Kurdî  ■  كوردی  ■  عربي
FRI, 24 MAY 2019 14:49 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî: Em ji dil pîrozbahiyê li Nadiya Murad dikin
| KDP.info


 

Hewlêr-KDP.info- Serokwezîrê Herêma Kurdistanê Nêçîrvan Barzanî ji ber wergirtina xelata Nobel a Aştiyê, di peyamekê de pîrozbayî li keça Kurda Êzidî Nadiya Murad kir û dibêje, “ev xelat tenê bo kesekî nîne, lê belê bo xweragirî û qurbaniyên Êzidyan û tevahiya gelê Kurdistanê ye.”

Nêçîrvan Barzanî di vê peyama xwe ya pîrozbayiyê ya bo Nadiya Murad de ragihandiye: “Bi helkevta bidestxistina Xelata Nobel a Aştiyê, ji dil ve em pîrozbahiyê li xatûn Nadiya Murad dikin, her weke ku hertim kar û çalakiyên wê cihê şanazî û kêfxweşia me bûn, dayîna Xelata Nobel a Aştiyê bi xatûn Nadiyayê jî cihê şanazî û kêfxweşiya me û hemû xelkê Kurdistanê ye.”

Serokwezîrê Herêma Kurdistanê herwiha hêvî dike, ku “ev xelat ji ber wan hemû êş û azarên ku hatine serê wê û malbata wê, hinek dilê xatûn Nadiyayê aram bike, herwiha dilê xûşk û birayên Êzidî jî ji ber wê karesata ku hate serê wan, aram bike, çimku ev xelat tenê bo kesekê nîne, belku ji bo xeragirî û qurbaniyên Êzidyan û tevahiya gelê Kurdistanê ye.”

Nêçîrvan Barzanî di berdewamiya peyama xwe de dibêje: “Xatûn Nadiya Murad ku sembola qurbaniyên Êzidî û rûbirûbûna terorê û hilgirê peyama aştî û mirovatiyê ye di cîhanê de, hertim di kar û çalakiyên wê yên mirovî de, piştgiriya me ya temam pê re bûye û dê bibe jî. Em hêviya serkevtinê jê re dixwazin û careke din pîrozbahiyê li wê dikin.”


 




Nûçeyên din

Serok Barzanî û Eyad Elawî guhertinên navçeyê gotûbêj kirin

THURSDAY, 23 MAY 2019 23:05:25
Hewlêr-KDP.info- Serok Mesûd Barzanî pêşwazî li Siyasetmedarê Iraqê Eyad Elawî kir û di wê hevdîtinê de herdû aliyan rewşa Iraqê û guhertinên navçeyê gotûbêj kirin Îro Pênçşema 23.05.2019 li Selaheddîn Serok Mesûd Barzanî pêşwaziya Eyad Elawî Serokê Hevpeymaniya Niştimaniya Iraqî kir.
 
Li Xaneqîn dest bi şewitandina baxên Kurdan kirine

THURSDAY, 23 MAY 2019 06:05:16
Xaneqîn-KDP.info- Heta niha zêdetirî 700 donim zeviyê çandiniyê yê Kurda hatine şewitandin ku niha jibilî şewitandina genm dest bi şewitandina baxên Kurdan hetiye kirin.
 
“Ji ber nebûna Hêzên Pêşmerge li navçeyên Kurdistanê DAIŞ derketiye”

THURSDAY, 23 MAY 2019 05:05:56
Navçeyên Kurdistanî-KDP.info- Terorîstên DAIŞê li navçeyên Kurdistanî yên madeya 140 dest bi tevgerê û şewitandina genimê cotkaran kirine û bac û serane jî ji welatiyên Kurd distînin. Pisporek di warê girûpên Îsalmî yên tundrew de jî dibêje, îstixbaratên welatan ji bo armancên xwe DAIŞ bikar tînin, herwiha nebûna Hêzên Pêşmerge li wan navçeyên Kurdistanê rê ji DAIŞê re vedike ku serî hilde.
 
Li Xaneqîn jî erd û genmê Kurdan dişewitînin..Destê Heşda Şeibî tê de heye

TUESDAY, 21 MAY 2019 17:05:43

Xaneqîn-KDP.info- Berpirsê Şaxa 15 a PDKê li Xaneqîn Şêx Ceifer Şêx Mistefa dibêje, şewitandina erd û genmê Kurdan li sînorê Xaneqîn berdewam e û heta niha nêzîkî 700 donim hatiye şewitandin. Ew dibêje, destê Heşda Şeibî di wî karî de heye û êdî xelkê navçeyê nema karin tehemûl bikin.

 
Ev 57 sal e ku Serok Barzanî Pêşmerge ye

MONDAY, 20 MAY 2019 20:05:24

Bîstê meha 5an sala 1962 ew roj bû ku Serok Mesûd Barzanî çekê şerefê yê pêşmergayetiyê avêt ser milê xwe.

 


 
© 2018 Kurdistan Democratic Party, KDP