Kurdî  ■  كوردی  ■  عربي
FRI, 24 MAY 2019 14:52 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

PKK 3 ciwan ji qeza Rewandiz revandine
| KDP.info


 

Rewandiz-KDP.info- Berpirsê Şaxa PDKê li Soran Elî Ewnî dibêje, PKK li qeza Rewandiz a navçeya Soran 3 welatî revandine û heta niha çarenivîsa wan nexuya ye.

PKK berdewam pirsgirêkan ji xelkê Başûrê Kurdistanê yên ser sînor derdixe û gundên wan bi zorê dagîr kirine û xelkê wan gundan direvînin. Herwiha ji ber hebûna PKK li wan navçeyan Tirkiye berdewam navçeyên Başûrê Kurdistanê bombebaran dike û herî dawî hêzên xwe yên leşkerî jî şandine nava axa Herêma Kurdistanê.

Elî Ewnî ji malpera KDP.info re ragihand: “PKK 3 welatiyên nahiyeya Wertêy ya ser bi Rewandiz revandine. Ew welatî ji bo danheva giyayê ku wek derman tên bikaranîn, çûbûn ser çiya, lê ji aliyê PKKê ve hatine girtin û hêj çarenivîsa wan nexuyaye.”

Ewnî wiha got: “Dîvdeçûn berdewam in ku ew hersê kes ji destê PKKê bên derxistin û rizgarkirin.”

Navê wan hersê kesan ev in: Umer Ebdulah Mehmûd, Helgurd Hemedemîn Ebdulah û Dana Xidir Hemze.

 




Nûçeyên din

Serok Barzanî û Eyad Elawî guhertinên navçeyê gotûbêj kirin

THURSDAY, 23 MAY 2019 23:05:25
Hewlêr-KDP.info- Serok Mesûd Barzanî pêşwazî li Siyasetmedarê Iraqê Eyad Elawî kir û di wê hevdîtinê de herdû aliyan rewşa Iraqê û guhertinên navçeyê gotûbêj kirin Îro Pênçşema 23.05.2019 li Selaheddîn Serok Mesûd Barzanî pêşwaziya Eyad Elawî Serokê Hevpeymaniya Niştimaniya Iraqî kir.
 
Li Xaneqîn dest bi şewitandina baxên Kurdan kirine

THURSDAY, 23 MAY 2019 06:05:16
Xaneqîn-KDP.info- Heta niha zêdetirî 700 donim zeviyê çandiniyê yê Kurda hatine şewitandin ku niha jibilî şewitandina genm dest bi şewitandina baxên Kurdan hetiye kirin.
 
“Ji ber nebûna Hêzên Pêşmerge li navçeyên Kurdistanê DAIŞ derketiye”

THURSDAY, 23 MAY 2019 05:05:56
Navçeyên Kurdistanî-KDP.info- Terorîstên DAIŞê li navçeyên Kurdistanî yên madeya 140 dest bi tevgerê û şewitandina genimê cotkaran kirine û bac û serane jî ji welatiyên Kurd distînin. Pisporek di warê girûpên Îsalmî yên tundrew de jî dibêje, îstixbaratên welatan ji bo armancên xwe DAIŞ bikar tînin, herwiha nebûna Hêzên Pêşmerge li wan navçeyên Kurdistanê rê ji DAIŞê re vedike ku serî hilde.
 
Li Xaneqîn jî erd û genmê Kurdan dişewitînin..Destê Heşda Şeibî tê de heye

TUESDAY, 21 MAY 2019 17:05:43

Xaneqîn-KDP.info- Berpirsê Şaxa 15 a PDKê li Xaneqîn Şêx Ceifer Şêx Mistefa dibêje, şewitandina erd û genmê Kurdan li sînorê Xaneqîn berdewam e û heta niha nêzîkî 700 donim hatiye şewitandin. Ew dibêje, destê Heşda Şeibî di wî karî de heye û êdî xelkê navçeyê nema karin tehemûl bikin.

 
Ev 57 sal e ku Serok Barzanî Pêşmerge ye

MONDAY, 20 MAY 2019 20:05:24

Bîstê meha 5an sala 1962 ew roj bû ku Serok Mesûd Barzanî çekê şerefê yê pêşmergayetiyê avêt ser milê xwe.

 


 
© 2018 Kurdistan Democratic Party, KDP