Kurdî  ■  كوردی  ■  عربي
SUN, 25 FEB 2018 07:11 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mamosteyên Zanîngeha Dihokê: Welatên cîhanê dê piştgiriyê bidin serxwebûna me
| KDP.info


Dihok-KDP.info- Mamosteyên Zanîngeha Dihokê dibêjin, nabe aliyên siyasî yên Başûrê Kurdistanê çalaknekirina Parlamentoya Kurdistanê bikin astengî li pêşiya referandumê. Herwiha tekez dikin ku welatên cîhanê dê piştevaniyê bidin referanduma Başûrê Kurdistanê.

Dr. Reza Xalid ku mamoste ye di Zanîngeha Dihokê de, ji malpera KDP.info re ragihand: “Ev projeya ku Serokê Herêma Kurdistanê Mesûd Barzanî destpê kiriye, pir pîroz e û divê hemû aliyên siyasî yên Kurdistanê piştgiriyê lê bikin, da ku xwîna şehîdan û xebata gelê Kurd vala neçe. Îro roj Herêma Kurdistanê li ser asta cîhanê xwedî pêgeheke girîng û mezin e, lewma jî pêwîst e em vê derfetê ji destê xwe nebin û em îsal referanduma xwe bikin, da ku em vê piştgiriya navdewletî jidest nedin.”

Mamosteyê Zanîngeha Dihokê Dr. Sebah Daûd ji malpera KDP.info re ragihand: “Nabe hêz û aliyên siyasî yên Herêma Kurdistanê çalaknekirina parlemantoyê bikin astengî li pêşiya referandum û serxwebûna Kurdistanê, ji ber ku eger em gihîştin serxwebûna xwe dê bi awayekî hêsantir pirsgirêkên me çareser bibin, lewma jî divê Serokê Herêma Kurdistanê Mesûd Barzanî zû rojekê ji bo referandumê diyar bike, da ku xelkê Kurdistanê bi riya wê referandumê çerenivîsa xwe diyar bike.”

Elî Mamend ku ew jî maosteyê zanîngehê ye li devera Amêdiyê ji malpera KDP.info re ragihand: “Niha baştirîn dem e ji bo wê yekê ku gelê Kurd biryarê li ser çarenivîsa xwe bide, lewma jî pêwîst e her Kurdek piştgiriyê li vê pêngava Serok Herêma Kurdistanê bike, ji ber ku ev derfetek e û dûbare nabe. Herwiha ligel ragihandina serxwebûna Kurdistanê, dê piraniya welatên cîhanê piştgiriyê li xelkê Kurdistanê û biryara wan bikin. Lê divê niha em yekîtiyekê di nava xwe de ava bikin.”




Nûçeyên din

Biro: Rêjîma Sûriyê heşda şeibî şandiye Efrînê

SATURDAY, 24 FEBRUARY 2018 22:02:00

Hewlêr-KDP.info- Nûnerê ENKSê ji bo kongreya Cenêfê Îbrahîm Biro dibêje, hatina hêzên ser bi hikûmeta Sûriyê bo Efrînê bûye sedem ku Tirkiye êrîşên xwe li ser Efrînê zêdetir bike, ji ber ku hikûmeta Sûriyê li şûna ku hêzên fermî bişîne Efrînê hêzên heşda şeibî şandine.

 
Parlamenterê PDKê yê ku çûbû Efrînê: Emê peyama Efrînê bighînin welatên cîhanê

THURSDAY, 22 FEBRUARY 2018 22:02:07

Hewlêr-KDP.info- Nûnerê PDKê di şanda Parlamentoya Kurdistanê de ya ku çûbû Efrînê, Elî Halo ragihand ku wan dest bi serdana nûnerên welatên cîhanê yên li Kurdistanê kirine, ji bo ku peyama Efrînê bighînin wan û ew jî alîkariya wî bajêrî bikin, “bersiva wan erênî bû.”

 
Mesrûr Barzanî dê li Amerîka ligel berpirsên Koşka Spî bicive

THURSDAY, 22 FEBRUARY 2018 22:02:02

Hewlêr-KDP.info- Şêwirmendê Encûmena Asayişa Herêma Kurdistanê Mesrûr Barzanî bi serdanekê gihişt Amerîka û biryar e di wê serdanê de bi hejmarek ji berpirsên pilebilind ên wî welatî re bicive.

Rûsya: Divê hikûmeta Sûriyê ligel Kurdan gotûbêjan bike

WEDNESDAY, 21 FEBRUARY 2018 19:02:54

Ajans-KDP.info- Wezîrê Derve yê Rûsyayê Sergey Lavrov ragihand ku divê hikûmeta Sûriyê dest bi gotûbêja ligel Kurdan bike û got: “Tevgerên Amerîkayê yên ser veqetandina Kurdan ji Sûriyê, xizmeta çareseriyê nekir.”

 
Serok Barzanî û şanda ENKSê rewşa Efrînê gotûbêj kirin

WEDNESDAY, 21 FEBRUARY 2018 18:02:51

Hewlêr-KDP.info- Serok Mesûd Barzanî, li Selaheddîn pêşwazî li Desteya Serokatiya Encûmena Niştimanî ya Kurdî li Sûrya (ENKS) kir û di wê civînê de rewşa Efrînê hat gotûbêjkirin.

 


 
© 2017 Kurdistan Democratic Party, KDP