Kurdî  ■  كوردی  ■  عربي
TUE, 19 SEP 2017 20:14 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Partiyên Turkmanî piştgirî dan serxwebûna Kurdistanê..Sibe PDK û YNKê dicivin
| KDP.info


 

Hewlêr-KDP.info- 11 partiyên siyasî yên Turkmanî piştî civîna bi şanda hevbeş a PDKê û YNKê re piştgiriya xwe ji bo referanduma serxwebûna Kurdistanê û vegeriyana Kerkûkê bo ser xaka Herêma Kurdistanê aşkere kirin.

Şanda hevbeş a Pasrtiya Demokrata Kurdistanê (PDK) û Yekîtiya Niştimaniya Kurdistanê (YNK) îro duşemî 10ê Nîsana 2017ê saet 15:00 li Hewlêrê bi armanca gotûbêjkirina mijara referanduma serxwebûna Başûrê Kurdistanê bi nûnerên 11 partiyên Turkmanan re civiyan.

Piştî bidawîhatina civînê, konfranseke rojnamevanî ya hevbeş hat lidarxistin. Di vê konfransa rojnamevanî de, Endamê Polîtboruya YNKê Ednan Muftî li ser navê şanda hevbeş a YNKê û PDKê axivî û civîna îro ya bi 11 partiyên Turkmanî re bi erênî bi nav kir.

Ednan Muftî got, hewlên ji bo lidarxistina referanduma Herêma Kurdistanê dê berdewam bin û tekez kir, ku komîteyek hevbeş ji bo referandumê tê avakirin.

Muftî li ser helwesta alî û partiyên siyasî yên Turkman jî axivî û diyar kir, ku partiyên Tirkmen piştgiriya xwe ji bo referandumê anîn ziman.

Muftî got: “Me mijarên referandumê û bilindkirina Ala Kurdistanê li Kerkûkê bi birayên xwe yên tirkmen re behs kir, wan jî helwesta xwe nîşan da ku piştgirî li bilindkirina Ala Kurdistanê li Kerkûkê û lidarxistina giştpirsiya (referanduma) ji bo serxwebûna Kurdistanê kirin”.

Derbarê heman mijarê de nûnerên aliyên Turkmanan diyar kirin: “Di çend rojên derbasbûyî de, medyaya kurdî giranî xistibû ser wê yekê ku Tirkmen li dijî hildana Ala Kurdistanê li Kekrûkê ne. Nexêr, Tirkmen ne li dij in, belku hinek partî û alî hene ku li dij in. Weke tirkmen, %90ê me, em li gel bilindkirina Ala Kurdistanê û referandumê û hemû mafên gelê Kurdistanê ne”.

Muftî ragihand: “Komîteyeke hevbeş bo lidarxistina referandumê dê pêk were. Herwiha dê sibe cardin PDK û YNKê bicivin.”




Nûçeyên din

Barzanî: Em serxwebûnê dixwazin, kursî û pereyan ji Bexdayê naxwazin..Biryarên Bexdayê naghên Kurdistanê

TUESDAY, 19 SEPTEMBER 2017 18:09:07

Soran-KDP.info- Serokê Herêma Kurdistanê Mesûd Barzanî li kernevala piştevaniya referandoma serxwebûnê ya devera Soranê ragihand: “Em serxwebûnê dixwazin, em kursî û pereyan ji Bexdayê naxwazin û biryarên Hikûmeta Iraqê û Parlamentoya Iraqê naghên Kurdistanê.

 
Malbatên şehîdan: Serxwebûn wefa ye ji bo xwîna zarokên me

TUESDAY, 19 SEPTEMBER 2017 18:09:24

Hewlêr-KDP.info- Roj bi roj dema lidarxistina referanduma Başûrê Kurdistanê ji bo serxwebûnê nêzîk dibe û piştgiriyên ji bo vê proseyê jî berfirehtir dibin. Malbatên şehîdan dibêjin xwîna şehîdan ji bo serxwebûnê bû û tekane wefa ji bo xwîna wan şehîdan serxwebûn e.

 
Serok Barzanî bo Wezîrê Brîtanya: Bê garentiyeke navdewletî em referandumê paş naxin

MONDAY, 18 SEPTEMBER 2017 22:09:26

Hewlêr-KDP.info- Di bersiva daxwaza Wezîrê Bergiriyê yê Brîtanya bo paşxistina referandumê, Serokê Herêma Kurdistanê Mesûd Barzanî ragihand bê garentiyeke navdewletî Kurdistan referandumê paş naxe.

 
Seidî Pîre: Sibe şanda referanduma Kurdistanê biçe Bexdayê

MONDAY, 18 SEPTEMBER 2017 21:09:49

Hewlêr-KDP.info- Endamê Komîteya Bilind a Referandumê Seidî Pîre ragihand ku biryar e sibe Sêşemê şanda Herêma Kurdistanê bo gotûbêjan derbarê proseya referandumê serdana Bexdayê bike.

 
Wezîrê Darayî: Bo piştevaniya serxwebûnê min dest ji Goran berda

MONDAY, 18 SEPTEMBER 2017 20:09:18

Silêmanî-KDP.info- Wezîrê Darayî û Aborî yê Hikûmeta Herêma Kurdistanê yê ji pişka Tevgera Goranê, Rêbaz Hemlan ji ber piştgirînedana Goranê bo referanduma serxwebûna Herêma Kurdistanê, dest ji vê tevgrê berda û divêje bo piştevaniya serxwebûna Kurdistanê min dest ji Goran berda.

 


 
© 2017 Kurdistan Democratic Party, KDP