Kurdî  ■  كوردی  ■  عربي
TUE, 19 JUN 2018 17:12 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

عێراق لەو ٢٥ ملیار دۆلارەی قەرزی کردووە هیچی لێ نەداوە بە هەرێم
| KDP.info


هەولێر-KDP.info- ئەندامی لیژنەی وەبەرهێنانی ئەنجومەنی نوێنەرانی عێراق دیاری كرد، لە ماوەی سێ ساڵی ڕابردوودا عێراق 25 ملیار دۆلاری قەرز كردووە و هیچ بڕە پارەیەكیشی لەو قەرزانە نەداوە بە كوردستان، لەگەڵ ئەوەی حەیدەر عەبادی بەردەوام كار بۆ قووڵتركردنەوەی قەیرانە سیاسی و ئابوورییەكانی هەرێمی كوردستان دەكات.

 

بودجەی عێراق بەبێ كورد پەسەند كرا، فراكسیۆنە كوردستانییەكان داواكاربوون ڕێژەی 17% بودجەی عێراق بۆ هەرێمی كوردستان تەرخان بكرێت و وەكو پارێزگاكان مامەڵە لەگەڵ هەرێمی كوردستان نەكرێت، هەروەها بەشە بودجەی پێشمەرگە دیاری بكرێت، بەڵام سەرۆكوەزیرانی عێراق ئامادە نەبوو گۆڕانكاری لە پڕۆژەیاسای بودجەدا بكات و داواكاریی كورد جێبەجێ بكات.

 

لە دوای 16 ئۆكتۆبەر حەیدەر عەبادی، سەرۆكوەزیرانی عێراق، وەك براوە مامەڵە لەگەڵ هەرێمی كوردستان دەكات و بەردەوامیش لە هەوڵدایە بۆ قووڵتركردنەوەی قەیرانە سیاسی و ئابوورییەكانی هەرێمی كوردستان.

 

نەجیبە نەجیب، ئەندامی لیژنەی وەبەرهێنان لە ئەنجومەنی نوێنەرانی عێراق، بۆ ماڵپەڕی فەرمیی پارتی دیموكراتی كوردستان گوتی: "كێشەی سەرەكیی كورد مالیكی و عەبادی نییە، بەڵكو كێشەی كورد ئەو عەقڵییەتەیە كە عێراق بەڕێوە دەبات، سەرۆكوەزیران تەنیا بەڵێن دەدات، بابەتی مووچەی كردووە بە كارتی سیاسی و بە خواستی خۆی موزایەدەی پێوە دەكات."

 

نەجیبە نەجیب گوتیشی: "زیاتر لە 25 ملیار دۆلار قەرز دراوە بە عێراق، بەڵام ئەو قەرزانە لەگەڵ ئەوەی ساڵانەش ئاماژەیان بۆ دەكرێت، بەڵام گەلی عێراق ئاگایان لە وردەكاریی ئەو قەرزانە نییە و نازانن حكوومەتەكەیان بۆچی قەرزی زۆر وەردەگرێت و وڵاتەكەیان تووشی چ قەرزدارییەك دەكات، ئەو قەرزانەی كە عێراق كردوویەتی لە دوای ساڵی 2015ەوە بڕی 25 ملیار دۆلارە، لەنێو ئەو قەرزانەی كە دراوە بە عێراق بە هیچ شێوەیەك هیچ بڕە پارەیەكی لێ نەدراوە بە هەرێمی كوردستان".

 

ڕابین شێروانی


 




دوایین هەواڵەکان

"خێزانێكی كوردی ئێزدی چوونەتە شنگال و چارەنووسیان نادیارە"

TUESDAY, 19 JUNE 2018 16:06:04

شنگال-KDP.info- ماوه‌ی شه‌ش ڕۆژه‌ خێزانێكی كوردی ئێزدی له ‌سنووری قه‌زای شێخان به ‌مه‌به‌ستی كارێكی ئیداره‌ی سه‌ردانی قه‌زای شنگالیان كردووه‌، به‌ڵام تاوه‌كو ئێستا نه‌گه‌ڕاونه‌ته‌وه‌ و چاره‌نووسیان نادیاره‌.

 
"پێشمەرگە ئۆپەراسیۆن دژی داعشەكانی مەخموور ئەنجام دەدات"

TUESDAY, 19 JUNE 2018 14:06:23

مەخموور -KDP.info- چەند ڕۆژێكە تیرۆریستانی داعش لە سنووری مەخموور جووڵەیان زیاد كردووە و، وەك بەرپرسێكیش دەڵێت، ئەگەر داعش نیەتی ھەبێت، دەتوانێت شارەكانیش داگیر بكات، بەڵام پێشمەرگە ئامادەكاری دەكات بۆ لەنێوبردنیان. فەرماندەیەكی میحوەری مەخمووریش ئاشكرای كرد، بە نیازی ئۆپەراسیۆنن بۆ لەنێوبردنی داعشەکانی مەخموور.

 
"پەیامەكەی سەرۆك بارزانی، كلیلی چارەكردنی كێشەكانی ھەرێم و عێراقە"

TUESDAY, 19 JUNE 2018 13:06:18

ھەولێر-KDP.info- لایەنە سیاسییەكان، پەیامەكەی " سەرۆك بارزانی" بە ئەرێنی دەبینن و باوەڕیان وایە، كلیلی چارەكردنی كێشەكانی كوردستان و عێراقە. دەشڵێن، لە بری ئەوەی لە ڕاگەیاندنەكانەوە وەڵام و وەڵامكاری بكرێت، پێویستە لەسەر مێزی گفتوگۆ دابنیشن.

 
عارف ڕوشدی: لە چوارچێوەی پەیامەكەی سەرۆكدا، ئامادەكاری بۆ كۆبوونەوەی لایەنەكان كراوە

TUESDAY, 19 JUNE 2018 12:06:34

هەولێر-KDP.info- سەرۆك بارزانی، لە پەیامی جەژنی رەمەزاندا داوای لە گشت ھێزە سیاسییەكانی ھەرێمی كوردستان كرد، بۆ دەربازكردنی ئەم قۆناغە، دوای جەژن كۆ ببنەوە، راوێژكاری مەكتەبی سیاسیی پارتییش دەڵێ، خواستی سەرۆك بارزانی یەكڕیزیی نێوان لایەنەكانە و، دەست بە ئامادەكاری بۆ ئەنجامدانی كۆبوونەوەی لایەنەكان كراوە.

 
دادگای فیدراڵی، لەبارەی تانەی لایەنەكانەوە كۆ دەبێتەوە

TUESDAY, 19 JUNE 2018 12:06:11

بەغدا-KDP.info- سەرۆكی لیژنەی یاسایی لە پەرلەمانی عێراق گوتی، بڕیارە دووسبەی دادگای فیدراڵی كۆ ببێتەوە و تێیدا گفتوگۆ لەبارەی بڕیارەكانی پەرلەمانی عێراقەوە دەكات، كە لایەنەكان تانەیان لێ داوە، چونكە بڕیاری نایاسایی و نادەستوورین.

 


 
© 2018 Kurdistan Democratic Party, KDP