه‌ندراوێكی بڵاوكرده‌وه‌

WEDNESDAY, 17 JULY 2019 16:07:39

هه‌ولێر-KDP.info-  ئاسایشی هه‌ولێر له‌ باره‌ی رووداوی ته‌قه‌كردن له‌ چێشتخانه‌یه‌كی هه‌ولێر راگه‌یه‌ندراوێكی بڵاوكرده‌وه‌.

 



 
© 2018 Kurdistan Democratic Party, KDP