Kurdî  ■  كوردی  ■  عربي
TUE, 19 MAR 2019 13:47 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

“PDK û YNK lihev kirine û dixwazin bereyeke Kurdistanî ava bikin”
| KDP.info


 

Hewlêr-KDP.info- Berpirsê Pêwendiyên Niştimanî yên PDKê Elî Husên dibêje, PDK û YNKê lihev kirine ku li Bexdayê yek bin û bêhev ti biryarê nedin. Herwiha Elî Husên tekez dike ku ew dixwazin bereyeke Kurdistanî ji hemû aliyên siyasî ava bikin.

PDK beriya hilbijartinan û niha jî daxwaz dike ku Kurd bi hevgirtî biçin Bexdayê û ji bo vê mebestê jî çendîn civîn di navbera PDK û YNKê de hatine lidarxistin û herdû alî li ser yekîtiyê lihev kirine, herwiha daxwaz ji aliyên din ên Kurdistanê kirine ku ew jî ligel wan di vê yekîtiyê de beşdar bin.

Elî Husên ji malpera KDP.info re ragihand: “Em wek PDKê ji serî de li yekîtiya aliyên Kurdistanî digerin. Em û YNKê li Kurdistanê şirîk in û me biryar daye ku em bê hev neçin Bexdayê û ti biryarekê nedin. Me û YNKê lihev kiriye ku em bê hev ti rêkeftinekê li Bexdayê girê nedin û hevahengî di navbera me de berdewam e. Em hewl didin ku aliyên din ên Kurdistanî ligel me bin û em bi yekgirtî biçin Bexdayê, ji bo vê yekê jî em hewl didin ku bereyeke Kurdistanî ava bikin.”

Derbarê mercên PDKê ji aliyên Iraqê ji bo beşdariya di hikûmeta nû ya Iraqê de, Elî Husên wiha got: “Em ne li dijî ti kes û aliyekî ye. 3 mercên me hene ku pêwîst e hikûmeta Iraqê pêbendî wan bibe, ku ew jî tifaq û şirîkatî û hevsengî ye li Iraqê. Niha çend aliyên Iraqê amade ne li ser bingeha van mercan gotûbêjan ligel me bikin.”


 




Nûçeyên din

Qaymeqamê Şingalê: Heta PKK û Heşda Şeibî li Şingalê bin dê aramî nebe

MONDAY, 18 MARCH 2019 17:03:02

Şingal-KDP.info- Qaymeqamê Şingalê behsa şerê duhî di navbera artêşa Iraqê û PKK li Şingalê dike û dibêje, hêzên PKK rojane li ser sînorê di navbera Sûriye û Iraqê çûn û hatinê dikin û heta PKK û Heşda Şeibî li Şingalê bin dê qet rewş li wir aram nebe.

 
Biro: Guhertineke mezin li Rojavayê Kurdistanê çêdibe

SUNDAY, 17 MARCH 2019 20:03:49

Rojavayê Kurdistanê-KDP.info- Berpirsê Pêwendiyên Derve yên ENKSê Îbrahîm Biro ragihand ku guhertineke mezin li Rojavayê Kurdistanê û li rojhilatê Ferat dê çêbibe û dê îdareyeke nû ava bibe.

 
Nêçîrvan Barzanî: Emê sektora geştyariyê bikin çavkaniyek baş a abûriya Kurdistanê

SUNDAY, 17 MARCH 2019 15:03:12

Hewlêr-KDP.info- Serokwezîrê Herêma Kurdistanê Nêçîrvan Barzanî piştî vekirina Pêşangeha Rojhilata Navîn a ji bo Geştûguzariyê li Hewlêrê (METEX) gotarek pêşkêş kir û ragihand: “Pêşxistina sektora geştyariyê yek ji armancên sereke yên hikûmetê ye û emê geştyariyê bikin çavkanî ji dahata Kurdistanê re.”

 
Serok Barzanî: Divê mirovatî bi şermî li hember Helebce raweste

SATURDAY, 16 MARCH 2019 15:03:47

Hewlêr-KDP.info- Bi boneya derbasbûna 31 salan di ser kîmyabarana Helebce, Serok Barzanî radigihîne, divê mirovayetî bi şermî li hember Helebce raweste.

 
Hikûmeta Kurdistanê daxwaz ji Iraqê dike ku Helebçe qerebû bike

SATURDAY, 16 MARCH 2019 15:03:30

Hewlêr-KDP.info- Encûmena Wezîran a Herêma Kurdistanê di 31emîn salvegera kîmyabarana Helebçe de peyamek belav kir û daxwaz dike ku hikûmeta Iraqê, ji aliyê madî û menewî ve Helebeçeyê qerebû bike.

 


 
© 2018 Kurdistan Democratic Party, KDP