Kurdî  ■  كوردی  ■  عربي
MON, 10 DEC 2018 21:17 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî: Derfetek ji bo rastkirina proseya siyasî ya Iraqê heye
| KDP.info


Hewlêr-KDP.info- Şêwirmendê Encûmena Asayişa Herêma Kurdistanê Mesrûr Barzanî pêşwazî li Hevrêzkarê Karûbarên Nivîsgeha Balyozxaneya Norwecê li Iraqê kir û di hevdîtinekê de ragihand, derfetek ji bo rastkirina proseya siyasî ya Iraqê li holê ye.

Îro Çarşema 05.12.2018ê Şêwirmendê Encûmena Asayîşa Herêma Kurdistanê Mesrûr Barzanî pêşwazî li karbidestê karûbarê ofîsa balyozxaneya Norwecê ya Iraqê Rewar Hogisdal kir.

Di hevdîtinê de hejmarek babetên girêdayî rewşa navçeyê bi giştî û pêwendiyên dualî yên di navbera herêma Kurdistanê û Norwecê yên hemû aliyan ve hate gotûbêjkirin.

Herwaha di hevdîtinê de proseya pêkanîna kabîneya nû ya hikûmeta Herêma Kurdistanê û proseya siyasî ya Iraqê hate guftûgokirin. Di vê derbarê de Mesrûr Barzanî amaje bi serdana serok Barzanî ya Bexdayê û asoya pêwendiyên di navbera Bexda û Hewlêrê de kir û ragehand ku, derfetek baş bo rastkirina proseya siyasî ya Iraqê li holê ye û diyar kir, ku di vê mijarê de pêwîstiya Bexda û Hewlêrê bihev heye. Herwaha amaje bi cîbicînekirina madeyên destûrê Iraqê û kêmaniyên projeya budceya Iraqê li hember mafên Herêma Kurdistanê kir.

Ji aliyê xwe ve karbidestê karûbarê ofîsa balyozxaneya Norwecê ya Iraqê, spasiya Mesrûr Barzanî kir li ser vê hevdîtinê û pîrozbahî lê kir ku bûye namzed bo serokatiya hikûmeta Herêma Kurdistanê û hêviya serkeftinê û pêşketina zêdetir bo Herêma Kurdistanê xwest. Herwaha amadebûna welatê xwe jî nişan da bo pêşxistin û bilindkirina asta pêwendiyan û berfirehkirina alîkariyan û piştevaniyê bo hikûmeta Herêma Kurdistanê.

Nûnerê Norwec herwiha alîkarî û asankariyên Herêma Kurdistanê yên ji bo tîmên welatê xwe jî bilind nirxand û bi kurtî behsa kar û çalakiyên mirovî û astengiyên li pêş proseya avedankirinê, bi taybet jî li parêzgeha Neynowa, herwaha rola welatê xwe di Hevpeymaniya Navdewletî ya dijî DAIŞê de teqez kir, ku ew di wî şerî de berdewam dibin.




Nûçeyên din

Brîtanya: Emê berdewam bin li ser piştgiriya Herêma Kurdistanê

MONDAY, 10 DECEMBER 2018 18:12:16

Hewlêr-KDP.info- Serokwezîrê Herêma Kurdistanê di hevdîtina li gel Balyozê Brîtanya yê li Iraqê de, tekezî li ser encamdana reforman di saziyên hikûmetê û zêdekirina çavkaniyên dahatê di sektora giştî û taybetî ya Herêma Kurdistanê de kir.

 
Serok Barzanî peyameke sersaxiyê ji Patriyakê Dêra Aşûrî re şand

SUNDAY, 09 DECEMBER 2018 21:12:35

Hewlêr-KDP.info- Serok Masûd Barzanî peyameke sersaxiyê ji Qedasetê Patriyak Mar Gorgîsê Sêyem Silêwe re şand. Ev jî tekesta wê peyamê ye:

 
Qaymeqamê Mûsilê: Em spasiya Serok Barzanî dikin

SUNDAY, 09 DECEMBER 2018 21:12:54

Mûsil-KDP.info- Piştî ku qaymeqamê Mûsilê daxwaz ji Serok Barzanî kir bi hewara xelkê Mûsilê ve biçe ji ber ku lehî li Mûsilê çêbibû, Serok Barzanî jî bersiva bangewaziya qaymeqamê Mûsilê da û Dezgeha Xêrxwaziyê ya Barzanî erikdar kir ku alîkariya xelkê Mûsilê bike, Qaymeqamê Mûsilê Zuhêr Ehrcî ragihand: “Em spasiya helwesta Serok Barzanî dikin.”

 
Heşda Şeibî û hêzên Iraqê nahêlin alîkarî bighên Çiyayê Şingalê

SUNDAY, 09 DECEMBER 2018 16:12:29

Şingal-KDP.info- Fermandarê Fermandeya Pêşmerge li Şingalê Qasim Şeşo dibêje, hêzên Iraqê û Heşda Şeibî nahêlin rêxistinên navdewletî û xêrxwazî alîkariyan bighînin koçberên ser Çiyayê Şingalê.

 

Brîtanya: Emê alîkariya pêşketin û avedankirina Kurdistanê bikin

SUNDAY, 09 DECEMBER 2018 16:12:10

Hewlêr-KDP.info- Şêwirmendê Encûmena Asayişa Herêma Kurdistanê Mesrûr Barzanî û Balyozê Brîtanya li Iraqê Jon Wilks civiyan û di wê hevdîtinê de şanda mêvan got ku welatê wan dê hevkar be ji bo ku Herêma Kurdistanê zêdetir pêşketî û avedan be.

 



 
© 2018 Kurdistan Democratic Party, KDP