Kurdî  ■  كوردی  ■  عربي
FRI, 28 APR 2017 13:14 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Parlemanterê Kurd: PKK bûye darê destê Malikî..Bakur û Rojava wêran kirine
| KDP.info


 

Bexda-KDP.info- Parlemanterekî Kurd li Bexdayê eşkere dike ku PKK bûye darê destê Nûrî Malikî û li gorî belgeyên li ber dest, Malikî bi çendîn awe û qonax alîkariya PKKê kiriye û bi riya Balagirgeha Silêmaniyê çek û teqemenî ji PKKê re çûne Qendîlê.

 

Parlemanterê PDKê li Bexdayê Şaxewan Ebdulah ji malpera KDP.info re ragihand: “Li sala 2015 me komek belgeh eşkere kirin ku didin xuyakirin çawa Heşda Şeibî û Malikî bi qasî 2 milyar û 600 milyon dînar li Şingalê alîkariya PKKê kirine û hewl didan ku Êzdiyan ji rê bibin, lê ev yek ji wan re neçû serî û nikarîn xelkê navçeyê bi pereyan bikirin. Lê Malikî û Heşda Şeibî çekdarên PKKê ji Qendî û Sûriyê kişandin û anîn navçeya Şingalê û sînorê Başûr û Rojhilatê Kurdistanê, ji bo dijayetîkirina serxwebûna Herêma Kurdistanê û parastina sînorê Îranê ji Pêşmergeyên PDK-Î.”

Şaxewan Ebdulah wiha got: “Mixabin li şûna ku PKK bibe partiyeke şoreşgêrî û hewl bide mafê Kurdan li Bakurê Kuridstanê bidestve bixe, li dijî Herêma Kurdistanê ji bo berjewendiya welatên navçeyê kar dike. Li Rojavayê Kurdistanê jî ziyaneke mezin gihandine gelê Kurd. Zarokên Kurdan bi kuştin dane û piştre ew navçeyên ku bi xwîna ciwanên Kurd hatine rizgarkirin, dane destê rêjîma Esed.”

Wî siyasetmedarê Kurd wiha domand: “Li Bakurê Kurdistanê her Kurd kirine qurbanî berjewendiyên partiya xwe û mal û bajarên Kurdan wêran kirine. Li Başûrê Kurdistanê Hikûmeta Kurdistanê û Hêzên Pêşmerge wek dijmin ji xwe re dibînin û dixwazin Hikûmeta Iraqê destê xwe deyne ser navçeyên madeya 140, lê ne bi PKK û ne jî bi ti aliyekî din êdî hikûmet û artêşa Iraqê venagerin ser wan navçeyên Kurdistanî. Malikî PKK bi kirê girtiye û çekdarên wan kirine darê destê xwe. Li gorî belgeyên li ber dest, Malikî bi çendîn awe û qonax alîkariya PKKê kiriye û bi riya Balagirgeha Silêmaniyê çek û teqemenî ji PKKê re çûne Qendîlê. Di her pirseyeke li dijî Kurdan de, destê Malikî tê de heye, di vê yekê de jî Malikî û PKK yeknêrîn in û herdu li dijî gelê Kurd in.”
 




Nûçeyên din

PDK: Êdî cîhan pir baş mafê gelê Kurd fêm dike

THURSDAY, 27 APRIL 2017 17:04:22

Hewlêr-KDP.info- Sekreterê Polîtburoya PDKê Fazil Mîranî di pêşwaziya şandekê ji Balyozxaneya Brîtanya li Hewlêrê ragihand ku êdî cîhan û civaka navdewletî têgiheştineke baş li cem wan çêbûye ji bo mafê gelê Kurd.

 
Parlamentoya Iraqê: Divê hêzên biyanî ji Şingalê derkevin

THURSDAY, 27 APRIL 2017 15:04:30

Bexda-KDP.info- Di civîna îro ya Parlamentoya Iraqê de biryar li ser derxistina her hêzeke biyanî ku bibe sedema çêkirina metirsiyê li ser welatên derdorê. Parlemanterekî PDKê jî eşkere dike ku parlamentoyê daxwaza qerebûkirina kesan dike ku ziyan ji bombebarana Tirkiyê dîtine.

 
Berwarî: Em dihatin kîmyabarankirin û PKKê jî alîkarî ji Iraq û Sûriyê distend

THURSDAY, 27 APRIL 2017 14:04:07

Hewlêr-KDP.info- Şirovekarê siyasî Ebdulselam Berwarî dibêje, PKK di dema ku xelkê Kurdistanê dihatin kîmyabarankirin û enfalkirin, alîkarî ji rêjîmên Beis ên li Iraq û Sûriyê distend. Herwiha tekez dike ku êdî qet PKK nabe hêzekî Kurdistanî.

 
Erdogan û Yildirim bo Serok Barzanî: Êrişa li Şingalê bi şaşî bû

WEDNESDAY, 26 APRIL 2017 21:04:00

Hewlêr-KDP.info- Serokomar û Serokwezîrê Tirkiyê pêwendî bi Serokê Herêma Kurdistanê Mesûd Barzanî re kirin û dilgiraniya xwe li hember şehîdbûna 6 pêşmerge û birîndarbûna 8 pêşmergeyan nîşan dan. Erdogan û Yiildirim serxweşî li Barzanî kirin û gotin, ku bombebarana pêşmerge li Şingalê bi şaşî çê bûye.

 
Efrîn- PKK êriş kiriye ser mala serkirdeyê ENKSê

WEDNESDAY, 26 APRIL 2017 21:04:04

Efrîn-KDP.info- Endamê Serkirdatiya ENKSê û Endamê Komîteya Navendî ya PDK-Sê Ebdulrehman Apo ragihand ku duhî danê êvarê çekdarên PKKê li navçeya Eşrefiye ya Efrînê êriş kirin ser mala wê û ew û malbata wî ji kuştinê filitîn.

 


 
© 2017 Kurdistan Democratic Party, KDP