Kurdî  ■  كوردی  ■  عربي
WED, 17 OCT 2018 13:21 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ترامپ و ماکڕۆن لەسەر دیالۆگی نێوان هەولێر و بەغدا رێککەوتن
| KDP.info


ئەمەریکا-KDP.info-  سەرۆکی ئەمەریکا و سەرۆکی فەڕەنسا لە پێوەندییەکی تەلەفۆنیدا بە پێویستیان زانی کە کێشەی نێوان هەولێر و بەغدا بە دیالۆگ چارە بکرێ و لەسەر ئەو پرسە رێککەوتن.

بەگوێرەی راگەیاندراوێکی کۆشکی سپی ئەمەریکا، ئەمڕۆ پێوەندییەکی تەلەفۆنی لە نێوان سەرۆکی ئەمەریکا (دۆناڵد ترامپ) و سەرۆکی فەڕەنسا (ئیمانوێل ماکڕۆن) ئەنجام درا.
بەگوێرەی راگەیاندراوەکەی کۆشکی سپی، سەرۆکی ئەمەریکا (دۆناڵد ترامپ) و سەرۆکی فەڕەنسا (ئیمانوێل ماکڕۆن) رێککەوتن کە پێویستە حکوومەتی عێراق و حکوومەتی هەرێمی کوردستان کێشەکانیان بەرێگەی دیالۆگ چارە بکرێت.

کۆشکی سپی دەڵێ، هەردوو سەرۆک سەبارەت بە ئاشتی لە رۆژهەڵاتی ناویندا گفتوگۆیان کردووە و تێیدا تەئکید لەسەر هاوپەیمانێتیی نێوان فەرەنسا و ئەمەریکا بۆ سەقامگیری رۆژهەڵاتی ناوین و باکووری ئەفریکا کرایەوە و، ئەو هاوپەیمانێتییەی نێوانیان بە گرینگ وەسف کرد.

ئەم پێوەندییە تەلەفۆنییەی نێوان (ترامپ) و (ماکڕۆن) دوای ئەوە دێ کە سەرۆکوەزیرانی کوردستان (نێچیرڤان بارزانی) بە یاوەری جێگری سەرۆکوەزیران (قوباد تاڵەبانی) لەگەڵ سەرۆکی فەرەنسا کۆبوونەوە و لە کۆبوونەوەکەدا سەرۆکی فەڕەنسا داوای لە عێراق کرد کە دەبێ پابەندی دیالۆگ بێت و ماددەی ١٤٠ جێبەجێ بکرێت و هەروەها ملیشیاکانیش بە حەشدی شەعبییەوە لە عێراقدا نەمێنن.

هەروەها سەرۆکی فەرەنسا داوای کرد کە دەبێ لە عێراقدا سەرجەم مافەکانی کورد گرەنتی بکرێ و دەستووریش بە کۆی ماددەکانییەوە جێبەجێ بکرێت. هەر دوای دیدارەکە سەرۆکی فەرەنسا پێوەندیی بە سەرۆکوەزیرانی عێراق کرد و دوای لێکرد کە دەبێ پابەندی دیالۆگ بێت. ئەمڕۆیش سەرۆکی فەرەنسا پێوەندیی بە سەرۆکی ئەمەریکا کرد و بۆ هەمان پرس داوای لێ کردووە کە دەبێ کێشەی کورد لە عێراقدا بە دیالۆگ چارە بکرێ.

فەڕەنسا لە ئێستادا لەدوای دەرچوونی بەریتانیا لە یەکێتیی ئەورووپا، تاکە دەوڵەتی نێو یەکێتیی ئەورووپایە کە ئەندامی هەمیشەیی ئەنجوومەنی ئاساییشی نێودەوڵەتییە و بە پاڵپشتیی ئەڵمانیا لە نێو یەکێتیی ئەورووپا لە ئێستادا قسەی یەکەم بە ناوی ئەورووپا دەکات.

پاڵپشتیی فەڕەنسا بۆ هەرێمی کوردستان هەم لە نێو یەکێتیی ئەورووپا و هەمیش لە نێو ئەنجوومەنی ئاساییشی نێودەوڵەتیی گرینگی زۆری هەیە و بەگوێرەی شڕۆڤەی چاودێرانی نێودەوڵەتیش ئەگەر بێت و فەڕەنسا هەوڵەکانی بۆ چارەکردنی کێشەی کورد لە عێراقدا بە دیالۆگ سەرنەگرێ و بەغدا گوێی پێنەدات، ئەوا رەنگە فەڕەنسا پەنا بۆ ئەنجوومەنی ئاساییشی نێودەوڵەتی ببات و لەوێدا بە فەرزی نێودەوڵەتی رێگەی دیالۆگ بە فەرمیی بەسەر عێراقدا بسەپێنێت.

لە کۆبوونەوەی ئەنجوومەنی ئاساییشی نێودەوڵەتیشدا لە دوای رووداوەکانی ١٦ ئۆکتۆبەر کە میلیشیای حەشدی شەعبی دەستی بەسەر کەرکووک و چەند ناوچەیەکی دیکەی کوردستانی گرت، فەڕەنسا لە ئەنجوومەنی ئاسایشی نێودەوڵەتی کە سەرۆکایەتیی ئەنجوومەنەکەی دەکرد داوای کرد، هەولێر و بەغدا بە دیالۆگ کێشەکان چارە بکەن و دەستبەجێ بەغدا خۆی لە لەشکرکێشی بۆسەر هەرێم بەدوور بگرێ.

فەڕەنسا وەک هاوپەیمانێکی گرینگی ئەمەریکا لە ئێستادا بە بەهێزی لە رۆژهەڵاتی ناویندا دەبینرێ و (دۆناڵد ترامپ) لە چەندین بۆنەدا دووپاتی کردووەتەوە کە ئەو زۆر لەگەڵ سەرۆکی فەڕەنسا (ماکڕۆن) لەسەر زۆر پرسی پێوەست بە رۆژهەڵاتی ناوین و جیهان هاو ڕایە. بۆیە (ماکڕۆن) دەیەوێ ئەمەریکا بۆ چارەکردنی کێشەکانی نێوان هەولێر و بەغدا بێنێتە سەرهێڵ تا بە زوویی دەست بە دیالۆگی نێوان هەولێر و بەغدا بکرێت.

ئەمڕۆیش نێردەی تایبەتی سکرتێری گشتیی نەتەوە یەکگرتووەکان بۆ عێراق، (یان کۆبیش) لە سەردانیدا بۆ هەرێمی کوردستان رایگەیاند کە یوئێن و کۆمەڵگەی نێودەوڵەتیی لە هەوڵدان تا بەزوویی دیالۆگی نێوان هەولێر و بەغدا بکرێت.

شاو


 




دوایین هەواڵەکان

بارەگای بارزانی، سەرەخۆشی لە خانەوادەی سیروان عومەر ڕەواندزی دەكات

WEDNESDAY, 17 OCTOBER 2018 12:10:26

بە ناوی خودای گەورە و میهرەبان

خانەوادەی خوالێخۆشبوو سیروان عومەر ڕەواندزی

بە دڵگرانییەوە هەواڵی كۆچی دوایی كارمەندی كوردستان تیڤی (سیروان عومەر ڕەواندزی)ـیمان پێ گەییشت.

سەرۆك بارزانی پێشوازی لە باڵیۆزی كەنەدا لە عێراق کرد

WEDNESDAY, 17 OCTOBER 2018 12:10:45

هەولێر-KDP.info-  لە دیداریدا لەگەڵ سەرۆک بارزانی، وێڕای پیرۆزبایی سەركەوتنی هەڵبژاردنەكانی هەرێمی كوردستان و سەركەوتنی لیستی پارتی، باڵیۆزی كەنەدا ڕایگەیاند، کە وڵاتەكەی لە چوارچێوەی ناتۆ بەردەوام دەبێت لە مەشق و ڕاهێنانی هێزەكانی عێراق و هەرێمی كوردستان.

 
ڕاوێژكاری كۆمارییەكانی ئەمەریكا: هێزە عێراقییەكان و حەشد، داعش دژی كورد بەكار دەهێنن

WEDNESDAY, 17 OCTOBER 2018 12:10:44

هەولێر-KDP.info- ڕاوێژكارێكی پارتی كۆماریی ئەمەریكا، چەند نهێنییەك ئاشكرا دەكات و دەڵێت، حەشدی شەعبی بە ھاوكاریی سوپای عێراق، سەرقاڵی دامەزراندنی داعشە كۆنەكانن لە ناوچە كوردییەكاندا.

 
دامەزراوەی دەرمانی نیشتمانی لە ھەرێمی كوردستان دروست دەكرێت

WEDNESDAY, 17 OCTOBER 2018 12:10:41
هەولێر-KDP.info- لە كۆنگرەیەكی رۆژنامەوانیدا رێكەوت حەمە رەشید، وەزیری تەندروستی ھەرێمی كوردستان رایگەیاند، حكوومەتی ھەرێمی كوردستان چەند بڕیارێكی لەبارەی بازرگانی كردن بە دەرمان دەركردووە و دامەزراوەی دەرمانی نیشتمانی لە ھەرێمی كوردستان دروست دەكرێت.
 
زریان كاكەیی: بە ھۆی داگیركاریی ١٦ ئۆكتۆبەرەوە، ھیچ نەما بەرانبەر بە پێكھاتەكان نەكرێت

WEDNESDAY, 17 OCTOBER 2018 10:10:41

هەولێر-KDP.info- داگیركەرانی ١٦ی ئۆكتۆبەر، دەستیان لە ھیچ تاوانێك دەرهەق بە پێكھاتەكانی كەركووك و ناوچە كوردستانییە داگیركراوەكان نەپاراستووە و، مامۆستایەكی زانكۆیش باوەڕی وایە، ھێشتا ١٦ی ئۆكتۆبەر كۆتایی نەھاتووە و بەردەوامە. دەشڵێ،  خەڵكێك دەرگای ماڵەكەی بە ڕووی دزدا كردەوە و كارەسات بەسەر گەلی كورددا ھات.

 


 
© 2018 Kurdistan Democratic Party, KDP