Kurdî  ■  كوردی  ■  عربي
FRI, 24 MAY 2019 15:02 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî: Em kar li ser projeyeke Kurdistanî yekgirtî dikin
| KDP.info


Hewlêr-KDP.info- Şêwirmendê Encûmena Asayişa Herêma Kurdistanê, Mesrûr Barzanî di civîneke li gel Balyozê Amerîka yê li Iraqê, Douglas Silliman ragihand, aliyên siyasî ji bo pêkanîna hevpeymanî û rêkevtina li ser projeyeke yekgirtî di hewldanê de ne. Mesrûr Barzanî got, acendaya hikûmetê ji me re giring e ne ew kesê ku dibe serokwezîr.

Îro Duşema 11ê Hezîrana 2018ê Mesrûr Barzanî li bajarê Hewlêrê pêşwazî li Balyozê Amerîka yê li Iraqê Douglas Silliman û şanda pê re kir, ku Konsulê Giştî yê Amerîka yê li Hewlêrê, Ken Gross jî di nava şandeyê de bû.

Mesrûr Barzanî û Douglas Silliman di vê hevdîtinê de geşedan û pêşhatên siyasî yên herî dawî yên Iraqê û bertekên aliyên nerazî li hember encamên hilbijartinan nirxandin û amaje bi hewlên ji bo pêkanîna fraksyoneke mezin ji bo pêkanîna hikûmeta nû û yekrêziya aliyên Kurdistanî kirin.

Mesrûr Barzanî ku hevdem endamê polîtboruya Partiya Demokrata Kurdistanê (PDK) ye, di civînê de amaje bi hewlên di navbera aliyên siyasî yên Kurdistanê de kir û ragihand: “Hewlên aliyan bo pêkanîna hevpeymanî û rêkevtina li ser projeyeke yekgirtî berdewam e, ji bo ku di pêkanîna hikûmeta nû ya Iraqê de bi arasteya çêbûn û dabînkirina xwastekên Herêma Kurdistanê, roleke çalak hebe.”

Şêwirmendê Encûmena Asayişa Herêma Kurdistanê herwiha tekezî li ser giringiya prensîpa hevbeşiya rasteqîn û tifaq û hevsengiyê kir û da xuyakirin: “Ji me re acendaya hikûmeta dahatî giring e, ne ew kesê ku posta serokwezîran werdigre.”

Di civînê de behsa gumanên li ser encamên hilbijartinan hat kirin, zêdebarî tekeziya li ser mekanîzma qanûnî ya ji bo nehêlana wan gumanan, hevdem biryara hilweşandina dengdana taybet li Herêma Kurdistanê bi zevtkirina mafê dengdanê û bi nedadperwer hat binavkirin.

Herwiha di hevdîtinê de Balyozê Amerîka yê li Iraqê, Douglas Silliman tekezî li ser pêşxistina pêwnediyên du alî kir û berdewambûna gotûbêja navbera Herêma Kurdistanê û Iraqê ji bo çareserkirina kêşeyan bi baş zanî.

 




Nûçeyên din

Serok Barzanî û Eyad Elawî guhertinên navçeyê gotûbêj kirin

THURSDAY, 23 MAY 2019 23:05:25
Hewlêr-KDP.info- Serok Mesûd Barzanî pêşwazî li Siyasetmedarê Iraqê Eyad Elawî kir û di wê hevdîtinê de herdû aliyan rewşa Iraqê û guhertinên navçeyê gotûbêj kirin Îro Pênçşema 23.05.2019 li Selaheddîn Serok Mesûd Barzanî pêşwaziya Eyad Elawî Serokê Hevpeymaniya Niştimaniya Iraqî kir.
 
Li Xaneqîn dest bi şewitandina baxên Kurdan kirine

THURSDAY, 23 MAY 2019 06:05:16
Xaneqîn-KDP.info- Heta niha zêdetirî 700 donim zeviyê çandiniyê yê Kurda hatine şewitandin ku niha jibilî şewitandina genm dest bi şewitandina baxên Kurdan hetiye kirin.
 
“Ji ber nebûna Hêzên Pêşmerge li navçeyên Kurdistanê DAIŞ derketiye”

THURSDAY, 23 MAY 2019 05:05:56
Navçeyên Kurdistanî-KDP.info- Terorîstên DAIŞê li navçeyên Kurdistanî yên madeya 140 dest bi tevgerê û şewitandina genimê cotkaran kirine û bac û serane jî ji welatiyên Kurd distînin. Pisporek di warê girûpên Îsalmî yên tundrew de jî dibêje, îstixbaratên welatan ji bo armancên xwe DAIŞ bikar tînin, herwiha nebûna Hêzên Pêşmerge li wan navçeyên Kurdistanê rê ji DAIŞê re vedike ku serî hilde.
 
Li Xaneqîn jî erd û genmê Kurdan dişewitînin..Destê Heşda Şeibî tê de heye

TUESDAY, 21 MAY 2019 17:05:43

Xaneqîn-KDP.info- Berpirsê Şaxa 15 a PDKê li Xaneqîn Şêx Ceifer Şêx Mistefa dibêje, şewitandina erd û genmê Kurdan li sînorê Xaneqîn berdewam e û heta niha nêzîkî 700 donim hatiye şewitandin. Ew dibêje, destê Heşda Şeibî di wî karî de heye û êdî xelkê navçeyê nema karin tehemûl bikin.

 
Ev 57 sal e ku Serok Barzanî Pêşmerge ye

MONDAY, 20 MAY 2019 20:05:24

Bîstê meha 5an sala 1962 ew roj bû ku Serok Mesûd Barzanî çekê şerefê yê pêşmergayetiyê avêt ser milê xwe.

 


 
© 2018 Kurdistan Democratic Party, KDP