Kurdî  ■  كوردی  ■  عربي
THU, 19 OCT 2017 10:24 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Polîtburoya PDKê: Barzaniyê nemir riya rizgarî û serxwebûnê nîşanî me da
| KDP.info


 

Hewlêr-KDP.info- Polîtburoya PDKê di salvegera koça dawî ya Barzaniyê nemir de peyamek belav kir û tê de ragihand, Barzaniyê nemir riya rizgarî û serxwebûnê nîşanî neteweya Kurdî da û ew armanc niha ji her demê nêzîktir e.

Ev jî tekesta wê peyamê:

“Îro 28-2-2017, 38 sal bi ser koça dawî ya rêberê tevgera rizgarîxwaza Kurdistanê û damezrênerê PDKê Mela Mistefa Barzanî re derbas dibe. Ew rêberê xebateke efsaneyî bê wêne, ew serkirdeyê ku şoreşa rewa ya miletekî mezlum û azadîxwaz xist ser milê xwe û riya gehîştin bi rizgarî û serxwebûnê nîşanî neteweya Kurdî da û ew armanc jî niha ji her demê nêzîktir e.

Mistefa Barzanî ew rêber e ku pêşrewiya Kurdan kir ji bêomêdiyekê ber bi hêvî û omêdî û bawerî û paşerojeke geştir. Herwiha bi xebateke zehmet û dijwar miletek xist ser wê baweriyê ku êdî Kurd bindestî û dagîrkeriyê qebûl nekin û divê bighên mafên xwe, lewma jî em gihîştin vê qonaxa ku em niha gihîştinê.

Barzaniyê nemin pirensîp û nirxên mirovdostî û aştîxwaziyê û dûr ji şerxwazî û tundiyê dabû ber çavê xwe, ev yek jî bû sedemek ku tevgera rizgarîxwaza Kurdistanê wek rêbazeke rewa û bi rêz li cîhanê bê dîtin.

Barzanî di demekê de dest bi xebatê kir ku dagîrkerên Kurdistanê bihêz û xwedî piştevanî bûn, Kurd jî jibilî Xwedê û rewatiya doza wan, ligel amadehiya zarokên wan bo xwe qurbanîkirinê di ber azadiyê de, ti pişt û dosteke wan tine bûn. Lewma jî berê xwe dan baweriya bi xwe û bi doza rewa ya gelê xwe.

Niha di dema ku em salvegera koça dawî ya rêberê mezin bibîr tînin, Kurd ji her demê nêzîktir bûne ji serkeftin û wergirtina mafê xwe yê çarenivîsê û serxwebûna Kurdistanê re. Em li ser pirensîpên Barzaniyê nemir nêzîkî bidestxistina mafên xwe yên rew dibin û derfet ji wê yekê re hatiye pêş, herwiha pişt û piştevaniyeke navdewletî jî bo Kurdistanê heye. Tenê maye ku em di nav xwe de jî piştevaniyê hev bin û yek dil û yek bawerî bin û em ber bi çinîna berhema xebata dûrûdirêj a miletê xwe û Barzaniyê nemir ve biçin û em nehêlin ti nakokî bibin rêgir li pêşiya me. Divê em hemû di asta vê berpirsyaretiya dîrokî de bin û vê derfetê ji destê xwe bernedin.”




Nûçeyên din

Kerkûk- Heşda Şeibî hemû navendên PDKê li Dubiz jî talan kirin û şewitandin

WEDNESDAY, 18 OCTOBER 2017 21:10:51

Dubiz-KDP.info- Rêveberê Asayişa Dubiz Elî Mihemed dibêje, çekdarên Heşda Şeibî piştî ku hatin navçeyê hemû navendên PDKê li Dubiz talan kirin û şewitandin.

 
Berpirsekî PDKê: Bila hemû cîhan bibîne Heşda Şeibî li Kerkûkê çi tîne serê Kurdan

WEDNESDAY, 18 OCTOBER 2017 20:10:27

Kerkûk-KDP.info- Berdevkê Encumena Serkirdatiya PDKê li Parêzgeha Kerkûkê Ednan Kerkûkî ragihand ku çekdarên Heşda Şeibî bi cilên Polîsên Federal li nava Kerkûkê zilm û sivkatiyê li welatiyên Kurd dikin, lewma jî ya baş ku xelkê ku koçber bûne niha venegerin ser malên xwe.

 
Heşda Şeibî li Xurmatû malên Kurdan talan dike

WEDNESDAY, 18 OCTOBER 2017 19:10:19

Xurmatû-KDP.info- Li nava qezaya Xurmatû çekdarên Heşda Şeibî dest bi talankirin û şewitandina mal û bazarên Kurdan kirine. Berpirsekî PDKê li wê navçeyê jî dibêje, bi dehan xelkê sivîl û xwebexişên Kurd ji aliyê Heşda Şeibî ve şehîd bûne.

 
Kerkûk- Heşda Şeibî navendên PDKê teqandine

WEDNESDAY, 18 OCTOBER 2017 18:10:26

Kerkûk-KDP.info- Çekdarên Heşda Şeibî li bajarê Kerkûkê dest bo teqandina navendên PDKê li wî bajêrî kirine, herwiha gef û tawanan li dijî welatiyên Kurd ên Kerkûkê dikin.

 
Xelk ji ber Heşdî Şeibî ji Kerkûkê direvin

WEDNESDAY, 18 OCTOBER 2017 17:10:34

Hewlêr-KDP.info- Ji ber kirdarên xirab, gef, destdirêjiya ser mirovan û sivikatîkirina li hember pîroziyên kurd ji aliyê çekdarên Heşda Şeibî ve, hemwelatiyên kurd ji Kerkûkê direvin û berê xwe didin bajarên Herêma Kurdistanê.

 


 
© 2017 Kurdistan Democratic Party, KDP