دهۆک-KDP.info- خەلکێ دەڤەرا دهۆکێ دبێژن، پارتى تاکە حزبە بەرەڤانى ژ هەمى دەستکەفتێن مللەتێ کورد کرى و هەمى هەولدان کرین مافێن پێشمەرگەیێ کوردستانێ پارێزیت و رێزێ ل زەحمەت و خەباتا وان بگریت و بەرەڤانى ژهەر چوار پارچەیێن کوردستانێ بکەت و ئێکرێزیا مللەتێ کورد نیشان بدەت.
هەر ژ هاتنا تیرۆرستێن داعشێ بۆ سنورێن هەرێما کوردستانێ، پێشمەرگەیێ کوردستانێ ب سەرکێشیا سەرۆک (مەسعود بارزانى) بەرەڤانى ژئاخا کوردستانێ کریە و نەهێلا بکەفیتە ددەستێ تیرۆرستێن داعشێدا و دەڤەرێن دەرڤەیى ئیدارا هەرێمى رزگارکرن، پشتى سەرکەفتنا ریفراندۆما سەربەخۆیا کوردستانێ ل 25 سیپتمبەرا 2017ێ، سێ وەلاتێن دەردۆر (تورکى و ئیران و سوریا) شەر دژى کوردستانێ کر، بەلێ بهێزا پارتى و پێشمەرگەیى دگەلدا هەرێما کوردستانێ هاتە پاراستن.
ڤەهێل عەبدولرەحمان، پێشمەرگەیى بریندار ل شەرێ دژە تیرۆرێ بۆ مالپەرێ فەرمیێ پارتى دیموکراتى کوردستان کۆت:" پارتى تاکە حزب بوویە بەرەڤانى ژ هەمى دەستکەفتێن مللەتێ کورد کرى و هەمى هەولدان کرین مافێن پێشمەرگەیێ کوردستانێ پارێزیت و دقەیرانا دارایى ژیدا هەمى هەولدان کرن ناڤێ پێشمەرگەیى بلند بکەت لسەر ئاستێ جیهانێ، دیسان تاکە حزبە خودان پرۆژەیێ دەولەتا کوردى، ژبەر هندێ ب شانازیڤە دێ دەنگ ب لیستا پارتى دەم ".
ژیان ئەحمەد، مامۆستایا سەرەتایى بۆ مالپەرێ فەرمیێ پارتى دیموکراتى کوردستان بەحسکر، بەردەوام پارتى خوشگوازى بۆ خەلک و هەولاتیێ کوردستانێ پێشکێشکریە و دەست ژ دەستکەفت و بیروباوەرێن نەتەوایەتى بەرنەدایە، بەرەڤانى ژهەر چوار پارچەیێن کوردستانێ کریە و پێشمەرگەیێ کوردستانێ رەوانەیى رۆژئاڤایێ کوردستانێ کریە پێخەمەت کۆبانێ و رۆژئاڤا ژ داگیرکرنا داعشێ ب پارێزن و ئێکرێزیا مللەتێ کورد نیشان بدەت و تاکە حزبە دشێت مافێن پێشمەرگەیى ڤەگەرینتەڤە و رێزێ ل زەحمەت و خەباتا وان بگریت، جونکى پێشمەرگەیى پێش هەمى جیهانێ و مللەتێ کورد داستانێن سەرکەفتنێ لسەر تیروستان تومارکرینە.
هەژار دوسکى، هەولاتیێ دهۆکێ دیارکر:" پشتى روودانێن خیانەتا 16 ئێکتوبەرا 2017ێ، پێشمەرگەیێ کوردستانێ ب خوین و ماندیبوون سنورێن هەرێما کوردستانێ پاراستن و پارتى حزبا ئێکانە بوو پێشتەڤانى ل پێشمەرگەیى کرى و نەهێلایى هیبەت و مورالا وان بهێتە خوار و مەزنترین داستان ل سحێلا و عوین عویز و مەحموودیە و پردێ و تلسقوف تومارکرین و باش دزانین دێ پارتى بتنێ مافێن پێشمەرگەیى پاریزیت و پێشوازیێ ل هەر پرۆژەکى کەت ژبۆ خوشکرنا ژیانا وان، ژبەر ڤێ ئێکى پارتى بتنێ ژ هەژى دەنگێ منە".
هەلز عەلى سەلیم