Kurdî  ■  كوردی  ■  عربي
TUE, 25 SEP 2018 18:45 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Seyda: Projeyeke Amerîka ji bo Sûriyê heye..PYD li Efrînê şaşîtî kir
| KDP.info


 

Dihok-KDP.info- Siyasetmedarê ji Rojavayê Kurdistanê Dr. Ebdulbasit Seyda ragihand ku pêwîst e Amerîka siyaseta xwe bughere bi taybetî jî li Sûriyê, lê pirojeyeke Amerîka ji bo wî welatî heye, ku êdî Sûriye bûye cihê hevrikiyên welatên mezin.

Dr. Ebdulbasit Seyda di hevpeyvînekê de ligel malpera KDP.info ragihand: “Tişta ku niha li Sûriyê çê dibe, bihêzbûna welatên mezin e li navçeyê, lewma jî Sûriye bûye cihê şer û nakokî û hevrikiyên welatên mezin û gelek alî li şûna hin welatan şer dikin.”

PYD li Efrînê şaşîtî kir

Derbarê herêma Efrînê jî ku ketiye bin destê hêzên Tirkiyê û hêzên opozisyona Sûriyê, Ebdulbasit Seyda wiha got: “Di serî de me zanîbû PYD şaşîtiyekê dike û herêma Efrînê wêran kir û xelkê wê yên sivîl kirin qurbanî. Pêwîst e PYD li siyaseta xwe vegere. Efrîn li navçeyeke stratejîk e ji bo welatan û Rûsya xwe jê vekişand û Amerîka jî xwe bêdeng kir.”

Rewşa Efrînê ber bi kû ve diçe?

Derbarê axaftinên Erdogan jî ku gotibû, em dizanin ku emê Efrînê radestî kê bikin, Seyda wiha domand: “Tirkiye dê Efrînê radestî xelkê wê bike. Dê radestî wan kesan bike ku pirsgirêkên wan ligel Tirkiyê tune bin, ji ber ku tenê Tirkiye PYDê naxwaze.”

Amerîka Esed bêhêz dike

Serokê Amerîka Donald Trump bi tundî gefan li Serokê Sûriyê Beşar Esed dike û dibêje emê li Sûriyê bidin. Derbarê wê yekê de jî Dr. Ebdulbast Seyda ragihand: “Projeyeke Amerîka ji bo Sûriyê heye, eger Esed ji ser deselatê jî nede alî, dê wî pir bêhêz bike.”

Êdî pirsa Kurdî li cîhanê tê qebûlkirin

Seyda wiha got: “Opozisyona û rêjîma Sûriyê jî gihîştine wê baweriyê ku divê pirsa Kurdî li Sûriyê bê çareserkirin. Ji ber ku kirîza Sûriyê bê pirsa Kurdî çareser nabe û ev pirs li cîhanê tê qebûlkirin. Li ser asta navxwe jî, pêwîst e PYD bi siyaseta xwe de biçe, ji ber ku hemû şaşîtiyên wê li ser Kurdan tê hesabkirin.”

 




Nûçeyên din

Nêçîrvan Barzanî: Avedanî li Kurdistanê dest pê dike..Me qonaxa dijwar derbas kir

TUESDAY, 25 SEPTEMBER 2018 16:09:03

Duhok-KDP.info- Serokwezîrê Herêma Kurdistanê Nêçîrvan Barzanî di merasîma danîna kevirê bingehîn ê rêya Roviya-Gopal li parêzgeha Duhokê ragihand, 80 milyon dolar bo vê projeyê hatiye terxankirin û Hikûmeta Herêma Kurdistanê bo vejandina piraniya navçeyan plan amade kirine. Nêçîrvan Barzanî tekez kir, ji niha pê ve li Kurdistanê avedanî dest pê dike.

 
Di nava siyasetmedarên Ewropa de behsa salvegera referandumê hat kirin

MONDAY, 24 SEPTEMBER 2018 19:09:44

Hewlêr-KDP.info- Di civîna serkirdatiya Lawê Partiya Gelên Ewropa li bajarê Boxarêst paytexta Romanya, behsa yekemîn salvegera referanduma serxwebûna Başûrê Kurdistanê hat kirin.

 
Japonya: Kurdistan navendeke girêng a aştî û aramiyê ye

MONDAY, 24 SEPTEMBER 2018 19:09:22

Hewlêr-KDP.info- Serok Barzanî pêşwaziya Balyozê nû yê Japonya li Iraqê kir û di wê hevdîtinê de şanda mêvan got ku Kurdistan navendeke girêng e ji aştî û aramiyê, lewma jî ew dixwazin di hemû waran de têkeliyên xwe ligel Kurdistanê bihêz bikin.

Serok Barzanî: Ez piştgiriyê li Fuad Husên dikin

MONDAY, 24 SEPTEMBER 2018 15:09:31

Hewlêr-KDP.info- Serok Mesûd Barzanî peyamek bo piştevaniya li Dr. Fuad Husên bo bidestxistina kursiyê serokomariya Iraqê belav kir û tê de ragihand: “Ji ber şiyan û jêhatîbûna wî min bi baş dît ku birêz Dr. Fuad Husên bo vî kursî berbijêr bikim.” Serok Barzanî herwiha dibêje: “Em bi hemû şiyanekê piştevanî li Dr. Fuad Husên dikin.”

Serok Barzanî: Me dest ji armancên xwe bernedaye..Emê guhertin û çaksaziyeke mezin bikin

SUNDAY, 23 SEPTEMBER 2018 17:09:19

Silêmanî-KDP.info- Serok Mesûd Barzanî ragihand, ku eger di hilbijartinên Parlamentoya Kurdistanê de PDK biserkeft dê guhertin û çaksaziyeke mezin bike.

 


 
© 2018 Kurdistan Democratic Party, KDP