Kurdî  ■  كوردی  ■  عربي
WED, 16 JAN 2019 18:04 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی جارێكی تر سەلماندی یەكەمی بێ ڕكابەرە
| KDP.info


 

محەممەد عەلی

ئەو سەركەوتنەی پارتیمان لە هەڵبژاردنی ۲٠۱۸/٥/۱۲ بە دەستی هێنا، بە ئاسانی و سادە نەبوو، بەڵكوو هەڵوێستە مێژوویی، نەتەوەیی و نیشتیمانییەكانی و فۆڕمی مامەڵەی دروستی بوو لەگەڵ ڕووداو و پێشهاتەكاندا و، ئەمەش وای لە كوردستانیان كرد جارێكی تر متمانەی پێ ببەخشنەوە.

بە جۆریك، تەنیا پارتی بوو نەیهێشت قەوارەی سیاسیی كوردستان لەبار بچێت و كوردستانی بەدوور گرت لە شەڕێكی تری ناوخۆیی، ئەمە جگە لەوەی پێگەی كوردستانی لەسەر ئاستی هەرێمی و نێودەوڵەتیدا بەهێزتر كرد.

دواتر لە كاتی بەڕێوەچوونی هەڵمەتەكانی بانگەشەدا، بە شێوەیەكی سەردەمیانە و دوور لە ئاژاوە و ژاوەژاو، پرۆسەی بانگەشەی بەڕێوە برد و تیمێك لە كادیرانی دڵسۆز و خاوەن بڕوانامە و ئەكادیمیی، بۆ ئەو مەبەستە ئامادە كردبوو.

لە ڕاستیدا، وەك پارتی دیموكراتی كوردستان، بە هەموو شێوەیەك خۆمان بەدوور گرت لە بەڵێنی بێبنەما و درووشمی بێ كردار بۆ جەماوەری خەڵكی كوردستان، ئەوەی دووپاتمان كردەوە، سووربوونمان بوو لەسەر هەقی بڕیاردانی چارەنووس و دەستكەوتی زیاتر بۆ هاونیشتمانیانی هەرێمی كوردستان.

ئێمە، بە كردار تەواوی ئەو بۆچوونە هەڵانەی بەرامبەر پارتیمان هەبوو، ڕەواندەوە سەبارەت بە بەرتەسكبوونی ئازادی بە واتا گشتییەكەی، یاخود رێگریكردن لە بانگەشەی لیستەكانی تر، بەڵكوو هەموو لیست و بەربژێرەكانی قەوارە سیاسییە جیاوازەكان، بە ئازادانە بانگەشەیان بۆ خۆیان كرد.

نەك هەر ئەوە، بگرە لە كاتی بەڕێوەچوونی پرۆسەی هەڵبژاردنیشدا، جارێكی تر سەلماندمان پارتێكی چەندە دیموكرات و كراوەین، بە جۆریك خەڵك بە شێوەیەكی زۆر ئازادانە و دوور لە هەر فشارێك توانی دەنگی خۆی بدات و كەمترین سكاڵاش لەسەر سندووقەكانی دەنگدان لە هەولێر و دهۆك هەیە.

هەر ئەمەش بوو وای كرد، دواجار جەماوەر پاداشتی پارتیمان بداتەوە، بە جۆریك دووبارە متمانەی دایەوە پارتیمان و سەلماندیان پارتی حیزبی یەكەمی بێ ركابەرە و هەر واش دەمێنێتەوە، لە هەمان كاتدا ئەركی پارتی لە داهاتوودا زۆر زیاتر و قورستر بوو و، دەبێ لە ناوخۆدا كار بۆ دروستكردنی تیمێكی كوردی یەكگرتوو و بەهێز بكات و لە بەغداش هەوڵی بەدەستهێنانی گشت ئەو مافە دەستووریانە بدات كە تاكوو ئێستا بەدەست هاتوون.
 




دوایین هەواڵەکان

دیاری حوسێن: پارتی بەبێ ئاسایکردنەوەی رەوشی کەرکووک شەرعیەت بە هیچ هەڵبژاردنێک نادات

WEDNESDAY, 16 JANUARY 2019 17:01:49

كەركووك-KDP.info- دوای ئەوەی ڕۆژی یەکشەممەی ڕابردوو کۆمسیۆنی باڵای ھەڵبژاردنەکانی عێراق بڕیاری دا ھەڵبژاردنی ئەنجومەنی پارێزگاکانی عێراق لە کۆتاییی ئەمساڵ بەڕێوە بچێت و پارێزگای کەرکووکیش دەگرێتەوە، بەرپرسێکی پارتی دەڵێ، لای ئێمە ھەڵبژاردنەکەی کەرکووک ھیچ شەرعیەتی نییە و لەگەڵ لایەنە کوردەکانی کەرکووکیش ئەو بابەتە یەکلا دەکەینەوە.

 
داوا دەکرێ سێ بەنداوی سنووری قەزای مێرگەسۆر تەواو بکرێن

WEDNESDAY, 16 JANUARY 2019 15:01:55

هەولێر-KDP.info- ساڵی ڕابردوو ھەرێمی کوردستان و تورکیا ڕێک کەوتوون لەسەر دروستکردنی سێ بەنداو، ئەندامێکی لیژنەی سەرچاوەکانی ئاوی پەرلەمانی عێراقیش دەڵێ، داوایان کردووە حکوومەتی بەغدا ھاوکار بێت بۆ دەستپێکردنی ئەو پڕۆژانە و سوودی بۆ ھەرێم و عێراقیش دەبێت.

 
"ساڵی ڕابردوو زیاتر لە پێنج ھەزار ڕووداوی ئەمنی لە کەرکووک تۆمار کراون"

WEDNESDAY, 16 JANUARY 2019 15:01:30

کەرکووک-KDP.info- تێکچوونی ڕەوشی ئەمنیی شاری کەرکووک دانیشتووانەکەی دڵگران کردووە و سەرچاوەیەکی ئەمنیش ڕوونی کردەوە، تەنیا لەساڵی ڕابردوودا زیاتر لە پێنج ھەزار ڕووداوی ئەمنی لە کەرکووک تۆمار کراون.

 
دیندار زێباری: بە گوێرەی یاسا مامەڵە لەگەڵ دەستگیرکراوان کراوە

WEDNESDAY, 16 JANUARY 2019 15:01:59

هەولێر-KDP.info-   لە دوای هێرشی تیرۆریستانی داعش بۆ سەر چەند ناوچەیەکی کوردستان، بەردەوام لە چەند سەرچاوەیەکی نێودەوڵەتی و ناوخۆییەوە تۆمەتی مامەڵەی نەشیاو لەگەڵ دەستگیرکراوان دەخرێتە پاڵ دامودەزگاکانی حکوومەتی هەرێمی کوردستان؛ وەک هێشتنەوەی ڕاگیراوان بۆ ماوەیەکی زۆر بێ ئەوەی دادگایی بکرێن  و کەیسەکانیان یەکلا بکرێتەوە. د. دیندار زێباری، ڕێکخەری ڕاسپاردە نێودەوڵەتییەکانی حکوومەتی هەرێمی کوردستان سەبارەت بەم پرسە دەڵێ، بە گوێرەی یاسا مامەڵە لەگەڵ دەستگیرکراوان کراوە.

 
سه‌رۆک بارزانی به‌شداری له‌ پرسه‌ی مامۆستا محه‌مه‌د مه‌لا قادر کرد

WEDNESDAY, 16 JANUARY 2019 14:01:27

هەولێر-KDP.info-  سەرۆک بارزانی ئەمڕۆ لە هەولێری پایتەخت بەشداری لە مەراسیمی پرسەی مامۆستا محەمەد مەلا قادر کرد.



 
© 2018 Kurdistan Democratic Party, KDP