Kurdî  ■  كوردی  ■  عربي
SUN, 24 JUN 2018 02:43 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Baydemîr: Azadiya Mûsil û Kerkûkê azadiya Bakurê Kurdistanê ye
| KDP.info


Hewlêr-KDP.info- Siyasetmedarê Kurdê Bakurê Kurdistanê Osman Baydemîr ragihand ku azadiya Mûsil û Kerkûkê azadiya Bakurê Kurdistanê û 40 milyon Kurd e.

Di çarçoveya gotûbêjên dîdara MERI de ku li Hewlêrê birêve diçe, Osman Baydemîr ragihand: Başûrê Kurdistanê hêviya hemû Kurdan e û dilê me hemûyan li ser wê ye, ji ber ke qedera Kurdan li herçar perçên Kurdistanê yek qeder e.

Wî siyasetmedarê Kurd wiha domand: “Rêz û hurmeta me hemû şehîdên Kurd û Kurdistanê re heye û ez serê xwe ji wan re dadixim bi taybetî ji wan şehîdên Pêşmerge yên ku niha li Mûsilê şer dikin, ew bergiriyê li 40 milyon Kurd dikin.”

Osman Baydemîr ragihand: “Başûrê Kurdistanê hêviya hemû Kurdan e. Daxwaz ji hemû hizb û rêxistinên Kurdan li Başûr dikim ku me li Rojava, Rojhilat û Bakurê Kurdistanê bi tenê nehêlin, ji ber ku gelekî pêwîstiya me bi wan heye.”

Baydemîr wiha got: “Li Bakurê Kurdistanê zilmekî mezin ji aliyê dewletê ve tê kirin, ku çavkaniya wê zilmê ya berê 100 salî ye. Ev 100 sal e ku rêjîma Enqerê bê navber dijminatiya gelê Kurd dike. Duhî li paytexta Kurdistanê Amedê Hevserokên Şaredariya Amedê hatin binçavkirin. Dixwazin dîsa îradeya gelê Kurd tine bikin.”

Osman Baydemîr wiha domand: “Rewşa Rojhilata Navîn gelekî xeter e. Em hemû bi hevre dibêjin peymana Saykis Bîko bidawî hatiye û ji holê rabûye, lewma ji bo aramiya hemû Rojhilata Navîn, pêwîst e stratîjiyek ava bibe. Tevî wê zilm û zordariya ku li Bakurê Kurdistanê tê kirin, mixabin li wir stratîjiyeke me tune ye. Hêvîdar im stratîjiya Kurdan jî çêbibe, da ku wek beriya 100 salî li wan neyê û dema ku sînor dîsa bên xêzkirin, ji wan jî bipirsin.”

Baydemîr gotina xwe wiha berdewam kir: “Pêwîstiya Kurd û Kurdistanê bi tifaqê heye. Azadiya Kurdan li Bakurê Kurdistanê tê wateya serkeftineke mayînde li Başûrê Kurdistanê. Lewma divê em kongireya netewî û stratîjiya Kurdan bi hevre ava bikin.”
 




Nûçeyên din

“Jihevêzîkbûna aliyên Iraqê pir zehmet e..Naxwazin dest ji deselatê berdin”

SATURDAY, 23 JUNE 2018 18:06:58

Hewlêr-KDP.info- Iraqê ji ber lidarxistina hilbijartinan di meha borî de, di rewşeke dijwar de derbas dibe. Şirovekarekî siyasî jî dibêje, hêj ezmûna demokrasiyê li Iraqê qels û lawaz e, ku hinek alî astengiyan ji pêkanîna hikûmeta nû ya Iraqê re derdixin.

 
Sekreterê NY: Ez hertim xembarê pirsa gelê Kurd im..Em ji rewşa Efrînê dilgiran in

SATURDAY, 23 JUNE 2018 14:06:44

Hewlêr-KDP.info- Sekreterê Giştî yê Neteweyên Yekbûyî Antonio Guterres ragihand ku ew hertim xembarê pirsa gelê Kurd bûye û ji rewşa Efrînê jî dilgiran in.

 
Encûmena Bajêrvaniya Şingalê: Emê vegerin Şingalê

SATURDAY, 23 JUNE 2018 12:06:54

Şingal-KDP.info- Serokê Encûmena Bajêrvaniya Şingalê Weyis Nayif dibêje, biryar e di çend rojên bê de encûmena wan vegere Şingalê û dest bi karê xwe bike. Herwiha tekez dike ku bi hebûna Amerîka li Şingalê dê ewlehî vegere wê navçeyê.

 
Şeşo: Şêwirmendên leşkerî yên welatan li Şingalê navendeke leşkerî ava dikin

THURSDAY, 21 JUNE 2018 18:06:56

Şingal-KDP.info- Fermandarê Hêzên Pêşmerge li Çiyayê Şingalê Qasim Şeşo ragihand ku çendîn şêwirmendên leşkerî yên welatan hatine Şingalê û li wir navendeke leşkerî mezin ava dikin.

 
Berpirsekî PDKê: Hêzên Iraqê nikarin Xaniqîn biparêzin..Pêşmerge venegerin dê bajêr bikeve destê DAIŞê

THURSDAY, 21 JUNE 2018 17:06:40

Xaneqîn-KDP.info- Îro li dijî tevger û çalakiyên DAIŞê li derdora Xanexîn û ji bo vegera Hêzên Pêşmerge bo navçeyê, xwepêşandanek li Xaneqîn birêve çû. Berpirsekî PDKê li wê deverê dibêje hêzên Iraqê nikarin Xaneqîn biparêzin û eger Hêzên Pêşmerge venegerin navçeyê dê bajarê Xaniqîn bi temamî bikeve destê wan terorîstan.

 


 
© 2018 Kurdistan Democratic Party, KDP