Kurdî  ■  كوردی  ■  عربي
FRI, 20 JUL 2018 15:34 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Kerkûk- Erdê bi hezaran cotyarên Kurd dagîr kirine
| KDP.info


 

Kerkûk-KDP.info- Proseya dagîrkirina erdên Kurdan li parêzgeha Kerkûkê berdewam e û Rêveberê Giştî Çandiniya Kerkûkê Mehdî Mubarek dibêje, bi hezaran erdê Kurdan hatine dagîrkirin. Li gorî pilana herî dawî dê erdê zêdetirî 5 hezar Kurd ji wan bê stendin û bi ser Ereban de bê parvekirin.

Piştî bûyerên 16ê Cotmeha 2017ê û dagîrkirina Kerkûkê ji aliyê hêzên Iraqê û Hedşa Şeibî ve, êdî proseya bi erebkirina Kerkûkê destpê kir û erdê Kurdan ji wan hatiye stendin û Ereb li wan hatine bicîhkirin.

Rêveberê Giştî Çandiniya Kerkûkê Mehdî Mubarek ji malpera KDP.info re ragihand: “Proseya bi erebkirinê li Kerkûkê berdewam e, nexasim jî li ser erdên ku tên çandinî. Hikûmeta Iraqê hewl dide ku erdê Kurdan ji wan bistîne û bide Ereban û ev yek berûvajî destûrê Iraqê ye.”

Di dema rêjîma Sedam de, Ereb li ser gund û erd û malên Kurdan li Kerkûkê hatin bicîhkirin, lê piştî rûxandina wê rêjîmê, ew Ereb hatin tawîz û qerebûkirin û hatin vegerandin bo cihên wan ên resen. Lê piştî dagîrkirina Kerkûkê ji par, careke din ew Ereb bi alîkariya hikûmeta Iraqê vegeriyane ser erdê Kurdan.

Mehdî Mubarek wiha got: “Li gorî hikûmeta Iraqê ew Erebên ku hatine ser erdê Kurdan pêwîst e li ser erdê Kurdan bimînin û ev yek jî bi erebkirina Kerkûkê ye. Bi erebkirina Kerkûkê û dagîrkirina erdên wan pirsgirêkan mezintir dike û ew pirsgirêk siyasî ye. Li gorî pilana herî dawî dê erdê zêdetirî 5 hezar Kurd ji wan bê stendin û bi ser Ereban de bê parvekirin.”


 




Nûçeyên din

Kerkûk- Heşda Şeibî ji aliyekî û DAIŞ ji aliyê din ve gefan li Kurdên Kakeyî dikin

THURSDAY, 19 JULY 2018 18:07:23

Hewlêr-KDP.info- Kurdên Kakeyî di navbera Heşda Şeibî û DAIŞê de bûne qurbanî, ku herdû alî gefan li wan dikin. Bi roj Heşda Şeibî bi zorê wan çekdar dike û bi şev jî DAIŞ êrîş dike ser wan, ew jî ji tirsa dixwazin ji mal û gundên xwe bar bikin.

 
Berpirsê Pêwendiyên PDKê: Dorpêça ser Kurdistanê hat şikestin..Pêwendiyên Kurdistanê pir baş bûne

THURSDAY, 19 JULY 2018 17:07:43

Hewlêr-KDP.info- Berpirsê Pêwendiyên Derve yên PDKê Hoşyar Sîweylî ragihand, niha Herêma Kurdistanê pêwendiyên wê yên dîplomatîk pir baş in û ew dorpêça ku Bexda avêtibû ser Kurdistanê me karî bişkînin.

 
PDK: Bi qesdî dengê xelkê Şingalê hijmar nekirin.. Me gilî kiriye

WEDNESDAY, 18 JULY 2018 17:07:26

Şingal-KDP.info- Berpirsê Şaxa PDKê li Şingalê Qadir Qaçax ragihand ku ji ber ku dengên xelkê Şingalê di hilbijartinan de nehatine hejmartin, PDKê gilî kir li dijî wan kesên ku bûne sedem ku dengê wan neyên hijmartin.

 
Nêçîrvan Barzanî: Rojên zehmet derbas dibin, siberojeke ronahî û geştir li pêşiya me ye

WEDNESDAY, 18 JULY 2018 16:07:21

Hewlêr-KDP.info- Serokwezîrê Herêma Kurdistanê Nêçîrvan Barzanî ragihand, ku piştî dorpêç û sizakirinên li ser Herêma Kurdistanê rojên zor û zehmet derbas bûne û diyar kir, ku niha siberojeke ronahî û geştir li pêşiya Herêma Kurdistanê ye.

 
Hozanvana Amazîxî: Pêwîst e Kurdistan bibe mînakek ji hemû navçeyê re

WEDNESDAY, 18 JULY 2018 14:07:22

Hewlêr-KDP.info- Ew hozanvana Amazîxî ya ku li ser piştgiriya referanduma serxwebûna Kurdistanê li welatê xwe ketibû zindanê, serdana Başûrê Kurdistanê kiriye.

 


 
© 2018 Kurdistan Democratic Party, KDP