Kurdî  ■  كوردی  ■  عربي
SUN, 17 FEB 2019 19:58 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Wezîrê Derve yê Fransa: Kêfxweş im ku Barzanî dostê min e
| KDP.info


Hewlêr-KDP.info- Wezîrê Derve yê Fransa Jean-Yves Le Drian dibêje: “Ez kêfxweş im ku kesekî wekî Serok Barzanî dostê min e.”

Wezîrê Derve yê Fransa Jean-Yves Le Drian, îro li Hewlêrê bi Serok Mesûd Barzanî re hevdîtin kir. Le Drian dema dixwast ber bi Fransayê ve biçe, ji rojnamevanan re behsa naveroka hevdîtinên xwe bi rayedarên Kurdistanê re kir.

Le Drian da zanîn ku ev şeşemîn car e ku ew wek wezîrê derve yê Fransa tê Herêma Kurdistanê û got, serdana vê carê ya dostanî, wefa, rêzgirtinê bû bo Kurdan.

Wezîrê derve yê Fransa behsa mêrxasiya Pêşmerge di şerê li dijî DAIŞê de kir û wiha got: “Pêşmerge rolek mezin di şikandina DAIŞê de lîst. Ji ber wê jî hurmeta min ji Pêşmerge û Kurdistanê heye. Pêwendiyên Fransa û Herêma Kurdistanê dîrokî û qedîm in. Ji xwe pêwendiyên Serok Barzanî û serokên Fransa jî gelekî baş û pozîtîf in.”

Le Drian pesnê Serok Barzanî da û got: “Ez kêfxweş û bi şans im ku dostatiya min jî bi Serok Barzanî re heye.”

Le Drian behsa DAIŞê jî kir û got, tirsa wê yekê heye ku rewş dîsa xirab bibe. Bi taybet ew tiştên ku li bakûrê rojhilatê Sûriyê diqewimin, vê yekê nîşan didin. Ji ber wê jî divê hewlên cidî bo nehîştina vê metirsiyê bên dayîn.

Li ser rewşa Kurdên Êzdî jî Wezîrê Derve yê Fransa ragihan: “Kurdên Êzdî rastî gelek zehmetî û nexweşiyan hatin. Mixabin ew niha nikarin vegerin Şingalê. Ez hez dikim dosyeya Şingalê di asta navdewletî de were şopandin.”




Nûçeyên din

Kurdistan û Îmarat dixwazin pêwendiyên xwe bihêztir bikin

SUNDAY, 17 FEBRUARY 2019 15:02:00

Almanya-KDP.info- Di duyemîn roja Kongreya Munich a Asayişê de Mesrûr Barzanî û Wezîrê Dewletê yê ji bo Karûbarê Derve yê Îmarat Enwer Qerqaş civiyan û herdû aliyan tekez kir ku ew dixwazin pêwendiyên xwe bihêztir bikin.

 
Wezîra Almanya: Kurdistaneke bihêz girîng e

SUNDAY, 17 FEBRUARY 2019 13:02:03

Almanya-KDP.info- Mesrûr Barzanî û Wezîra Bergîriyê ya Almanya li Munichê civiyan û di wê hevdîtinê de wezîra Almanî got ku welatê wê dê berdewam be li ser alîkarî û piştevaniya Hêzên Pêşmerge.

 
Mesrûr Barzanî: Rewşa Kurdên Rojava yek ji mijarên civînan bû

SUNDAY, 17 FEBRUARY 2019 13:02:36

Munich-KDP.info- Şêwirmendê Encûmena Asayişa Herêma Kurdistanê Mesrûr Barzanî li Munichê ragihand ku, dixwazin hevkarî û piştgîriya navdewletî ya zêdetir ji Herêma Kurdistanê re peyda bikin. Herwiha got jî ku rewşa Kurdên Sûriyê û metirsiyên serhildana DAIŞê mijarên civînên wî bûn ligel berpirsên welatan.

 
Mesrûr Barzanî û Wezîrê Bergîriyê yê Tirkiyê rewşa navçeyê gotûbêj kirin

SATURDAY, 16 FEBRUARY 2019 18:02:50

Munich-KDP.info- Mesrûr Barzanî û Wezîrê Bergîriyê yê Tirkiyê civiyan û di wê civînê de herdû aliyan behsa rewşa navçeyê û pêwendiyên Herêma Kurdistanê û Tirkiyê kirin.

 
Mesrûr Barzanî û Wezîrê Bergîriyê yê Brîtanya: Divê mafê Kurdan li Sûriyê parastî be

SATURDAY, 16 FEBRUARY 2019 17:02:40

Munich-KDP.info- Mesrûr Barzanî û Wezîrê Bergîriyê yê Brîtanya civiyan û di wê civînê de herdû alî hevnêrîn bûn ku pêwîst e mafê pêkhateyan di pêşeroja Sûriyê de parastî be, di nav wan de jî mafê gelê Kurd.

 


 
© 2018 Kurdistan Democratic Party, KDP