Kurdî  ■  كوردی  ■  عربي
SUN, 21 JAN 2018 09:31 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فیدراسیۆنی كۆمەڵە كوردییەكانی سوید: كوردانی هەر چوار پارچە پشتیوانی ڕیفراندۆمن
| KDP.info


 

هەولێر-KDP.info- سەرۆكی هەرێمی كوردستان، لە دیداریدا لەگەڵ سەرۆكی فیدراسیۆنی كۆمەڵە كوردییەكانی سوید، ڕایگەیاند، بڕیاری ڕیفراندۆم، بڕیاری خەڵكی كوردستانە و لە ئەنجامی شكستهێنانی شەراكەت و تەوافووق لە عێراقدا هاتووەتە ئاراوە.

(مەسعوود بارزانی) سەرۆكی هەرێمی كوردستان، ئەمڕۆ پێنجشەممە 10ـی8ـی 2017 لە سەڵاحەددین، پێشوازی لە (كەیا ئیزۆڵ) سەرۆكی فیدراسیۆنی كۆمەڵە كوردییەكانی سوید كرد.

لە دیدارەكەدا سەرۆكی فیدراسیۆنی كۆمەڵە كوردییەكانی سوید پاڵپشتیی خۆی و فیدراسیۆنی كۆمەڵە كوردییەكانی سویدی بۆ ڕیفراندۆم و پڕۆسەی سەربەخۆیی ڕاگەیاند و، ئەوەیشی خستە ڕوو كە ڕەوەندی كوردیی هەر چوار پارچە بە جۆش و خرۆشەوە پشتیوانی ڕیفراندۆمن.

هەروەها باسی ئەو بەرنامە و كار و چالاكیانەی كرد كە فیدراسیۆنی كۆمەڵە كوردییەكانی سوید بەنیازە لە پەرلەمانی سوید و گردبوونەوەی جەماوەری لە سوید و هێنانی چاودێری نێودەوڵەتی بۆ كوردستان، ئەنجامی بدات.

لە بەرانبەردا، (سەرۆك بارزانی) سوپاسی ڕۆڵی فیدراسیۆنی كۆمەڵە كوردییەكانی سویدی كرد لە پشتیوانیكردنی ڕیفراندۆم و دەستخۆشیی لێ كردن. لە گوتەیەكیشدا ئاماژەی بە بڕیاری ڕیفراندۆمی كوردستان دا و جەختی لەوە كردەوە كە، ئەم بڕیارە، بڕیاری خەڵكی كوردستانە و لە ئەنجامی شكستهێنانی شەراكەت و تەوافووق لە عێراقدا هاتووەتە ئاراوە.

لە درێژەی قسەكانیدا، (سەرۆك بارزانی) ڕۆشنایی خستە سەر كۆبوونەوەی لایەنە سیاسییەكانی كوردستان لە 7ـی حوزەیرانی 2017 كە تێیدا بڕیار درا 25ـی ئەیلوولی 2017 وەك ڕۆژی ئەنجامدانی ڕیفراندۆم دیاری بكرێت و بە ڕۆژێكی پڕشنگدار لە مێژووی گەلی كوردستان وەسفی كرد.

(سەرۆك بارزانی) دووپاتیشی كردەوە كە، ڕیفراندۆم بۆ سەربەخۆییە و ئەوانەی دەڵێن كات بۆ ڕیفراندۆم گونجاو نییە، دەبێ پێمان بڵێن ئەدی كەی گونجاوە؟ یان بەدیلی ڕیفراندۆم چییە؟

 




دوایین هەواڵەکان

سامی ئەتروشی: دیاره‌ كه‌ تاران دەیەوێ کێشەکانی نێوان بەغدا و ھەولێر چارە بکرێن

SATURDAY, 20 JANUARY 2018 21:01:46

هه‌ولێر-KDP.info-  پەرلەمانتارێکی پێشووی یەکگرتووی ئیسلامیی کوردستان لە پەرلەمانی عێراق، پێی وایە، لە ئێستا و پاشه‌ڕۆژیشدا پارتی و یەکێتی دوو ھێزی سەرەکی و گرینگن لە پڕۆسەی سیاسیی ھەرێمی کوردستان و دەشڵێ، سەردانی شاندی باڵای حکوومەتی ھەرێم بۆ ئێران، واتای ئه‌وه‌یه‌ كه‌ تاران دەیەوێ کێشەکانی نێوان بەغدا و ھەولێر چارە بکرێن.

 
نێچیرڤان بارزانی گەیشتە تاران

SATURDAY, 20 JANUARY 2018 18:01:53

هەولێر-KDP.info-  سەرۆکوەزیرانی کوردستان نێچیرڤان بارزانی کەمێک پێش ئێستا گەیشتە تاران.

"عەرەبە هاوردەکانی سەرگەڕان ستەم لە کورد دەکەن"

SATURDAY, 20 JANUARY 2018 18:01:22

سەرگەران-KDP.info- بەڕێوەبەری ناحیەی سەرگەڕان ئاشکرای کرد، پیلانی بەعەرەبکردنی سنووری ناحیەی سەرگەڕان بەردەوامە و عەرەبە هاودرەکان ببنە حەشد و ستەم لە کورد بکەن.

 

"پەکەکە لە مەرزی سیپەی هەڵەبجە سەرانە لە خەڵکی وەردەگرێت"

SATURDAY, 20 JANUARY 2018 16:01:27

هەولێر-KDP.info- ماوه‌ی سێ ڕۆژه‌ په‌كه‌كه‌ هێزێكی چه‌كداری ناردووه‌ته‌ شاخه‌كانی هەو‌رامان له‌ نزیك مه‌رزی لاوه‌كیی سیپه‌ له‌ گوندی ده‌ره‌یمه‌ڕی سه‌ر به‌ پارێزگای هه‌ڵه‌بجه‌، بازگه‌ی له‌ هانه‌نه‌وه‌ داناوه،‌ ئەو شوێنه‌ كۆتاییی ئه‌و ڕێیه‌یه،‌ کە وڵاغداره‌كانی هه‌ورامان له‌وێ باره‌كانیان داده‌گرن و كۆڵبه‌رانی ڕۆژهه‌ڵاتی كوردستان به ‌كۆڵ ده‌یگوازنه‌وه‌ بۆ سنووری ئێران، به‌ڵام به‌ هاتنی ئه‌و هێزه‌ی په‌كه‌كه‌ سه‌رانه‌یان له‌سه‌ر وڵاغداران و كۆڵبه‌ره‌كان داناوه‌ و ده‌بێ بۆ باری هه‌ر وڵاغێک بڕی 60 هه‌زار تمه‌ن و كۆڵبه‌ره‌کانیش ٣٠ هه‌زار تمه‌ن سه‌رانه‌ به‌ په‌كه‌كه‌ بدەن.

نێچیرڤان بارزانی و حه‌یده‌ر عه‌بادی پابه‌ندبوون به‌ ده‌ستوور، دووپات ده‌كه‌نه‌وه‌

SATURDAY, 20 JANUARY 2018 15:01:01

بەغدا-KDP.info-  نێچیرڤان بارزانی سەرۆکوەزیرانی هەرێمی کوردستان لە بەغدا لەگەڵ حەیدەر عەبادی سەرۆکوەزیرانی عێراق کۆ بووەوە و، به‌رده‌وامیی ئه‌و كۆبوونه‌وه‌ و دیدارانه‌یان به‌ مه‌به‌ستی هه‌رچی زوو ته‌واوكردنی ڕێكاره‌كانی ناردنی مووچه‌ی مووچه‌خۆرانی هه‌رێمی كوردستان و كردنه‌وه‌ی فڕگه‌كان‌، دووپات كرده‌وه‌‌.

 


 
© 2017 Kurdistan Democratic Party, KDP