Kurdî  ■  كوردی  ■  عربي
WED, 17 OCT 2018 04:38 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî: Rojên zehmet derbas dibin, siberojeke ronahî û geştir li pêşiya me ye
| KDP.info


Hewlêr-KDP.info- Serokwezîrê Herêma Kurdistanê Nêçîrvan Barzanî ragihand, ku piştî dorpêç û sizakirinên li ser Herêma Kurdistanê rojên zor û zehmet derbas bûne û diyar kir, ku niha siberojeke ronahî û geştir li pêşiya Herêma Kurdistanê ye.

Serokwezîr Barzanî îro li Hewlêrê beşdarî merasîma vekirina “Navenda Perwerde û Pêşxistinê ya Wezareta Elektrîkê” bû û gotarek pêşkeş kir.

Nêçîrvan Barzanî di destpêka axaftina xwe de spasiya hikûmeta Japonyayê kir, ku di çarçoveya denynên ji bo Iraqê de li Herêma Kurdistanê alîkarî daye çêkirina vê projeyê û got: “Ev ne yekemîn car e hikûmeta Japonyayê û Ajansa JICA hevkariya Herêma Kurdistanê dikin. Weke hikûmet û gelê Herêma Kurdistanê hezkirin û rêzdariya me li hember dostanî, kar û bernameyên Japonyayê yên li Herêma Kurdistanê heye.”

Serokwezîr Barzanî destnîşan kir, ku bi tevê hemû zehmetiyan jî hertim hikûmeta Herêma Kurdistanê ji bo çaksaziyan îrade nîşan daye û pêvajoya çaksaziyan jî di hemû waran de berdewam dike. Herwiha anî ziman ku vekirina vê navendê jî ji bo pêşxistina şiyanên mirovî, pîşeyî û zanistî yên karmendên Wezareta Elektrîkê ye û beşek e ji karên çaksaziyê.

Nêçîrvan Barzanî got: “Ev rewşa ku zêdetirî 4 salan e di ser Herêma Kurdistanê de hatiye sepandin, birîna bûdceyê, şerê DAIŞê, hatina nêzîkî 2 milyon koçber û penaberan bo Herêma Kurdistanê, daketina nirxê petrolê, bi tevê kêşeyên siyasî yên Iraq û Herêma Kurdistanê, tev de bûne li hember plan û bernameyên xizmetguzariyê yên hikûmeta Herêma Kurdistanê bûne asteng. Lê bi tevê vê yekê jî daxwaza hikûmet û gelê Herêma Kurdistanê ya ji bo pêşkeftin û jiyaneke baştir weke xwe maye. Piştî alozî û bûyerên dawiya sala borî, gelek hewldan hebûn da ku Herêma Kurdistanê were dorpêçkirin û heta hewla jêbirinê jî hate kirin. Lê Herêma Kurdistanê bi xweragiriya gelê xwe û bi hewldanên berdewamî yên hikûmetê, rûbirûyê hemû zehmetî û metirsiyan bû, cih û pêgeha xwe li ser asta Iraqê, navçeyê û cîhanê jî wergirt.”

Di berdewama axaftina xwe de Serokwezîr Barzanî diyar kir; “Rojên zehmet derbas dibin û berbangeke ronahî û paşerojeke geştir li pêşiya Herêma Kurdistanê ye. Bi berxwedêriya Kurdistaniyan û bi kar û hewldanên bênavber ên hikûmetê ji bo çaksaziyan, em ber bi jiyanake baştir pêngav diavêjin.”

Nêçîrvan Barzanî bang li aliyên Kurdistanî kir, ku yekgirtî bin û bi bernameyeke hevpar beşdarî guftûgoyên pêkanîna hikûmeta nû ya Iraqê bibin û got: “Armanca me ye sereke jî pêkanîna şêrîkatiyeke rastîn e li Iraqê û misogerkirina mafên destûrî yên Herêma Kurdistanê ne.”

Nêçîrvan Barzanî di dawiya axaftina xwe de pêşmergeyên di operasyonên dawîn de şehîd bûne jî bi rêzdarî bibîr anî û hêviya başbûnê ji pêşmergeyên birîndar re xwest.

Herwiha Serokwezîrê Kurdistanê ragihand, ku Herêma Kurdistanê ji bo rûbirûbûna terorê amade ye li gel Iraqê hemahengiyê bike û di vê çareçoveyê de daxwaz kir, ku alîkariyên Hevpeymaniya Navdewletî yên ji bo Herêma Kurdistanê û Iraqê ujî berdewam bin.

 




Nûçeyên din

Kerkûkî:Em xayinên 16ê Cotmehê efû nakin û divê bên dadgehkirin

TUESDAY, 16 OCTOBER 2018 17:10:56

Hewlêr-KDP.info- Xelk û çalakvanên Kerkûkê dibêjin em xayinên 16ê Cotmehê efû nakin û daxwaza dadgehkirina wan xayinan dikin.

 
Îsmaîl Beşikcî: Karesata Kerkûkê xiyaneteke mezin bû û birîneke mezin e ji Kurdan re

TUESDAY, 16 OCTOBER 2018 16:10:14

Duhok-KDP.info- Dostê gelê Kurd, ronakbîr û dîroknivîsê Tirk Îsmaîl Beşikcî di salvegera xiyaneta 16ê Cotmeha 2017ê de dibêje, xiyaneta Kerkûkê xiyaneteke mezin bû û birîneke mezin bû ji Kurdan re.

 
Serok Barzanî: Me qet texmîn nedikir ku li Kerkûkê destekî Kurdî ji pişt ve xencerê li me bide

TUESDAY, 16 OCTOBER 2018 15:10:11

Hewlêr-KDP.info- Serok Mesûd Barzanî di salvegera bûyerên 16 Cotmeha 2017an de peyamek belav kir û têde ragihand, “16 Cotmehê rojeka tarî ye di dîroka gelê me de û di wê rojê de bû ku xiyaneta necamêrane li hêvî û xewnên gelekî mezlûm hat kirin.”

 
Cîgirê Wezîrê Derve yê Amerîka: Em piştgiriya Kurdistanê dikin

MONDAY, 15 OCTOBER 2018 23:10:33

Hewlêr-KDP.info- Bi serokatiya Cîgirê Wezîrê Derve yê Amerîkayê şandeke payebilind a Amerîkî li gel Serokwezîrê Herêma Kurdistanê Nêçîrvan Barzanî civiya û piştgiriya wî welatî bo Herêma Kurdistanê piştrast kir.

 
Beşikcî: Serok Barzanî rêberiya doza rewa ya gelê Kurdistanê dike

MONDAY, 15 OCTOBER 2018 14:10:08

Hewlêr-KDP.info- Serok Mesûd Barzanî pêwazî li dostê gelê Kurd, ronakbîr û dîroknivîsê Tirk Îsmaîl Beşikcî kir û Serok Barzanî ragihand, Beşikcî ji bo me hemûyan cihê şanazî ye û sembol, nêrînên wî yên di derbarê gelê Kurdistanê de cihê girîngîdaneke zêde ye.

 


 
© 2018 Kurdistan Democratic Party, KDP